養鳥新丁

新丁，
新丁，
一年就係一年，
過左今年，你又大一歲，好快就變成所謂既「大人」。
一做左「大人」，會被人施加好多既「期望」，無一技之長/學歷既你，會好辛苦。
我有朋友，細個時讀中四讀左三次，最後會考畢業都唔好成績，佢而家三十二歲，二十九歲人先發現，原來都係要走讀返書呢條路先可以係香港揾食~(先此聲明，此人年齡大過我~HA)真係揾書讀~
又有一個我學興趣班既師弟，今年十九歲，問佢搞緊咩~佢話做緊野~又讀緊書~好辛苦~每個月D糧又要比少少屋企，又要養女朋友，又要比學費~我問佢：「你做建築，都要讀~﹖」，佢答：「都要讀，而家邊行都要學歷。」

所以反正遲讀早讀都係要讀，都要捱落去~
我諗你第一步係：
決定自己係咪想讀返書。
第二步係：
諗清楚自己係咪想讀主流學校，讀中文、英文、數學、通識、兩個選修科，
定係想讀有利就業既學校，
第三步係：
決定左，就要揾資料~
真正 發表於 2011-5-2 00:28

期望....每一個父母都望子成龍....
其實我小時候...係好唔中意長輩(親朋戚友)..攞我黎同其他人比較...
只需要做好自己就夠了.......假以時日...將佢地既眼鏡全部跌碎...

返主流學校讀書....的確........應該咁做...
唔知仲有邊間敢收我呢... 惡名昭彰...
用呢四個字絕對唔誇張....
中英數通識...兩個科...簡單得很....
唔....可能直接唔讀依家既青年學院....
出年返返主流學校讀....兩年時間...
唔留級...攞中五學歷...輕而易舉......
我真係要慎重咁考慮一下

養鳥新丁

新丁,我只知道無張(沙纸)就無得升級,好似本人咁,叻唔叻都無用,成世做牛。
tsw 發表於 2011-5-2 00:35

大仙你去到呢個位置....我諗安穩就足夠了.....
你唔需要再向上爬啊
但若果係我呢 20歲~做呢個位...30歲...40歲...
我必需要向上爬....否則最後只會被淘汰...

養鳥新丁

出了社會人就會知道,畢竟現在社會,學歷是一項最基本的門檻,不讀書是否會找不到工作,或讓自己沒辦法生存下去,我想到是不至於, 只不過會比較辛苦工作內容都會是以體力和勞力比較多,書到用時方恨少,這是千古不變也是前人到現在苦心,書是為了自己讀,除了增廣自己見聞,更能夠培養自己內涵和氣質,很多出了社會的人都會回到學校在進修,就是覺得自己學的還不夠多,在殘酷社會吃了虧才會在想回到學校學習,假如現在還是學生,請聽真的要好好讀書,假如剛畢業, 那過幾年就知道辛苦和痛苦.
但不管怎麼樣 自己努力加油最重要
tsw 發表於 2011-5-2 01:04

但係部門無(沙纸)連升級試都無得考,出黎做野就知各位!

各位讀D多書 ,真係好架,老人家長氣D,唔好怪我呀!
tsw 發表於 2011-5-2 00:54

多謝大仙既分享∼
其實係因為你地上一代(應該係幾代)~當時有好多人都無機會讀...
依家既細路個個都有機會讀...所以更應珍惜   我明白

養鳥新丁

新丁 , 見你比我地感動到咁 , 講樣野你知  其實我以前無朋友
就算有好快反晒面 無聯絡 ,
我細個屋企人掛住搵錢 , 外婆帶大我時乜都唔比我試 , 搞到我性格痴痴呆呆咁
同朋友相處唔到唔識表達自己 , 漸漸變到會扮順從扮隨和扮足 , 直到因為我係d明知錯嘅情况下都唔肯出聲搞到差d連個好家姐都無埋我先識醒
有時我見你好正義係好事 , 但有時都要顧及後果 , 真實情况先好講 , 唔係事事郁d就同人嘈
咁樣唔得架 , 係適當時候要靜 , 係適當時候要出聲
多d同屋企人講下野 , 溝通下啦
小草妹 發表於 2011-5-1 23:10

我初時都接受唔到自己改變 , 唔願改變 , 總覺得過去好好 , 但每次都會想返起差d連屋企人都無埋我就會即刻唔敢再黎 , 你都要加油
我係過來人 , 我嘅經歷你未必啱聽或者各位見我同新丁一樣大無資格分享比佢聽 , 但我確確實實經歷過呢d事深知唔讀書後果係咩 , 我以前好怕講比人聽我以前嘅野 , 但宜家反而覺得無乜大不了 , 反正都已成過去
新丁讀好d書 , 我信你得嘅
小草妹 發表於 2011-5-1 23:15

咁你都知 , 名校無錯真係有分加 , 但都唔係白白乜都唔洗做就坐享其成
讀名校比其他學校辛苦 , 為Keep住學校成績佢係咁逼你讀逼你學
今年我地成級form 4 齊齊去考外國共開試 , 結果前個學期都quiz呀test 到痴線
日日3,4科test 嘅日子都唔知過jo幾多日
上星期考完mock 日考2,3份卷每份差唔多成30版每份考2,3個鐘 , 只係考8日我已經接近崩潰  , 跟住見到份卷差4分先合格我真係喊到痴線成晚亂咁打比人亂講野話要去死呀乜都講齊 , 隔離位差7分又陪我顛話一齊死
幸好大家屋企各自有班小朋友撐住唔係我真係會走去輕生都似 , 我宜家study leave 緊 , 真係要玩一玩輕鬆下先再挨得住
名校加分背後個代價其實真係唔輕
小草妹 發表於 2011-5-2 01:11

而且d老師真係變態架  明知份mock卷做唔晒 , 預早1個月叫定我地skip 晒d long q 成廿幾三十分唔好做
叫我地check 卷好過
小草妹 發表於 2011-5-2 01:23

無朋友......就係細個長輩口中叫既..獨家村...
可能一出世就係怪人啦...性格同脾氣都怪怪....
以前其實有朋友差唔多等於無朋友...
真係朋友既...一隻手都數得曬...
直到養魚養蝦....有一班蝦友魚友....
又直到養鸚鵡...有你地一班雀友
我諗我都算係唔識表達自己....好多野都唔講出口...
以為人地會知~其實根本唔講~人地點會知道
我諗...係今時今日呢個社會...
正義係唔係咩好事...路見不平..拔刀相助.....就係第一個俾人劈死果種...
難聽d就係叫多管閒事
好多人將歪理當係真理...扭曲事實...顛倒是非黑白.....
騙案~罵戰~~一切一切不平事....相比以前就好少會再插一腳埋去...
件事未對自己有任何直接關係...就唔會去管了....
太過份/真係睇唔過眼就......
屋企人其實我知道佢地唔係唔理我....父母為口奔馳..
無辦法.....啊爺身體愈黎愈差...眼又睇唔清....
以前好少傾偈~三句唔埋就嗌交.....依家知道啊爺老啦...
會盡量遷就佢
若果唔去改變...永遠沉醉係過去....好快會被淘汰......
點會無資格...我諗係呢個論壇既每一位都有資格分享自己既經驗.....
講真....其實岩岩(12點左右)...我真係一邊回覆..一邊流眼淚...
居然仲有人對我有信心.......一個過去被認定無得救..
無可救藥既垃圾...居然仲有人關心...有人信
好感動.....你地咁關心我
我都唔知道應該講d乜野好了....
多謝你地....
ps:每次情緒好低落/好感動...我都會上網聽下歌...
我仲會揀特別有意思既歌....通常都係年代久遠/總之唔會係近年既歌...
我認為果d先叫做歌...
分享一首黎瑞恩 - 陽光路上
[youtube]J0HxYw4T9fM[/youtube]
歌詞~
天上有青空一片 藏著了風雨 藏著你我美夢幻想

一路往 似偏雨漫長 爬越了彎角 前面會有你我方向

夢 甜蜜理想 我與愛侶雨冀待艷陽

夢 留下餘香 我這世界要跟你去分享

我也有過半天迷惘 對我過去半分鐘的悽愴

愛過痛過再次換來開朗 我的心裡你心裡有天窗

請將傷心扮相放在路旁 隨著我歌唱 尋覓最愛與夢想

生命裡那可以直航 前面有風雨 前面更有你我嚮往

在 疑惑年紀 每次錯過總不懂得戀愛

夜 還是年青 放眼看看這星雨的天空

愛意到了半天潮漲 悄悄退去半天寂寞渺茫

愛過痛過再次換來開朗 我的心裡你心裡有天窗

請將傷心扮相放在路旁 隨著我歌唱 尋覓最愛與夢想

生命裡那可以直航 前面有風雨 前面更有你我嚮往

這個世界已換了季節吧 遠看處處鋪滿了鮮花

再次讚美有情人可相愛 你可以我可以不分開

請將傷心扮相放在路旁

Ready for you & and loving you too

生命裡那可以直航

Together we share forever more

將惆悵試輕放路旁 隨著我歌唱 尋覓最愛與夢想

生命裡那可以直航 前面有風雨 前面更有你我嚮往


鄧麗君-漫步人生路
[youtube]oN9QzVFtpMw[/youtube]

gameijk

我唔敢比意見
因為我舊屎D老細都無學歷、個個幾千萬身家、有d仲幾憶身家、
97後香港被共匪入侵、偷 "呃" 拐騙、成為日常工作,
中七生入識銀行月入7.5k
副仔入識銀行月入8k
大學生入識銀行月入8.5k
三年大學學費加生活費=230k
苦讀三年為每月多1K
230個月=19年多
事業線四寸加董得風情者入織及升級加新機會比gpa爆4者高
社會永遠都唔會公平,有能者及董得時機者獲勝、
大學生用六張visa炒iphone4兩個月慍40k.
香港係全世界機會最多既地方、
而新丁各下好明顯係不喜守規之人,
比你入學入識都唔係好出路、因為你係麻煩marker.
你要生存就要認識自己在社會既定位,多學多做多試,比自己練成有技術之人.
在下發下×風、我知大部分人都唔會同意

養鳥新丁

我唔敢比意見
因為我舊屎D老細都無學歷、個個幾千萬身家、有d仲幾憶身家、
97後香港被共匪入侵、偷 "呃" 拐騙、成為日常工作,
中七生入識銀行月入7.5k
副仔入識銀行月入8k
大學生入識銀行月入8.5k
三年大學學費加生活費=230k
苦讀三年為每月多1K
230個月=19年多
事業線四寸加董得風情者入織及升級加新機會比gpa爆4者高
社會永遠都唔會公平,有能者及董得時機者獲勝、
大學生用六張visa炒iphone4兩個月慍40k.
香港係全世界機會最多既地方、
而新丁各下好明顯係不喜守規之人,
比你入學入識都唔係好出路、因為你係麻煩marker.
你要生存就要認識自己在社會既定位,多學多做多試,比自己練成有技術之人.
在下發下×風、我知大部分人都唔會同意gameijk 發表於 2011-5-2 05:46

街坊咁早都上黎分享~
我諗我讀多兩年會比較好啦......
其實兩年一轉眼就過...加上唔係讀唔到的話...都會好輕鬆

gameijk

街坊咁早都上黎分享~
我諗我讀多兩年會比較好啦......
其實兩年一轉眼就過...加上唔係讀唔到的話...都會好輕鬆
養鳥新丁 發表於 2011-5-2 05:53

在下連完成中五既能力都無
加上係超特級麻煩marker.
所以出泥社會所受既比正常人多,
有感而發姐

養鳥新丁

在下連完成中五既能力都無
加上係超特級麻煩marker.
所以出泥社會所受既比正常人多,
有感而發姐
gameijk 發表於 2011-5-2 06:05

tsw

己經講過多次:各位記住

努力不一定會成功,但成功一定要努力,戰勝自己是最大勝利,反省人生最大是智慧,成功與否是自己的較量,承擔是負責任的開始,有壓力才有原動力,銅鏡不磨如何映照萬物.

真正

學校就唔敢介紹喇﹗
不過，街坊講得arm，
我支持新丁你讀返書，但假如入返主流學校，主流學校都有主流學校既規矩，你制造麻煩既問題一定要改。
所謂既「正義」與否，有時只係觀點與角度既問題，
即使係警察、律師、法官，所謂既「正義」係香港都只係依法律辦事，講真都無咩人有絶對能力去定義「什麼係正義」、「什麼唔係正義」，所以「正義」與否，新丁用你既眼睛多觀察，多學習，先下判斷會好d~
你最值得人欣賞既係：「錯就要認」，係一定要堅持，
不過我地係錯之前，係應該避免犯錯。
錯左仲要大條道理撐自己既，就真係唔值得原諒。

都唔怕老實講，
其實一路睇你d post，我都唔係好想同你講野，因為正如街坊講，你係一個麻煩marker，
你既缺點確多，但經過觀察，
你係心地善良，只係做法錯誤，
我之所以出呢個post，係唔想你再自閉，越自閉，就越容易諗埋一邊，
出黎讀書，其實係想你多d接觸生人，(唔係話你一路接觸果d都係....)，從魚蝦蟹、鸚鵡等等跳出黎~
開闊下眼光，認識人情世故~
至於前途唔前途，我覺得對你黎講，已經係下一步~
你要「還原基本步」先喇~

真正

對唔住，新丁，我真係好多事，係職業病。原諒我呢個歐巴桑。

OnOn

真正 ,
好欣賞你的敢言, 能說出心底話, 才是真正的朋友。
你所說的亦非常有道理,  大家都只係為新丁好。

新丁,
每個人都有不同的潛能, 但亦要有一定的基礎, 你要努力, 好多人會支持你。

Cozzy

我唔敢比意見
因為我舊屎D老細都無學歷、個個幾千萬身家、有d仲幾憶身家、
97後香港被共匪入侵、偷 "呃" 拐騙、成為日常工作,
中七生入識銀行月入7.5k
副仔入識銀行月入8k
大學生入識銀行 ...
gameijk 發表於 2011-5-2 05:46

GPA4 果D好多都係,高分低能
求學不是,求分數的結果

煙花

我都係一個讀唔成書o既人,不過果陣因為我有自己想去學o既野....學完再去做...發現興趣用黎當工作係一件好辛苦o既事....

攪到e+讀書唔成,再搵其他工變左唔易,好彩有人請,唔係就食谷種.............
書到用時方恨少,雖然我無後悔自己揀o既路,不過的確係香港要有一張沙紙

BoBoBoBo

見過不少讀書不成的人, 就是有人鼓勵一下, 就發奮圖強, 人生就此大改變....

新丁, 努力一下, 睇好你呀! 我總覺得你係IQ好高,可惜EQ勁低的人, 但你再次上樹之後, EQ已經高左好多!

不必說沙紙對前途有多重要, 只要想想....
將來識著個心儀的女孩子, 人家碩士畢業, 即使人家不介意, 自己總免不了自痺不敢追....

時間好快過, 好好為人生定個目標~~~ 說不定, 有天你也會成為傑青!

Saiga

我諗...係今時今日呢個社會...
正義係唔係咩好事...路見不平..拔刀相助.....就係第一個俾人劈死果種...
難聽d就係叫多管閒事
好多人將歪理當係真理...扭曲事實...顛倒是非黑白.....
騙案~罵戰~~一切一切不平事....相比以前就好少會再插一腳埋去...
件事未對自己有任何直接關係...就唔會去管了....

這點我認同，我自己都一直在堅持 "自己的正義"
可能係我自己睇太多英雄動畫，咩幪面超人，超人迪加，美國隊長，X-men果d
對 "正義" 有好大既執著......但大前提是
要行使這份 "正義" 的同時，你有沒有這份 "能力" / "本錢" 去行使？
可能有些人說，當一個警察就能維持治安，但考警察也要有一份資歷，這就是你的 "本錢"
我明白這一點，所以我由當初放棄讀書，到宜家要諗點樣先入到大學
呢份改變我自己都估唔到，我仲記得當初我仲好大聲咁同自己講.....
[我讀完個中五就唔會讀書，同埋更加一定唔會入大學！]
但到宜家？講得難聽d，係呢個現實既社會令我去改變
我一直係到追尋自己既生活，我鍾意動物，但現在既屋企唔比我再養(因為屋企冇位＝＝")
所以我決定，一定要改善我宜家既生活！
人係要有目標先會前進，冇目標既人只會停滯
欲望每個人都有，視孚大定小同埋良性定惡性
只要朝住自己既目標同方向前進，終有一日係會有結果睇到的.......
新丁...簡一條岩自己既路，去為自己的未來奮鬥吧！！！

養鳥新丁

學校就唔敢介紹喇﹗
不過，街坊講得arm，
我支持新丁你讀返書，但假如入返主流學校，主流學校都有主流學校既規矩，你制造麻煩既問題一定要改。
所謂既「正義」與否，有時只係觀點與角度既問題，
即使係警察、律師、法官，所謂既「正義」係香港都只係依法律辦事，講真都無咩人有絶對能力去定義「什麼係正義」、「什麼唔係正義」，所以「正義」與否，新丁用你既眼睛多觀察，多學習，先下判斷會好d~
你最值得人欣賞既係：「錯就要認」，係一定要堅持，
不過我地係錯之前，係應該避免犯錯。
錯左仲要大條道理撐自己既，就真係唔值得原諒。

都唔怕老實講，
其實一路睇你d post，我都唔係好想同你講野，因為正如街坊講，你係一個麻煩marker，
你既缺點確多，但經過觀察，
你係心地善良，只係做法錯誤，
我之所以出呢個post，係唔想你再自閉，越自閉，就越容易諗埋一邊，
出黎讀書，其實係想你多d接觸生人，(唔係話你一路接觸果d都係....)，從魚蝦蟹、鸚鵡等等跳出黎~
開闊下眼光，認識人情世故~
至於前途唔前途，我覺得對你黎講，已經係下一步~
你要「還原基本步」先喇~
真正 發表於 2011-5-2 10:41

對唔住，新丁，我真係好多事，係職業病。原諒我呢個歐巴桑。
真正 發表於 2011-5-2 10:42

明年會試下搵學校.....我知道會比其他人更難搵到學校肯收...
邊係多事呢.... 多謝你

養鳥新丁

這點我認同，我自己都一直在堅持 "自己的正義"
可能係我自己睇太多英雄動畫，咩幪面超人，超人迪加，美國隊長，X-men果d
對 "正義" 有好大既執著......但大前提是
要行使這份 "正義" 的同時，你有沒有這份 "能力" / "本錢" 去行使？
可能有些人說，當一個警察就能維持治安，但考警察也要有一份資歷，這就是你的 "本錢"
我明白這一點，所以我由當初放棄讀書，到宜家要諗點樣先入到大學
呢份改變我自己都估唔到，我仲記得當初我仲好大聲咁同自己講.....
[我讀完個中五就唔會讀書，同埋更加一定唔會入大學！]
但到宜家？講得難聽d，係呢個現實既社會令我去改變
我一直係到追尋自己既生活，我鍾意動物，但現在既屋企唔比我再養(因為屋企冇位＝＝")
所以我決定，一定要改善我宜家既生活！
人係要有目標先會前進，冇目標既人只會停滯
欲望每個人都有，視孚大定小同埋良性定惡性
只要朝住自己既目標同方向前進，終有一日係會有結果睇到的.......
新丁...簡一條岩自己既路，去為自己的未來奮鬥吧！！！Saiga 發表於 2011-5-2 13:45

咁我反而又無成日睇英雄動畫~
拯救地球都係留返俾超人喇
選定一條路......奔向未來

養鳥新丁

見過不少讀書不成的人, 就是有人鼓勵一下, 就發奮圖強, 人生就此大改變....

新丁, 努力一下, 睇好你呀! 我總覺得你係IQ好高,可惜EQ勁低的人, 但你再次上樹之後, EQ已經高左好多!

不必說沙紙對前途有多重要, 只要想想....
將來識著個心儀的女孩子, 人家碩士畢業, 即使人家不介意, 自己總免不了自痺不敢追....

時間好快過, 好好為人生定個目標~~~ 說不定, 有天你也會成為傑青!
BoBoBoBo 發表於 2011-5-2 13:44

咁似以前老師講既人生交叉點既......
中一時被老師質疑過IQ有問題....測過一次........
傑青就..........太遠了點...最近先取個中五學歷吧

養鳥新丁

我都係一個讀唔成書o既人,不過果陣因為我有自己想去學o既野....學完再去做...發現興趣用黎當工作係一件好辛苦o既事....

攪到e+讀書唔成,再搵其他工變左唔易,好彩有人請,唔係就食谷種.............
書到用時方恨少,雖然我無後悔自己揀o既路,不過的確係香港要有一張沙紙
煙花 發表於 2011-5-2 12:59