是狗主請進入．．．．．

siuman.C

我上個月買左隻小狗，依家4個月大，一離開個籠就成隻輯私犬敢，不停係敢四圍索，超為食連我隻鸚鵡d量都唔放過，我想問問各位狗主，如果食左是否沒有問題？

duncan

應該冇事,但要開始教,唔可以随使執野食！

風中飛鸚

食左丁多鸚鵡糧當然冇事,不過唔好習慣俾佢隨便執野食,
古老方法係將叉燒裝上鐵釘,等隻狗執黎食就|吉|佢,嚇到佢以後唔咁亂執野食,(只係聽番黎,唔好告我)

大M

實食, 但我覺小小又唔怕

siuman.C

打咀、say no，我都試過都唔得，請問重有什麼辯法？

Louis

唔夠飽同為食係兩回事, 我隻狗唔夠飽時, 莫講話雀糧貓糧, 連屎都會食; 食飽左, 放舊叉燒晌面前都唔會食, 不過會霸住, 唔俾其他動物行埋去.

siuman.C

佢真係連屎都唔放過louis想請交，是否再加d糧，怕唔怕食得太多變肥，點先知飽唔飽？

Louis

BB唔怕肥, 須要足夠均衡營養發育同對策疾病, 餵優質幼犬糧已足夠, 唔須要再添加額外營養添加劑, 特別係鈣, 見過好多BB被餵過多鈣質而令骨骼關節過度生長而變畸形, 真係肥一歲後先減都未遲. 貓狗食飽就會停, 唔會唔知飽.

MANDYLEAD

我上個月買左隻小狗，依家4個月大，一離開個籠就成隻輯私犬敢，不停係敢四圍索，超為食連我隻鸚鵡d量都唔放過，我想問問各位狗主，如果食左是否沒有問題？
siuman.C 發表於 2009-12-21 11:46

hi,你養的是什麼狗狗呢

siuman.C

史納沙(超百厭)

MANDYLEAD

史納沙(超百厭)
siuman.C 發表於 2009-12-21 16:29

史納沙天生就是活潑好動~我屋企都有隻~係屋企都算乖,出到街就周街跑~
你果隻可能係岩岩去到新環境~所以先四周嗅下了解一下~

siuman.C

louis請問需唔需要加三文魚油，是否對皮膚好d，因為史納沙皮膚比較差？當佢去廁所床墊有尿味就會舔，有麼辯法左至？

ChaiChai

我以前都有養史納沙，佢好乖但超餵食，食極都唔知飽，食都嘔都要食，適量既糧就夠，佢咁細小食多餐對佢好d,但記住千期唔好比含鹽分高什食佢食，因為史納沙好少病痛，但好易有皮膚病，多給蘋果佢食對皮膚有幫助。

王斯拉

唔夠飽同為食係兩回事, 我隻狗唔夠飽時, 莫講話雀糧貓糧, 連屎都會食; 食飽左, 放舊叉燒晌面前都唔會食, 不過會霸住, 唔俾其他動物行埋去.
Louis 發表於 2009-12-21 14:01

Louis :請問你依家養有幾多隻狗同幾多隻貓?

Louis

louis請問需唔需要加三文魚油，是否對皮膚好d，因為史納沙皮膚比較差？當佢去廁所床墊有尿味就會舔，有麼辯法左至？
siuman.C 發表於 2009-12-21 16:57

唔需要加魚油, 一般優質狗糧已加入DHA, Omega-3, Omega-6.
Omega-3, Omega-6 係會對皮膚炎症有改善, 但敏感症係遺傳病, 如果隻狗本身無過敏症, 就算唔食魚油, 皮膚都會好靚, 而因敏感而引起既慢性皮膚炎症(俗稱濕疹), 一般會晌一歲後先會出現. 致敏原因有好多種, 大致可分三大類: 1. 接觸性, 2. 食物性, 3. 吸入性.

1. 接觸性: 如植物纖毛上既毒素, 動物纖毛既毒素, 昆蟲既毒素, 日常化學清潔用品.
2. 食物性: 不同食物所含不同種類既蛋白質.
3. 吸入性: 不同既空氣懸浮粒子.

有d狗只會對少數致敏原過敏, 比較容易控制, 只要日常生活被免接觸, 就唔會病發, 使到皮膚發炎.
但有d狗會對好多種致敏原過敏, 一年多個月都皮膚發炎, 須要長期食藥控制病情.
坊間誤解食羊肉狗糧對皮膚好d, 其他係個別狗隻可能對牛肉或雞肉蛋白質敏感, 所以轉食羊肉或魚肉狗糧後, 皮膚有所改善, 因為一般狗糧用牛肉雞肉作主要成份, 當唔再食牛肉雞肉, 皮膚敏感自然好番.

史納莎皮膚已經唔算差, 只係比較易有遺傳性既油脂分泌過多(頸背至尾巴位置), 以致慢性皮脂炎, 毛孔容易被油脂阻塞, 生粒粒及產生角質死皮, 患有此病症狗隻, 須要用藥性沖涼液沖涼, 該藥性沖涼液有擴張毛孔釋放油脂及去除死皮功能, 可助控制病情. 另外, 一般寵物店剪既史納莎裝, 由頸背至尾巴位置剷短, 亦出於此原因.

狗仔舔尿, 多數出於好奇, 大左就唔會.

siuman.C

角質死皮是否白色好似頭皮？因為買第一支沖涼液沖一次後，隔二日發現好多一点点白色(因為我隻個身係黑色特別明顯)，問美容院介紹spa比我隻狗試，用左一次好Ｄ，但都仲有少許，佢話如果用左都有白点，就要焗一次泥，是否需要？如過想帶去美容院剪毛，同帶去街而又可以落地行，徐左要打齊針外，其實有無話最好幾大先帶去？

Louis

角質死皮是否白色好似頭皮？
係, 可能你隻狗患有 Seborrhea, 不過狗仔好少會有, 多數一歲後先開始會發生. 此外, 指甲長及毛短, 好易R痕時擦傷表皮, 形成死皮.

問美容院介紹spa比我隻狗試，用左一次好Ｄ，但都仲有少許，佢話如果用左都有白点，就要焗一次泥，是否需要？
SPA同焗泥都唔須要, 呢D係無謂野, 如果主人錢多就無所謂, 用含有水楊酸成份(Salicylic acid)既藥性沖涼液, 可有效去除死皮, 冬天兩星期或一個月用一次.

如過想帶去美容院剪毛，同帶去街而又可以落地行，徐左要打齊針外，其實有無話最好幾大先帶去？
打齊針同時滴埋 Frontline, 再等兩個星期, 俾足夠時間身體製造抗體, 及等皮膚油脂將 Frontline 帶勻全身, 先至好出街.