parrotlove

希望你真係 Takecare 到啦 !!

carcar

為大家帶來一個壞消息, 係10月24日黃昏小雞尾離開左我!
我同佢只有幾日的相處, 但我係真心愛佢, 同時我明白到小雞尾的死, 最大責任一定係我.
無論我現時做任何事都無法令佢返生, 只係希望俾各位關心的朋友知道小雞尾已經離開了.

以下的內容只係個人經歷, 並唔係為自己找借口去逃避我令小生命離開的責任!如有任何內容得罪, 請包容!

我係第一次養鸚鵡的新人, 係今年開始已經不停去睇有關鸚鵡的網站/圖書館睇書去學習鸚鵡的事, 希望要先了解鸚鵡係點的生物, 先去決定是否飼養.
到今個月中,我見到一隻好可愛的雞尾鸚鵡, 當時我被佢吸引到, 跟住就係去問老闆,
我問:老闆隻雞尾鸚鵡識唔識自己食糧嫁?
佢的答案係:識, 毛都出晒, 重點會唔識.
我再三問老闆係唔係真係識嫁?佢有幾大等等......問左好多個問題, 個老闆都覺得我太煩
因為我知道我絕對唔可能識喂BB.加上老闆都好確定地講識嫁, 唔洗擔心, 如果你唔買, 我就買俾第2個嫁la.

我一聽到唔洗喂奶, 佢重想買俾第2個, 我就好快咁俾$$(好像俾鬼迷一樣, 非此雞尾不買)(老闆重話你咁驚佢唔食糧,送d奶粉俾你la )
點知返到屋企第2日早上, 小雞尾開始見人就叫想要食奶, 咁我當然係喂佢la, 再試下俾D蛋糧佢食, 佢只係試下味,咬下感, 唔係太識食!到第3日佢開始出現想訓, 鼻孔流出水水.......
到最後就因為我的無知令佢離開左我,到現時我都係非常傷心.

今次令我明白到自己係幾咁無知, 佢的離開更令我感受到生命係如何的弱小.
但我覺得D雀店老闆點可以為左個數百元, 就講大話?重可以唔理佢的一個大話, 會害死一條生命?佢地唔會內疚?

但始終係由我決定買小雞尾, 所以最大責任一定在我身上!

我雖然俾唔到幸福佢, 但願於天堂上他/她可以找到樂土,自由快樂地飛翔,
請尋找屬於您的幸福,我愛你.

卡樂B

最大問題係，我地叫你去攞雀雀去睇醫生果陣已經話俾你知佢已經好嚴重
你又話你自己搞得掂，我地雀友已經話左我地ge經驗你知
我亦都講左因為我的問題而令到雞包離我而去
而家話你已經無補於事，你隻雀因你的”原因”而死
只能RIP

carcar

卡樂B
多謝你對小雞尾的關懷,同時非常感謝你對我的包容.
因為每一個人都要為自己的選擇去負責, 這是我從小就已經學會的事!

我只可以講小雞尾的事,我已經盡我所能, 去作出我覺得最合適的決定及選擇.

卡樂B

卡樂B
多謝你對小雞尾的關懷,同時非常感謝你對我的包容.
因為每一個人都要為自己的選擇去負責, 這是我從小就已經學會的事!

我只可以講小雞尾的事,我已經盡我所能, 去作出我覺得最合適的決定及選擇.
carcar 發表於 2012-10-28 22:07

可能係樹個個雀友都有死過自己的寶貝，
我自己都有，但我地如果知道自己因咩事令到佢離開，而你自己問心無愧，過到自己果關，我覺得係ok
只要唔好錯同樣的錯誤，再令其他寶貝離開就可以
你寶貝的離去係俾你一個重要的經驗，你唔好再錯，佢的離去就有意義^^

sonicwai

你去邊間買?

卡樂B

多一個例子俾新手睇到未有經驗就唔好養b啦^^

carcar

未養過寵物之前，見到其他人的寶貝離開，都只會有一點點的可惜及難過。
但到事情發生係自己身上時，我就深深地感受到失去所愛的無奈，傷心及自責
只希望唔會再有其他人好似我咁蠢，被人欺騙，買左隻BB, 害左條小生命。

sonicwai抱歉
我唔想講出來，因為我唔想做成任何的誤會，令人覺得我係到亂講野/生事。

O_O329

講真，有幾多個人會帶平價雀去睇醫生？？？我唔係話無，只係比較少
雖然成日話生命係平等，但現實就是現實，莫講話雀雀，就算香港都有人病左無錢醫
我相信樓主已盡左佢自已最大能力去救隻小雞尾，希望樓主經一事長一智啦
(個人感受，不喜勿插)

noddywai

其實沒有新手, 哪會有老手.誰沒錯失.
從失敗學習,樓主都唔想死雀既.
亦都唔一定生過,先識[臭]仔.
樓主己講事前做了很多功課,
另一角度睇, 雀販都不會同佢去睇醫生,
可能樓主買了它,已經係好既環境延長佢既生命.
樓主同雀雀有緣, 不過係好短個隻.
樓主請淡忘傷心及自責, 再加油努力.感受養雀雀的樂趣啦.
btw, 樓主隻雀係咪係雀街買架?
(個人感受，不喜勿插)

卡樂B

嗯…
以我睇以上兩位雀友都有養過b,
不如你地講下自己ge經驗俾樓主聽呀^^

scl

唉！當初一見此 post 便指要看醫生.....也心知會有此結果！

jojo_brilliant

個人價值觀問題。有好多人其實真系覺得洗千幾什至幾千糸平價雀唔抵。都好正常。。
覺得睇醫生可買多幾隻。但我個人就系諗佢之後。
假如比千幾2千醫好。之後系可換來佢有更多個明天，我唔介意俾。
特別系自己唔系太過認識乜病。我唔會博。。
如果真糸民間有方法可醫唒所有嘢。醫生洗乜讀咁多年書?

別難過。每個人也有新手過。
有好多人都試過。雀販明明講識自己食。。早明餵就可以。但返到家明顯乜都唔識食。。
我都有一個類似的經歷。就糸我家順順。我同一個自家繁殖的買的。當時同我講佢兩個月大。
由於真糸好鐘意。同明白到自己系新人唔識餵奶。。
2個月人手湊大的B真糸好吸引。。見post第2日即入去偏遠既新界區。系夜晚成8-9入去交收。
交收時。賣家用紙袋入住。我再3問識食糧?!因為眼見。根本未生唒毛。。
佢話識。諗住打開袋。拎出黎。佢又話飛得好叻。小心D。。
但個刻既我。系信以為真。。好似鬼上身咁
返到家。。。的確。。。糸王粟唔識食。叫都唔識。飛都唔識。
我再打去問。依然話佢識食。。。

好彩我即post相糸facebook...有雀友即刻指出順順只有一個月大都冇!
好彩我拎雀前買了奶粉。即刻又電話中教我點做。

順家下已5個幾月大了：））仲幫佢找左個伴。

回想起都好驚險。當初乜都唔識。只靠雀友經驗。再自己跟住做。
我亦都好唔明點解自家繁殖都呃我。如果唔當初有雀友幫忙教導。順順可能已被我害死

雀街有一檔賣雀B。常有病雀。曾有雀眼腫哂。同籠都幾隻濕哂。同老板娘講。
叫佢隔離佢又唔濟。之後話佢雀就死。佢竟然答：「一籠雀總有幾隻會死架啦。死咪掉左佢。」
聽到心都up哂。
佢地既角度。雀糸貨。岩價就賣。死左就算。目的系速速散貨。有病唔關我事。
所以。佢地一定會呃你雀B會自己食糧。死左咪頼返你冇經驗。博你再買下一隻。

不要難過吧!有時聽人地既經驗真系好緊要
（個人感受，不喜勿插）

BABYPAPA

根本所有BB雀都有風險！但人又喜冒風險！跌一次就明白.見多一次鬼又更加明白！

sonicwai

同意無新手就無老手

我都試過唔識野買左2隻病雀返屋企，一隻好彩救得番，一隻仲好彩做左天堂鳥，
我相信你响愛雀病期間有盡力照顧，這已經很好，將來遇到問題會更懂得處理。

noddywai

雀街有一檔賣雀B。<< 朋友講,其實雀販不應賣未介奶BB.
又賣得貴過成年雀. 風險又高.但買既人有佢既想法.

lcet1234

都唔明有d人死雀就要俾雀友話,一d話做到最盡就冇俾人話...兩個都有做好自己應做嘅野...但d人都唔講道理,可能d人蝦d細嘅雀友囉!(唔好對號入座)