vanessachan

去睇大圍珍禽異獸,搵DR.TIGER.我隻灰鸚訓左落籠底,企起身都無力,都係比佢救返咋.當然銅鑼灣聽聞有個南非醫生好好,但我未試過.但點都好,救番隻雀條命與阿媽唔中意之間如何取捨就由你自己決定,相信雀雀是希望你能救佢囉.

vanessachan

還有我都是住馬鞍山的,馬鞍山及西貢都沒有睇鸚鵡的醫生的.

Zeta

隻黄頭養咗幾耐？,病咗幾耐？,使用暖包要小心試好温度，留意過熱燙傷。另外留意疴水而造成脫水。用D暖偏熱水開D合成糧做糊仔比佢食暖下個胃。盡快求醫，祝早日康服。

shairley

雀雀怎樣?有冇好轉

miumiu

Hope your parrot recover soon, please keep warm and consult Vet

風中飛鸚

鸚鵡已經出現咁明顯病徵~冇得考慮~

請盡快睇醫生~唔好再考慮睇邊個~
未完待續

風中飛鸚

獸醫邊個好?等於廣華醫院定馬嘉烈醫院好~各有各好~總有醫死人又醫好人~
醫死左~家人咪話冇料到~
醫好左~家人咪大力推薦~

你的情形嚴重~不能再等候~已經算遲發現啦~要有心理準備~

鸚鵡大量飲水已經唔係好現象~好多病都會導致咁情況~腎臟出現問題又有可能~
未完待續~

風中飛鸚

因為你情形緊迫~我又需要打太多字~免得文字流失~唯有多打幾次~

我先假設你的鸚鵡已經飼養多年~(因為初買反正估計唔到先前有乜事)
1你的鸚鵡是吃什麼做主糧?
2是否太多果仁類食物?
3是否有吃人類食物~例如飯餸?
4食水是否每日最少更換一次以上?
5鸚鵡能接觸到自己或其他雀鳥排泄物嗎?
6可以接觸到野鳥嗎?~(例如鴿類?)
7家中還有其他種類的鳥~(例如鴿類?)
8你自己和家人又會接觸到嗎?
我的電話是90220909~已經24小時不停有來電查問~多一個唔多~

風中飛鸚

記住我唔係鸚鵡專家~鸚鵡醫生~
我只是接觸太多鸚鵡人和事~提供分享渠道~
(例如同一情況的雀友~)錯敗的經驗~不能白白浪費~要能夠警惕到其他人~

tsw

鸚鵡宜家點呀!

Amazonshan

要帶埋D排泄物去.

tsw

跟進左幾次
醫生話可能吞左異物消化不良或嗉囊病變
而家當前者先，回家用自然療法---食強酵素生果助消化
若無效就照內窺鏡，找看嗉囊內部變化+取組織驗
而家雀有食慾、亦有力咬人…

詳情待主人忙完再上來細述
Ming 發表於 2011-2-21 19:12

咁都放心D,咬人好

sany

佢點丫 ~?
希望佢快D好返啦 ~

ping

肯食嘢，咁就好啦﹗雀雀俾心機，快D好番，唔好要主人擔心。

gilgil

祝雀雀同主人都平安快樂!

cccyan0105

加油........

yumilam

個醫生唔錯, 推介!!!!(好過大圍d醫生, tiger除外)
因為朋友話tiger宜家好少係診所, 都去左中國救黑熊, 所以叫我睇蔡醫生
尋日睇左馬鞍山的西莎路的蔡醫生
診金450, 但無開到藥
今日護士都有打電話黎跟進(感覺比幾年前睇大圍的鬼佬醫生好好多)
磅重得返三百幾g
醫生話佢應該要有4百幾五百g, 肥d的就有六百幾先啱
嗉囊過大
正常的約巨峰提子咁,
但佢明顯過大
因為睇醫生前八至九點左右佢食過d野
但到睇醫生時都十一點幾, 但個嗉囊仍然好大
有拍低佢便便的相比醫生睇
醫生話量太少
可能因為d食物重係個嗉囊度, 佢消化得慢, 便便都會少左
lee個唔係正常的現象
經診斷
最大可能係嗉囊有異物或嗉囊病變
見意做內窺鏡$2000, 如果係有異物的可以順便扲返出黎, 或嗉囊病變的話可以睇到
如果係異物的就容易處理, 如果係病變就要開刀, 不過叮噹的情況最好唔好做麻醉, 因為身體太弱
唔係就要做 x光加驗血加驗便便加麻醉 $3000
醫生見意返屋企四至五個鐘唔好比野佢食, 但水照飲
睇下個嗉囊有冇細到, 觀察下先
之後最好買d木瓜同菠蘿比佢食
可以的話用木瓜同菠蘿汁開奶粉
宜家要等佢肥返d先
因為太弱, 好多驗查重好等佢肥返d做
返到屋企 四至五個鐘後, 佢有細左小小, 但唔多
買左木瓜但買唔到菠蘿
木瓜唔肯食
最後打汁用針筒餵
都只係餵到二舊細件的木瓜汁
屋企暫時無奶粉
只好扑碎d乾糧, 再加d木瓜汁攪埋比佢食
>.<
咁樣佢返宜肯食, 重要自己食唔使喂
但唔敢比太多乾糧佢食

今朝餵佢食野前有摸過
再細多左d
但都係有舊野
用左四十五分鐘(時間內包括氹佢, 捉住想走佬的佢, 用埋食佢抖下的時間)
餵左二舊仔的木瓜汁(量太少無用拌機, 用左茶隔(超密的)再用茶匙仔"顏"成汁or蓉)
之後左用十幾粒份量的乾糧碎將個碗仔d餘汁撈埋佢, 佢好乖自己食埋(我覺得食得少, 但佢已經唔想食)
因為返工無人睇到佢
係未買新的蛋糧同奶粉的情況下, 只好係佢個食物兜放左小量的乾糧
不過走時見佢瞓緊, 可能未想食住
宜家只好等28/2我last day後可以多d時間睇住佢

yumilam

我先假設你的鸚鵡已經飼養多年~(因為初買反正估計唔到先前有乜事)
係呀養左好埋, 佢幾年前都試過出時, 大圍話係脂肪肝, 但網友話係嗉囊有事
當時大圍話三日命, 抱住死馬當活馬醫, 無留比大圍醫, 網友比左一種藥我試
但唔記得寫低個名, 食左三日後無事
但醫生話今次可能係上次未完全好返,  之後個問題一直積落黎, 所以一次發出黎

1你的鸚鵡是吃什麼做主糧?------>KAYTEE的乾糧
2是否太多果仁類食物?-------->間中比一至二粒佢食, 有合桃, 杏仁等, 全部係未制過的
3是否有吃人類食物~例如飯餸?--------> no, 不過食開生果會比埋佢食, 蔬菜就最少浸洗二個鐘先比佢食
4食水是否每日最少更換一次以上?----------->每日洗籠會換一次水
5鸚鵡能接觸到自己或其他雀鳥排泄物嗎?----------->其他的無可能, 自己的好難講
6可以接觸到野鳥嗎?~(例如鴿類?)--------->冬天後無出過門
7家中還有其他種類的鳥~(例如鴿類?) 一隻中葵, 一隻雞尾, 三隻桃面
8你自己和家人又會接觸到嗎?---->唔明

vanessachan

吓..原來DR.TIGER已經不是長駐診所....太可惜了.她是個很好很有經驗的醫生.我隻灰鸚比佢救返後,佢就教我養雀添.我想問蔡醫生沒有開藥,但有沒有打針呢?