回復 jennymok
應該同片中都鸚鵡的品種一樣
咬毛問題(寶寶背部都沒有毛毛了 一看見就是肉的 要買 ...
h0a95626 發表於 2012-11-18 02:09 
你的亞馬遜幾多歲呀? 仔定女? 我都有1隻亞馬遜女, 已經8歲! 亞馬遜好少咬毛, 可能佢太悶喇! 每種鸚鵡喜愛的玩具都不同, 亞馬遜最愛(1)咬木, (2)"啷啷"玩具(bell)。最好去賣鸚鵡用品店買(nickel plated or stainless steel), 因為掛飾嘅"啷啷"大多係電鍍金色或銀色, 而彩色"啷啷"表面嘅coating(顏色)亦都會好易比雀咬甩, 然後生銹。
我隻咬毛細葵嘅背脊骨都係無毛, 有時咬頸毛, 有時咬心口毛, 有時咬翼底毛, 有時咬背脊骨d毛, 我巳見怪不怪, 你係唔係無時間同佢玩呀? 有時你放佢出嚟等佢多d活動, 或開收音機, 或播兒歌(我家的雀最愛), 佢地心情都會開朗d, 我每晚都會同佢地唱兒歌架, 雖然佢地唔識唱, 但會好enjoy地搖動身體, 好開心架!
而睡眠不足都會咬毛, 最好早瞓, 又或者同佢地玩多d遊戲, 等佢地攰d, 可以令佢地早d瞓, 我會同我隻葵响籠頂玩拋波(最好軟身, 跌落地無聲嘅波), 佢地會好快攰, 連我都係當做運勳, 就會瞓得好d!
又有可能係壓力問題, 飲食習慣都係一個重要因素, 慢慢轉合成糧加生果, 芒果係亞馬遜嘅最愛, 但不能多, 生果要多元化, 但以維他命A多嘅生果為首選, eg, 芒果, 木瓜, 蕃薯, 哈蜜瓜, Pepper....
希望呢d建議可以幫到你! |