真正

未夠兩個星期，我諗睇左兩三日左右，豆豆嚴重左，佢唔止咬毛，仲拔毛，而且有一晚仲痕得好緊要，唔知係咪同我果晚有比益生菌佢食有關，因為豆豆一直無試過完成一次完整換毛，似乎係某d營養缺乏。羽毛質素一直好差，我見食完益生菌後，佢出毛好勁，諗住食益生菌佢可以快d搞掂，所以我一星期都餵一兩次。我諗，或者突然出得太勁，頂唔順，我見佢咬得勁，反正夜了，就蓋布睡覺，但關完全屋燈，一般會停低想訓，但今次仲繼續r毛，所以應該係好痕了。所以決定提早帶佢睇醫生。第二朝約，好在佢無咩booking，仲比我選上下午，但對於做麻醉仲係心大心細，不過都係選左上午先啦！

待續。

louisa20047

話時話，豆豆有冇驗過病毒？
如果冇時間餵新鮮蔬菜，可以試下totally喎

fishball

未夠兩個星期，我諗睇左兩三日左右，豆豆嚴重左，佢唔止咬毛，仲拔毛，而且有一晚仲痕得好緊要，唔知係咪同 ...
真正 發表於 2013-10-22 07:02

之前我隻折..(唔係依家既丫寶) 佢係烏雞LOOK... 我發現佢D毛一出得勁, 會身痕... 我會勁同佢出去哂雀..分散注意力, 同比D辣椒佢食.... 玩具不停換... 加多塊鏡比佢照...

當然我果D 已經係咬好長時間既好難有大改進... 只可以係舒緩, 希望可以幫到你參考

JoeLee

鸚鵡有百分之2的機會會在麻醉中死亡。原因係先天性對麻醉氣體敏感

louisa20047

我果隻都係烏雞look，里個故事教訓我，葵花係不能隨便用外用藥，而且合成糧要嚴格選擇。
宜家我係將班葵放窗邊，俾佢地同陽光玩遊戲，葵囝的毛有再長

風中飛鸚

我有隻藥在試驗中~(每日一元)已經有成功個案~現在到"當奴"(紅金剛)試~如果都成功~我就公開大家試用~

Raco

我個人認為, 養寵物係需要付出很大的愛心, 就是這點愛心, 會給予不同的食物, 關心, 買不同物料嘅玩具等等...讓牠們會很開開心心地成長.
但很多時候會忽略一點, 我們嘅寵物長時間被困於籠中飼養, 偶爾會放於家中走動, 但也不及野外嘅飛鳥可以自由地飛翔, 有很大運動量, 消耗身體能量, 亦唔咁易有脂肪積聚
給予太多添加物料給牠們, 都有可能出現過剩嘅營養或有敏感(Allergies)的情況, 我始終認為最基本嘅食物已足夠(合成糧+普通嘅生果+凍滾水), 而冇須太多添加劑, 可能適得其反.
我不知道妳嘅豆豆是否因食物因素而導致今次事件, 但都想分享些少心得而已
祝豆豆早日康復!!

jennymok

我個人認為, 養寵物係需要付出很大的愛心, 就是這點愛心, 會給予不同的食物, 關心, 買不同物料嘅玩具 ...
Raco 發表於 2013-10-22 10:58

絕對同意你嘅講法, 一直都認為佢地唔須要添加濟, 除非有病或生蛋後! 只要有均衡嘅飲食, 水果蔬菜, 乾淨食水同適量嘅運動就ok! 同人都係一樣!
其實"偷快嘅心情"先至係健康嘅良藥!

louisa20047

我個人認為, 養寵物係需要付出很大的愛心, 就是這點愛心, 會給予不同的食物, 關心, 買不同物料嘅玩具 ...
Raco 發表於 2013-10-22 10:58

贊成，全天然係最好的。食物敏感已經令葵囝變成咁，所以真係唔好俾太多添加劑寵物食

kentgundam

get well sooner

真正

去到做麻醉既時候，傾左兩句，又問下麻醉風險，今次個姑娘話，其實風險唔只係麻醉，其實捉著檢查，打針都已經係風險，佢地亦可以係被捉個過程中嚇親，比起麻醉用藥之類，呢類驚嚇既風險更重要，佢地可能係捉佢準備麻醉時已經嚇死。咁都無計，照做，簽風險紙，可以選如果出事時做唔做急救。之後就放低佢。果時係12點，我問幾時做，佢話應該朝早做埋，咁醒返會有電話報平安。係附近公園留連，坐係度等等等，等到1240，終於等到平安電話！即刻安樂晒，一條友去左食大餐。
3點半返去接佢，就開始第二個驚嚇，醫生話佢好大可能性有脂肪肝。
綜合驗血報告同x ray，佢話佢肝酵素出左問題，話唔知咩壞食既咩細胞個數目都幾多。（呢度已唔記得）加埋佢個肝係x ray 度顯示過大，而且佢話雀仔係x ray下應該有d地方係照出來黑蚊蚊，咩都無，但豆豆就有白影，話唔知咩黎，要知道就要內窺鏡，但佢話風險太高，唔建議再做落去。但佢憑肝既大細同肝酵素估佢個肝有事可能性幾高，且加埋佢體重，佢玫瑰黎講，415g係超重肥妹，所以可以幾確定佢有脂肪肝或肝問題。不過，佢唔可以確定咬毛係咪同呢個問題有關。因佢話生理上有兩個可能性，第一，因為肝脹大，佢d白影可能係內臟，比個脹大肝推左其他內臟上去，所以咬毛在心口，係因為果度脹，唔舒服。第二，同缺鈣有關，佢係女性雀，3歲幾，可能係生殖系統活躍加埋換毛中，唔夠訓，多重壓力形成。佢話雀仔係森林5點幾6點就關燈，日照時間短，睡眠起碼有12個鐘，但豆豆長期係全黑環境安靜睡眠每日只係5個鐘鬆d，成日同我阿爸睇電視睇到夜晚2點，咁樣唔健康，同埋為生殖系統間接帶黎負擔，因為佢地如果日照長，食物又唔愁，其實係會比到生殖系統可以安心運作訊號，咁佢活躍時就會搶鈣，加埋佢隻雀，食左幾年h糧，但都唔算毛生得好，今次先黎一次正式大換毛，從未試過出咁多毛既佢，一黎出毛唔舒服，二黎加速鈣既使用，三黎長期唔夠訓，有可能導致壓力，所以展現係咬毛呢個行為上。第三，可能純粹係心理行為問題。
咁
dr.james 話，佢生理問題可能性都高，所以要試藥，話雀仔藥係有可能試好多次先中，叫我有心理準備長期抗戰。佢開左5隻藥比佢，一，補肝。二，抗生素。三，消炎止痛，呢三隻都係針對肝脹大問題開的。四，鈣水，五，抗敏。呢兩隻係針對第二可能，缺鈣，換毛期身痕開的。
之後教我餵藥，除鈣水外，各早晚一次。今次盛惠36xx。
可以知道佢咩問題真係安樂左，但真係要考慮埋麻醉風險。

chocolate

豆豆食左幾年h糧,應該都健康,為何會脂肪肝？

真正

過左一個星期，琴日去複診，佢咬毛情況有改善，之前一日十幾廿條，而家一個星期先十來條，叫做有改善，同埋個身明顯無咁痕，已經唔洗日日噴水，應該叫藥力有效了。再睇，dr james話可以減少抗生素，因為佢心口已無血腫發炎，但其他繼續食，之後慢慢減藥。咁今次食兩個星期先複診。護士話豆豆屬輕微咬毛，都好在早帶佢黎，唔好比佢形成行為問題。同埋醫生建議我揾隻sunshine xxx 既噴霧幫豆豆沖涼，佢話呢隻野對佢有幫助，但佢地無得賣。叫我自己出去揾揾。

待續.....

真正

過左一個星期，琴日去複診，佢咬毛情況有改善，之前一日十幾廿條，而家一個星期先十來條，叫做有改善，同埋個身明顯無咁痕，已經唔洗日日噴水，應該叫藥力有效了。再睇，dr james話可以減少抗生素，因為佢心口已無血腫發炎，但其他繼續食，之後慢慢減藥。咁今次食兩個星期先複診。護士話豆豆屬輕微咬毛，都好在早帶佢黎，唔好比佢形成行為問題。同埋醫生建議我揾隻sunshine xxx 既噴霧幫豆豆沖涼，佢話呢隻野對佢有幫助，但佢地無得賣。叫我自己出去揾揾。

待續.....

louisa20047

如果我冇估錯，你講果隻 sunshine xxx係 Harrison的，鸚鵡店有得買，但有分兩隻，一隻要大洗，一隻冇咩用
另外，知唔知/可唔可以話我知豆豆枝補肝藥同抗敏藥的有效成份(or藥名)係咩？

louisa20047

豆豆食左幾年h糧,應該都健康,為何會脂肪肝？
chocolate 發表於 2013-10-28 07:03

    好多時鸚鵡變肥仔/肥女，問題出在飲食量同能量消耗量上面，再健康的糧，只要鸚鵡食得太多/食完就全日呆呆站，想變肥一尐都唔難

littlecae

我覺得飛係最好既運動, 消耗極大能量, 佢地飛個時又好鬼開心. 我個隻如果個日系屋企飛多左, 食都食多D
咁唔剪翼當然有好有唔好啦~

真正

如果我冇估錯，你講果隻 sunshine xxx係 Harrison的，鸚鵡店有得買，但有分兩隻，一隻要大洗，一隻冇咩用
...
louisa20047 發表於 2013-10-28 09:55

佢話果隻係當日常沖涼用的，所以我諗係RAIN，佢話會對佢有幫助。我都打算買。

至於D藥，我諗我唔係咁清楚佢係咩黎...一係你SEND短消息我，比電話我，我影個袋既相比你。

真正

我都想谷佢飛返，但佢真係唔LIKE飛。

BoBoBoBo

會不會跟天氣轉變有關?
入秋後天氣乾燥, 好多人在這時間會咳, 喉嚨痕, 皮膚痕, 鼻敏感等
中醫認為鼻和皮膚是反影肺的功能
人有咳, 喉嚨痕, 皮膚痕, 鼻敏感等, 要潤肺
天津鴨咀梨可以潤肺, 人雀都啱食 (一定要係鴨咀梨)
鴨咀梨的皮是很有效用的, 所以耍洗乾淨連皮食
運動可以健肺, 都係迫豆豆飛下好d