想大家賜教下

MandyYung

好開心認識呢個網站　有ｄ有關養鸚鵡既問題　一直都好想搵ｄ有經驗既人問下　

今年四月　朋友既朋友送左對牡丹鸚鵡比我　到而家都有半年拉　
１）如果要放佢地上手　佢地都差唔多１歲　會唔會好難呢？　訓練上手有咩技巧呢？　
２）我打算攞出黎之前帶佢地去剪毛　因為自己唔識　咁係米要攞去雀街比錢ｄ鋪頭人士就得呢？　
３）同埋我要唔要係腳度上番個扣　？ 　　
４）有時我覺得好迷惑　仔個隻叫Tiger 女個隻叫妹妹　有時妹妹見Tiger 想食同一棵菜　見佢好似反芻緊ｄ野比Tiger 食咁　我真係唔明點解會咁 　
５）佢地兩個　妹妹初頭番黎好活躍　Tiger 就屬慢熱　同埋妹妹成日蝦Tiger 好惡死　但而家好唔同妹妹無以前咁活潑　同埋好似知道唔夠Tiger 爭咁　會好醒目咁比Tiger 先　跟住好似識得同我夾計緊知我第二粒米會比佢食　又好似知我會洗開Tiger咁　佢先會走埋黎食米　（諗起都覺有趣） 　
６）有時我申枝棍入籠　咁耐而黎只有妹妹願意企係枝棍上面　然後我會上上下下咁搖動枝棍同佢玩　但Tiger 只會行過就算　
７）係米ｄ年輕鸚鵡唔鍾意訓覺呢　佢地啱啱黎既時候都好乖夜晚訓覺　但係而家我一到夜晚　圍住個籠鋪紙　佢地會吱吱喳喳　嘈下　跟住半夜又會聽到佢地係籠度唔願訓　係度活動緊　好似呢一刻發緊帖　佢地都重唔肯訓　係度唔知嘈咩　有時訓訓下重會嘈交　  
８）其實唔知係米近排天氣凍　佢地食量都大左　有時夜馬馬都走去食野　

養得佢地　我都唔敢出太耐既遠門　怕佢地無人照顧　再者　我真係好想同佢地再親近ｄ　可以企係我膊頭　手指度　但有時我都怕佢地會咬我　各位可否指點下我呢位新手　感謝　！　

clymcm

好開心認識呢個網站　有ｄ有關養鸚鵡既問題　一直都好想搵ｄ有經驗既人問下　

今年四月　朋友既朋友送左對牡丹鸚鵡比我　到而家都有半年拉　
１）如果要放佢地上手　佢地都差唔多１歲　會唔會好難呢？　訓練上手 ...
MandyYung 發表於 2010-12-22 01:47

歡迎你
我都學習緊如何與鸚鵡共處, 所以我所講既唔一定係正確
只係分享下~

１）如果要放佢地上手　佢地都差唔多１歲　會唔會好難呢？　訓練上手有咩技巧呢？
    任何年紀都可以慢慢嘗試~ 不過有部分雀寧死不從唔跟人
鸚鵡普遍謹慎小心, 只要唔大 / 快動作嚇親佢地, 可以試用手指＋佢地心愛食物慢慢同佢地接觸

２）我打算攞出黎之前帶佢地去剪毛　因為自己唔識　咁係米要攞去雀街比錢ｄ鋪頭人士就得呢？　
如擔心親自幫鸚鵡剪翼後佢會嬲左你，　搵有經驗人士可以呀∼　雀街能伯唔錯

３）同埋我要唔要係腳度上番個扣　？ 　
等 LB 朋友答~　

４）有時我覺得好迷惑　仔個隻叫Tiger 女個隻叫妹妹　有時妹妹見Tiger 想食同一棵菜　見佢好似反芻緊ｄ野比Tiger 食咁　我真係唔明點解會咁
反芻係雀鳥友好既表現, 無問題~ 　 　

６）有時我申枝棍入籠　咁耐而黎只有妹妹願意企係枝棍上面　然後我會上上下下咁搖動枝棍同佢玩　但Tiger 只會行過就算
咁可以先訓練容易上手個隻先, 另一隻有可能會有樣學樣, 見人上佢又上         

７）係米ｄ年輕鸚鵡唔鍾意訓覺呢　佢地啱啱黎既時候都好乖夜晚訓覺　但係而家我一到夜晚　圍住個籠鋪紙　佢地會吱吱喳喳　嘈下　跟住半夜又會聽到佢地係籠度唔願訓　係度活動緊　好似呢一刻發緊帖　佢地都重唔肯訓　係度唔知嘈咩　有時訓訓下重會嘈交　
蓋籠布令籠內變暗可以令佢地休息, 有光而又見主人清醒佢地可能唔肯訓~

８）其實唔知係米近排天氣凍　佢地食量都大左　有時夜馬馬都走去食野
食宵夜~

楚峰

先歡迎妳加入樹樹~
因為我用電話上網，打字麻煩，我唯有一條一條問題咁覆~

１）如果要放佢地上手　佢地都差唔多１歲　會唔會好難呢？　
我認為難度在於恆心和耐性多於歲數
訓練上手有咩技巧呢？　
首要令佢明白到妳對佢無惡意

楚峰

２）我打算攞出黎之前帶佢地去剪毛　因為自己唔識　咁係米要攞去雀街比錢ｄ鋪頭人士就得呢？　
如果唔識剪真係唔好亂試，剪錯一次，佢可能以後都怕剪翼，如果未剪翼，小心拎去街俾人剪個陣甩手飛走，可以搵啲識剪既雀友向室內既地方剪

楚峰

３）同埋我要唔要係腳度上番個扣　？
看個人需要，我對LB係自己上腳環，但唔係成日帶去街
http://www.facebook.com/photo.ph ... .2094230.1432066449

楚峰

４）有時我覺得好迷惑　仔個隻叫Tiger 女個隻叫妹妹　有時妹妹見Tiger 想食同一棵菜　見佢好似反芻緊ｄ野比Tiger 食咁　我真係唔明點解會咁
動物世界好多野都係唔明既...

啤梨

去一次聚會~全部問題解決晒~

楚峰

６）有時我申枝棍入籠　咁耐而黎只有妹妹願意企係枝棍上面　然後我會上上下下咁搖動枝棍同佢玩　但Tiger 只會行過就算
即係唔會拎出籠?佢肯上棍就試下拎黎上手，不過幾乖既鸚鵡都要有俾佢咬手既心理準備

楚峰

７）係米ｄ年輕鸚鵡唔鍾意訓覺呢　佢地啱啱黎既時候都好乖夜晚訓覺　但係而家我一到夜晚　圍住個籠鋪紙　佢地會吱吱喳喳　嘈下　跟住半夜又會聽到佢地係籠度唔願訓　係度活動緊　好似呢一刻發緊帖　佢地都重唔肯訓　係度唔知嘈咩　有時訓訓下重會嘈交
可能係慢慢習慣左妳既作息時間

楚峰

８）其實唔知係米近排天氣凍　佢地食量都大左　有時夜馬馬都走去食野
試下定時放糧，令佢地食野時間穩定啲，好似上面既問題，可能佢地而家習慣左夜晚食野，所以夜媽媽起身食野

MandyYung

7# 啤梨
聚會　請問大概幾時會有呢　？　

MandyYung

10# 楚峰

感謝楚峰網友既賜教　
定時放糧　我真係要學下　因為通常我見佢地食完就會比ｄ佢地
至於作息時間　我經己鋪左ｄ雜誌紙圍住個籠　但佢地都有時唔願訓　有時晚黑返到屋企　同佢地玩左陣　（隔住個籠）　跟住熄燈　佢兩隻野都有時會吱吱喳喳咁嘈　如果係呢個時候馬上鋪紙　嘈得重勁呀　真係似足ｄ細路仔唔肯訓　 　　

如果要鋪布　咩色好呢　係米深色就得　我個對鸚鵡好怕白色既野　

MandyYung

8# 楚峰

咁佢咬我既話　我可以比咩反應　講真　之前佢地唔乖　我真係向佢地噴水　（當然要好唔乖先有呢ｄ懲罰　而家更加唔可以咁　睇左呢個網站後　一陣怕ｄ水入左nose & lung）　妹妹真係嫐左我　猛同佢玩都唔踩我　個次係第一次見識動物唔開心　之後佢唔乖　我都係咁以拍下個籠　大聲小小話下佢　

我較錫妹妹　因為佢返黎個陣超活潑　又識比反應　但近ｄ幾個月　佢明顯靜左落黎　呢個係係Tiger 開始比反應後出現　我無偏心　就算Tiger 成日衝埋黎搶食米　（之前妹妹好惡架　歺歺唔比Tiger 食　唔夠佢大隻　打交都要食先）　我都想餵妹妹食先　但佢而家真係好知擲咁　唔夠Tiger 大隻掛　始終佢係仔　比佢食左先　然後佢好似知我會洗開Tiger 咁　先過黎食　因為我好多時訓練佢地係同一個位置食米　

楚峰

如果妳唔怕佢咬，第一件事係咬妳個陣唔可以縮手，一方面可能會嚇到佢，佢仲咬得大力啲，第二方面可以令佢知道妳係唔怕佢咬，如果佢知道咬妳係有用，就會成日有事就咬，如果佢知道咬妳無用，就自然唔會用咬黎對付妳

楚峰

佢地咬我，我會作勢打佢佢會怕，之後又會捉住佢個咀唔俾佢郁

楚峰

試下唔好用紙黎包籠，佢地會咬紙，
試下用遮光布，但記得要留位置透氣，
而蓋住之後都嘈，係唔係因為妳平時蓋住之後都未訓？佢地聽到仲有聲所以唔訓同埋有回應

MandyYung

2# clymcm


雀街能伯 　請問即係邊一檔呢　？　剪毛大約收幾多錢呢　？

養鳥新丁

2# clymcm


雀街能伯 　請問即係邊一檔呢　？　剪毛大約收幾多錢呢　？
MandyYung 發表於 2010-12-22 15:05

街尾(近花墟公園果邊)
好多人坐係門口的...
果間就係能記..通常坐係出邊同d雀友吹緊水的..
就係能叔..   唔好叫能伯..可能會
同埋雀仔係唔洗剪毛的

風中飛鸚

能記鳥店最特別既地方~(好多人可能唔知~都幾得意~我保守e個秘密多年~終於都要將佢爆出黎~)佢檔口上面竟然寫住"能記"
我就會用視力去搵"能記"兩個字~唔會搵門口好多人囉~

楚峰

佢講既剪毛意思係剪翼...能記近界限街個邊入口，第二檔賣鸚鵡既舖頭，搵熟能叔既雀友問，正常都唔收錢