請賜教

發達鳥

我家的傻雞尾今天下午誕下了第94隻白蛋了.  一如以往牠生蛋後會很乖很安靜地在牠的地盤孵蛋. 按過往紀錄牠通常相隔一天便會再生一隻蛋. 一般會共生四隻蛋. 牠也曾試只生三隻和生五隻蛋的紀錄. 現在我的問題是如果按這樣計算隻傻雞尾應該會在2/Dec生第三隻蛋. 所以我想請教有這方面經驗和知識的樹友們若然我帶牠出席1202 開心九週年會慶可有問題呢?

另一問題是我發覺隻傻雞尾並沒真正吃墨魚骨. 牠可能只是當玩具和發洩把墨魚骨咬碎. 請問牠只把墨魚骨咬碎沒有實際吞進肚中這樣是否仍有補充鈣質的作用嗎？　

Louis

同人類一樣, 產前產後免疫力都會下降, 加上舟車勞頓, 氣溫下降, 為健康著想, 唔好帶去出席會慶喇.

既然已經順利生過甘多隻蛋, 即係現時餵飼方式無錯, 因為唔知隻雀吸收鈣質係從食物(蛋糧), 墨魚骨, 定係其他營養補充劑而來, 萬一有所改變而難產, 有機會危害性命, 俾我就安於現狀, 不作改變.

風中飛鸚

我見佢舊墨魚骨都有咬過~你都可以用手加鈣餵佢食~不過佢咁耐都冇事~仲生咁多~証明你做得好啦~

發達鳥

回復 2# Louis

收到. . 明白了!. 烏奴的我會遵照Louis您的旨意辨事的. 嘻嘻!

講真. 其實除了給牠墨魚骨外我並無特別給牠增添其他營養補充劑. 按一直之來的觀察牠都正常所以我也同意您作出的分析.  真的感謝Louis. 謝謝

發達鳥

回復 3# 風中飛鸚

其實舊墨魚骨放咗入籠應該有半年啦. 但無奈隻傻雞尾一直都唔肯掂舊墨魚骨架. 我見佢唔肯掂所以早排就特燈擺舊墨魚骨在孵蛋盆上面.. 可能隻傻雞尾嫌塊墨魚骨阻住佢孵蛋咁佢才開始一路咬舊墨魚骨就一路推開舊墨魚骨.. 依家見佢肯咬我就日日擺舊墨魚骨阻住佢囉. 雖然知道隻傻雞尾唔鍾意但無計都要照做啦. 還有我最近將D碎咗嘅墨魚骨磨成粉然後散在佢D糧上面希望能增加隻傻雞尾吞落肚嘅机會囉. 咁算唔算您所講既用手加鈣餵佢食呢?

Garfield

回復 5# 發達鳥
點解吾幫儍雞尾找個老公，佢會無咁悶，又可以唔駛生白疍啦！

  我都試過將墨魚骨磨粉放在合成糧上面，但牠們不太喜歡。
我擔心牠們缺乏鈣質，想買疍殻粉，但鸚友話冇貨， 是否加疍糧都可以呢？

Louis

回復  發達鳥
點解吾幫儍雞尾找個老公，佢會無咁悶，又可以唔駛生白疍啦！

  我都試過將墨 ...
Garfield 發表於 2012-11-30 00:37

蛋殼粉可以自製, 將雞蛋殼烚熟再磨碎就成., 又或者將普通鈣片(不含鎂質)磨粉.
蛋糧內添加有蛋殼粉/碎, 而營養成份內蛋白質, 脂肪質, 鈣質, 及其他微量元素, 都比日常鳥糧高; 若果無蛋殼粉, 可用蛋糧代替.

風中飛鸚

我個方法仲低能~麵包店買蛋糕仔~細細粒一隻~不過食得多會肥~唔好日日食~

風中飛鸚

我記得既話影隻鈣片你睇~

發達鳥

回復 6# Garfield

幸好我隻儍雞尾唔介意照食混咗墨魚骨磨粉既糧. 可能D墨魚骨粉既份量唔多唔影響佢既食慾掛.


唔想幫隻儍雞尾搵個老公嫁. 好多原因既..:

其實我本人好鍾意動物. 以前曾經養過烏龜, 魚, 雞. 鴨, 青蛙(斗豆) 兩隻葵花鸚鵡, 彩鳳, 松鼠, 倉鼠. 狗仔 和 賓尼兔 等小動物. 但每次當D小動物離開時都使我很難過. 尤其是早兩年多前離開既賓尼兔仔. 我傷心咗幾個月都放唔低.

由於隻儍雞尾無蛋孵時就好嘈系咁叫. 有時我回家一出Lift口經已聽到佢既叫聲. 所以好驚飬多隻一齊叫就更加嘈. 唔被人投訴都難囉.  

隻儍雞尾唔孵蛋就要叫出籠玩. 佢最初膽細就痴到我實一實. 依家大膽咗好多就周圍咬嘢. 無論報紙, 雜誌, 信件, 電線, 木板. 柜門, 抽屜 牆壁裂縫 任何物件可咬都咬. 我最驚佢咬電線同D重要文件囉..

按照隻儍雞尾咁生蛋法如果搵個老公比佢我真系唔止百子千孫囉. 自己都養唔到咁多啦. 就算送比人都送唔到咁多架. 真系頂唔順.

其實唔想幫隻儍雞尾搵個老公最重要的是我老公有氣管炎同氣管敏感. 其實醫生都不斷勸阻不要飬小動物. 所以幾年前我決定待隻賓尼兔仔走咗就唔再飬動物. 點知鬼整系公園遇到隻儍雞尾. 當時我唔忍心佢流落街頭就帶佢返屋企. 我一心通知管理處可以好快幫佢搵返主人點知就餋到依家. 依家我老公在家有時都要帶口罩攪到我都覺得好對唔住我老公囉.

發達鳥

回復 7# Louis

其實我年初時曾經試將蛋殼磨碎混落D糧度但可能當時D蛋殼磨得唔夠碎攪到D糧望落去好似好污漕咁而隻雀又唔食所以無再整. 而墨魚骨粉混落D糧度就比較乾淨 . 工序簡單容易甚至用手都可以好快顏碎
   

發達鳥

回復 9# 風中飛鸚

好啊! 謝謝 !

請問人類食用既鈣片可以嗎 ?

Louis

回復  風中飛鸚

好啊! 謝謝 !

請問人類食用既鈣片可以嗎 ?
發達鳥 發表於 2012-11-30 14:47

可以用人類食用既鈣片(主要成份:碳酸鈣), 但不可含有其他礦物質, 例如: 鎂質.
有d牌子鈣片會加入鎂, 可以幫助人體吸收鈣質, 但對於雀鳥, 所含鎂質有可能會過高.

Louis

回復  Louis

其實我年初時曾經試將蛋殼磨碎混落D糧度但可能當時D蛋殼磨得唔夠碎攪到D糧望落去好似好污漕 ...
發達鳥 發表於 2012-11-30 14:45

如果隻雀會食蛋殼, 就算唔整碎, 都會自己去咬來食, 最理想係用隻雀自己既蛋殼或鵪鶉蛋殼, 因為比雞蛋殼薄, 無甘硬, 容易咬及消化.

Garfield

回復 14# Louis


    雀鳥吃慣了疍殻，到將來生疍後，會不會吃了自己生的疍呢？

Garfield

回復 10# 發達鳥


    明白哂你不替儍雞尾找個伴的原因啦！

同你分享我的經驗，最初家中只有原灰仔一隻，非常親人，但家中冇人時，牠會很悶，平時都會叫，後來替牠娶了老婆，牠反而變得安靜，經常同老婆互相梳毛，非常恩愛！

Louis

回復  Louis


    雀鳥吃慣了疍殻，到將來生疍後，會不會吃了自己生的疍呢？
Garfield 發表於 2012-11-30 15:14

會, 呢個係天性, 母鳥會將孵唔出既蛋咬爛食落肚, 連蛋殼都會食, 作為營養補充.

sau1412

回復  發達鳥


    明白哂你不替儍雞尾找個伴的原因啦！

同你分享我的經驗，最初家中只有原灰 ...
Garfield 發表於 2012-11-30 15:26

原來一隻都會不停生蛋!!如果比磷鈣粉得唔得?我見有人仲會比蛋佢食...
我最近都在考慮找多隻陪我隻雞仔, 牠很親人,但畢竟我跟我屋企人並不能一整天都陪著牠, 但屋企人怕牠吃醋&不習慣新來的雞尾, 所以現在還深思熟慮中....

兩隻如果同性會唔會打架??我驚我兩隻會顧唔掂.... TT

發達鳥

可以用人類食用既鈣片(主要成份:碳酸鈣), 但不可含有其他礦物質, 例如: 鎂質.
有d牌子鈣片會加入鎂,  ...
Louis 發表於 2012-11-30 15:03

我曾服用的白蘭氏鈣片的外瓶包裝說明很簡單.只說是貝殼粉末並非碳酸鈣. 另外這類鈣片附加雞精是否可供鸚鵡作補充鈣質用呢?  請指教. 謝!

發達鳥

回復 14# Louis

系噃可以用番隻雀自己既蛋殼整碎作鈣質補充品. 多謝Louis點醒. 真系又塞錢入我袋. 謝謝!