我的黃頸金剛原來營養不良, 慘!

jennymok

上星期帶咗隻黃頸金剛去睇醫生, 因為佢輕咗(from 300g to 278g), d便便變得多水, 唔講野、唔叫時常想瞓。初步檢驗d便便無寄生蟲, 所以要照x-ray & 驗血, 原先好擔心, 因為有雀友嘅雀曾在麻醉抽血途中死亡, 但最後都决定驗血因為佢輕咗、想瞓同唔出聲一定係有病。

驗血報告出咗之後, 發現體內鈣、鈉、磷、蛋白質都偏低 (低過Lower range), 白血球上升及指數顯示巳發病over一星期, 好彩肝腎功能正常, 而x-ray就發現氣囊有輕微陰影, 有可能氣囊發炎引致白血球上升, 要食抗生素7曰。亦要長服鈣水+D, 而Louis亦懷疑佢中暑, 可能飲水量大增導致便便多水, 痾得多水所以血濃度高咗, 因為晚上我們會將露台門關上, 而廳又無窗, 隻金剛個籠响4個籠嘅中間, 可能會好焗而中暑!

jennymok

但重點係我地養雀養咗咁多年, 原來方法都係錯誤,
錯誤(1) : 為免牠們掉糧玩糧, 我們一日只餵2餐, 份量剛好, 因為掉一粒就無一粒, 所以牠們會食曬。我地又驚放得太多糧易變壞。
醫生話 : 响野外獵食動物食飽一餐後就會等肚餓才去再獵食, 但雀鳥唔係獵食動物, 係需要不停食野, 呢棵樹食下嗰棵樹食下, 所以不能以"餐"去餵食, 要keep住糧兜有糧, 如驚變懷可少量少量添加! 另要有大量新鮮生果及深綠色蔬菜。

錯誤(2) : 擔心牠們對單一食物容易生厭, 我們每餐會有Harrison, RoubyBush, Tropimix生果糧 & 少量瓜子! 因有其他副食品, 我們反而減少餵食Harrison嘅份量, 例如細型金剛一日需要24粒Harrison, 我地只餵16粒!
醫生話 : 每日要吃足夠嘅合成糧, 才能供給足夠嘅營養, 响咁多副食品嘅情況下, 隻雀只會首先食曬其他糧, 可能巳飽了1/2, Harrison只會食少少, 所能吸收嘅營養就會少之又少。瓜子、果乾、果仁係可以當獎勵, 但不能多!

錯誤(3) : 一直認為金剛需要油份, 加上我隻黃頸金剛心口有少少咬毛, 聽人講話缺少油份, 所以牠吃嘅瓜子&果仁份量都比其他雀多!
醫生話 : 瓜子&果仁會減慢佢地吸收維他命Ａ, 醫生亦幫佢影咗一幅口腔內部嘅照片, 發覺佢呼吸道口個位(三角形d邊)無咗d鋸齒形邊! 醫生亦比咗一個healthy bird嘅sample我睇, 我隻金剛仔因為缺乏維他命A, 所以無咗呢d鋸齒形邊! (今晚會post相), 返到屋企check下,原末隻隻都有! 醫生又話佢地唔係响野外生活, 唔須要飛咁多所以唔需要咁多油份!

錯誤(4) : 以為無用”易潔鑊,” 巳經好安全。
醫生話 : 除了易潔鑊响高温下會釋出對雀鳥致命嘅氣體外, 平時高温煮食物時嘅油煙氣體對佢地都唔好, 因為家養鸚鵡少做運動, 加上雀鳥嘅呼吸系統好sensitive, 所以室內空氣一定要流通, 煮食時一定要移開牠們, 及將牠們的籠搬離廚房。(牠的籠放在廳中近廚房)

今次好似上堂一樣, 醫生亦清楚指出我們嘅錯處,希望大家可作參考,及驗查雀雀的呼吸道口個位(三角形)有無d鋸齒形邊! 無=缺乏維他命A!!

yimaggie

o係銅鑼灣睇~??
咁合成糧餵單一定多種好呢???

jennymok

响大圍的一個匈牙利籍醫生, 佢有珍禽異獸牌, 只睇鳥及爬蟲類。 而Tiger放大假Aug 20先返!

養鳥新丁

情況可供其他雀友參考~~~好彩發現得早

BABYPAPA

我由細到大養雀都不㑹一日兩餐的，大種狗可一日一餐，细種狗就不能一日一餐，可能很多人見BII 的鸚鵡都是一曰兩餐而學了！但我覺得不對，因雀本身体型细，不能長時間空肚，無野食！

BABYPAPA

曾有網站説單一合成糧也是不好的！一定要有一些果實或種子給雀開開咬咬，也是樂趣！油煙對什麽動植物也不好的！

養鳥新丁

曾有網站説單一合成糧也是不好的！一定要有一些果實或種子給雀開開咬咬，也是樂趣！油煙對什麽動植物也不好的！
BABYPAPA 發表於 2012-8-10 11:40

每天三餐只給我吃白飯~~~也是不好的吧

jennymok

我由細到大養雀都不㑹一日兩餐的，大種狗可一日一餐，细種狗就不能一日一餐，可能很多人見BII 的鸚鵡都是一曰兩餐而學了！但我覺得不對，因雀本身体型细，不能長時間空肚，無野食！
BABYPAPA 發表於 2012-8-10 11:24

醫生話貓狗就可以一曰兩餐, 但雀就唔可以啦!

hahalegolas1991

我由細到大養雀都不㑹一日兩餐的，大種狗可一日一餐，细種狗就不能一日一餐，可能很多人見BII 的鸚鵡都是一曰兩餐而學了！但我覺得不對，因雀本身体型细，不能長時間空肚，無野食！
BABYPAPA 發表於 2012-8-10 11:24

同意, 就算食物包裝其實都有寫到每日份糧係要有少少食淨.

btw, 我唔係好明白混合合成糧有咩問題... 樓主指出混合合成糧會令鸚鵡食少o左主要合成糧, 呢個我明, 但唔係應該種種合成糧都係含有合適o既營養o架咩(最少係包裝話啦), 咁點解食少o左其中一種會導致營養不良呢?? 唔可以由其他合成糧度補番咩?? 事關我有一個兩個住客o既籠, 一隻食H牌高幼(亦會食其他糧), 另一隻只肯食Zupreem生果糧, 所以我個籠長期都會有兩個糧兜放住呢兩種糧, 食H牌o個隻成日會去偷食人地啲生果糧, 想知會唔會有問題....

Daddy

2# jennymok


我有隻愛情鳥都係食一半冇一半~仲有些偏瘦~毛都偏少、心口仲要見肉天~~

jennymok

我隻生果糧係Tropimix, 即內有少少合成糧加種子、瓜子、果乾、果仁, 醫生嘅意思係雀一定會食曬呢d先, 再食Harrison, 或唔食住再等下一餐佢鐘意嘅野食!

jennymok

大家記住驗查雀雀的呼吸道口個位(三角形)有無d鋸齒形邊! 無= 缺乏維他命A!! 今晚會post相指出正確位置!!

BABYPAPA

每天三餐只給我吃白飯~~~也是不好的吧
養鳥新丁 發表於 2012-8-10 11:45

加生抽咪得囉！

BABYPAPA

我的也是吃Tropimax ,但因全無殼，我又加hagens 有殼的生果糧！主人不易做！

養鳥新丁

加生抽咪得囉！
BABYPAPA 發表於 2012-8-10 12:09

我喜歡美極丫

hahalegolas1991

我隻生果糧係Tropimix, 即內有少少合成糧加種子、瓜子、果乾、果仁, 醫生嘅意思係雀一定會食曬呢d先, 再食Harrison, 或唔食住再等下一餐佢鐘意嘅野食!
jennymok 發表於 2012-8-10 11:55

原來係咁, 明白!

大家記住驗查雀雀的呼吸道口個位(三角形)有無d鋸齒形邊! 無= 缺乏維他命A!! 今晚會post相指出正確位置!!
jennymok 發表於 2012-8-10 11:59

check左, 兩隻寶寶都有~

ckw3b

好彩發現得早, 希望你隻寶貝快快回復健康呀!!!

jennymok

原來係咁, 明白!


check左, 兩隻寶寶都有~
hahalegolas1991 發表於 2012-8-10 12:56

恭喜曬! 我都係得隻金剛無咋!

Stan

多謝分享, 希望早曰康復!

想問, 如果真的無鋸齒形邊 (缺乏維他命A), 要如何補充? 要補充幾耐? 之後鋸齒形邊是否會再出現 (如有足夠維他命A)? 另外維他命A會否過多? 如何知道呢? Thx ~~ 唔好意思, 太多問題!