tsw

可能係講是咬毛紅頂亞馬遜.

jeffleelm

小心選購...

cool

咬毛灰鸚鵡~市價是500元~            (主人倒貼)
點解大家要用錢去買呢~

(只是講笑)

真係好多時有人放棄咬毛灰鸚~冇可能用錢買啦~
風中飛鸚 發表於 2010-10-26 14:18

.主席如有通知聲,多只唔多,thx 先............

vanessachan

果隻係紅頭亞馬遜,之前我去睇雀時佢在我面前發出哭聲,我見佢咁慘唔忍心佢,我同我老公就諗住買左佢帶佢去醫病.多謝主席同各位提醒咬毛好難醫.但我最唔開心係,明知佢咬毛都話佢係雀BB換緊毛,仲要收萬二.咁即係如果唔達到某個價,就寧願睇住佢死都唔會比人攞走.其實我想知ED雀最後下場是不是自生自滅?死左就當垃圾掉?佢原先個主人唔養佢就應該交去漁護處,佢係受保護唔使人道毀滅仲有可能去嘉道理農場安渡餘生.....唉..

chuiyee0307

果隻係紅頭亞馬遜,之前我去睇雀時佢在我面前發出哭聲,我見佢咁慘唔忍心佢,我同我老公就諗住買左佢帶佢去醫病.多謝主席同各位提醒咬毛好難醫.但我最唔開心係,明知佢咬毛都話佢係雀BB換緊毛,仲要收萬二.咁即係如果唔達 ...
vanessachan 發表於 2010-10-27 08:47

就算拔毛是好難醫, 我都覺得雀雀好慘.....但係個老闆娘太衰喇, 開價太貴

miumiu

If you take it, you may regreted, my advise is don't take any reconsideration.

chuiyee0307

人生實在有太多遺憾.....

豬耳

另一可以考慮的是，如果因可憐咬毛而買下/(救)牠的話，可能無形間會助長了店舖不善待雀鳥，甚至故意製造殘障雀鳥的問題。

風中飛鸚

1交到漁護署的鸚鵡~下落及日後跟進~是不會公開或透露俾任何人知道~不過下落不會是人道毀滅~多數是在上水狗房~環境一定唔好架啦~似終生監禁囉~

2亞cool~講你都唔信~真係好多好多人送鸚鵡俾我養~(指定要我養~我先唔要咋~)如果任由我處理~唔準賣咁計丫~以你亞哥同我關係~都應該有3打啦~註冊會員各兩打半~(好似食田螺咁計)
登記下入黎發言都有一隻亞馬遜啦~

3天下間值得同情事物太多~唔做得咁多好心~你眼前已經有位非常可憐主席~極需要搵人供樓~大家不如想想辦法~如果所有會員合力幫我供樓~可能每人每月幾十元就得啦~(諗起都開心)

chuiyee0307

主席又要供樓....又要供雀......都幾慘.......
你係飛鸚黎KA MA~不如主席唔好住樓喇, 買一個大雀籠, 困自己入去住咪得囉~~~

vanessachan

主席,其實係唔係大部份/全部中大型鸚鵡換主人都會咬毛?我本身養了一隻灰鸚,雀雀1歲,如果遲D我買老婆比佢,佢會唔會產生嫉妒而咬毛呢?

BABYPAPA

今日去1斤再睇下隻鸚鵡,跟住老闆娘馬上過黎同我講。"嘩.E隻好野,識講好多野嫁,隻雀得10個月大,換緊毛,換完毛就好靚啦.佢原本買$14000,現在就收檔,平D買比你,$12000.....我心諗..:老闆娘做生意真係一流,明明咬毛都話換 ...
vanessachan 發表於 2010-10-26 23:30

$12000.. 精神病,紅頭不識講野..我的 red lord 就不識講野,不過可能雀街小....回她$1200 ..但都不值

風中飛鸚

我已經升華到另一境界啦~世界上好多鸚鵡專家~繁殖家~科學家~動物研究員~都一直研究鸚鵡咬毛的問題~
(大家細心咀嚼我研究所得~就知我未必係白痴諗法~個中都有我道理)

先假設所有鸚鵡都一定咬毛~到了某個年齡就必咬~咁我們再提出研究~或耍研究目標就唔同晒~
要研究既就係"為什麼某些鸚鵡~長大後沒有咬毛?同正常鸚鵡生活有什麼差別?為什麼不咬~主人做錯什麼令佢地冇咬毛"

得出驚人結果~鸚鵡發情時~情緒非常覆習~加上主人疏離表演~鸚鵡心理覺得失去所有~
等於一個失戀的年青人~面對年初四返工日子~唔好話咬毛丫~咬"月利"都有份丫~

年初四~<=假期完~錢洗完~利士豆完~公司工作積如山~

(大家係咪覺得我智力好高呢)

vanessachan

咁即係果隻紅頂亞馬遜起碼年紀己到發情期階段.

yokojune

$12000  咬毛 RED LORD AMAZON..

風中飛鸚

1咁又未必去到發情期~我指是大多數的鸚鵡~也有少數在1歲前已經咬~(早熟)"講笑"

2咬毛鸚鵡要12000元~紫藍金剛都唔得~

vanessachan

係呀,可能老闆娘見我連續2日都行埋果隻鸚鵡度,又同佢講野.終於佢就走埋黎話果隻鸚鵡係好野,會講好多野,10個月大,換緊毛(肚仔已經光禿禿了),換完毛就好靚,原價$14000添.但換個角度諗(機會率好微),老闆娘知隻雀唔掂,唔想賣,但又不能講出事實,怕壞了名聲,所以專登講到咁貴打消我買的念頭呢...

chuiyee0307

今日放工睇下先~~~~

風中飛鸚

大家從簡單角度諗~一隻鸚鵡如果每年換毛要換到光脫脫~咁我地應該成日見到好多野生鸚鵡光脫脫係街行黎行去~咁d野生鸚鵡每年咪有幾個月好危險~

換毛係鳥類必要的生理現象~不過係甩一條換一條~因為飛行的烏類~要長期保持飛行羽毛質素~所以必定要更換~

tsw

交到漁護署的鸚鵡~多數是在沙田狗房~環境小小好啦
仲有石鼓洲,或嘉道理農場,好彩就送去外地!