被新娶老婆教壞左~

豬耳

早排幫家中和尚(豬耳)娶老婆，買左隻和尚女返嚟。點知豬耳處處保護老婆，我們稍為接近巢穴或老婆豬耳便會飛撲出嚟護花。受到豬耳的極力保護，攪到我地完全教唔到老婆，差啲連上手都上唔到。而且豬耳亦變惡晒，勁咬人，以前識講好多人話而家都唔講，只同老婆鳥語......  
年前家中亦來了一隻愛情鳥。那時當愛情鳥做壞事時豬耳還幫忙"no"佢。但而家換轉我們"no"老婆做壞事時，豬耳會走過來咬我...

今日我決定將兩雀分居，獨立教好老婆先....
大家有何經驗分享吓? 老雀過分保護新雀可以有何對策?

養鳥新丁

始終佢地先係同類，由你加雀既時候，你應該明白你擔當既角色已經有所不同~~
呢個就係成日都講既，加左雀後，原本隻雀變得無咁痴人~~(雖然有好多例外~~)
現在又要分開佢地~~~令佢地飽受相思之苦，何必呢?

風中飛鸚

一早叫左大家養一隻好啦~

louisa20047

一早叫左大家養一隻好啦~
風中飛鸚 發表於 2013-10-21 10:25

但係我都係鍾意一對對咁養喎

1324chris

我之前養左灰鸚....近期買左隻黑頭.....以家把2個籠擺埋一齊,,,,灰鸚就好驚甘....唔食野唔肯訓,,,要分開擺遠D...

小草妹

先從鸚鵡習性講起 , 佢地係野外自立成熟後 , 就會搵自己嘅伴侶
原因就係為繁殖後代 , 而多數 , 雄性鸚鵡責任就係要保護自己伴侶 , 看守自己個巢
所以當鸚鵡成對後變惡 , 根本就唔係主人做得唔好或鸚鵡嘅錯 , 而係佢地天性根本係咁樣
(其實仲應該慶幸佢地夾得黎 , 而唔係打生打死)
而主人可以做嘅 , 就只有一開始先同現有果隻打好關係 , 呢步相信你做了
然後新加鸚鵡考慮要分開養 , 教好 先放係一齊
不過要預 2 隻鸚鵡隔籠互叫 , 會好嘈
而且當鸚鵡成對 , 上面都提到主人身分已經唔同
殘酷嘅事實就係 , 佢的確係無咁痴人

wongleung

学习了，多谢分享。

小草妹

但係我都係鍾意一對對咁養喎
louisa20047 發表於 2013-10-21 11:21

same here
比我揀多次 , 依然係會養 2 隻太陽
不過對鳥 , 屋企一對就夠 , 所以隻雞尾我都無配比佢

小草妹

我之前養左灰鸚....近期買左隻黑頭.....以家把2個籠擺埋一齊,,,,灰鸚就好驚甘....唔食野唔肯訓,,,要分開擺遠 ...
1324chris 發表於 2013-10-21 12:00

我無研究唔知灰鸚同黑頭係野外會唔會遇到對方
但係一隻家養嘅鸚鵡 , 如果未見過其他品種嘅雀 , 正常係會驚 (我見過有d同類都驚 ^^|| )
好多人隔離完都會就咁將2隻雀放埋一齊 驚係好正常, 但其實 夾雀係有技巧嘅
一隻鸚鵡係幼年時代 , 佢地係野外會見到同伴 , 開始找尋自己伴侶 , 學習社交生活
所以其實係鸚鵡細個 比佢見多d人同其他雀其實係好事 ( 所以我 2 隻鎖好成日跟我去郊遊 , 盡量做到接觸多d事同人)
但當一隻鸚鵡大 jo , 過了學習時期 , 開始有介心 , 變相一d佢地以前無見過嘅事 , 佢地會驚

* 其實只係人類有知識 , 可以分辨到不同事物 , 知道係咩黎  , 但唔好忘記 , 你識分辨 , 都係透過接觸學習

在人工飼養的環境中 , 先回家生活的鸚鵡 , 身份地位應該有如家中的大哥哥大姐姐 .
很多主人犯的錯誤就是隔離期完了就很急著帶原本的鸚鵡到新成員面前
(隔離的意思就是要分房養至少三星期 , 用品不可共用而接觸每一隻鸚鵡之後也需消毒雙手 )  ,
其實這動作會令原有的鸚鵡誤以為在主人心中自己的身份地位降低了 ,出於保護自己而攻擊
正確方法 , 該是把新成員帶到舊有鸚鵡面前進行介紹 .... 開頭幾次見面可能會有不和平的場面 ,
主人可在牠們見面的時間做一些牠們共同享受的事 , 如餵零食 , 玩玩具等等 , 慢慢地兩隻鸚鵡就會熟落 , 彼此親近 .