請問邊間買鳳尾可靠？

caren

我半年前執咗一隻女女，佢唔鐘意人摸同出黎玩！想買多一隻女女陪佢！請問有無邊間買雀可靠呢！如果兩隻女女佢哋會唔會打交？謝謝！！

dlwtong

唔太關喺邊度買事，個人認為一般而言有腳環已比沒有腳環可靠

油菜花

鳳尾係咪指雞尾?

caren

回復 2# dlwtong
唔該晒

caren

回復 3# 油菜花

係呀…

風中飛鸚

你買一公一母~又會生到一屋都係~好多會員送俾朋友都送唔到咁多~

小草妹

會不會打交都係雀仔夾雀仔 無人肯定到  不過雀女本身性格會係比較內向
假如一隻唔痴人 兩隻成對一齊更唔需要人類就可能連手都上唔到了
其實先唔好討論佢係咪執返黎先 係香港無野生 雞尾當然受過驚既雀仔怕人係好正常
不過 如果你話佢唔鐘意人 唔鐘意出黎玩  問自己一個問題：你有無嘗試令到佢鐘意出黎玩過
好坦白講 我隻雞尾係二手 返到黎我花左半年時間令佢肯企係手食第一啖瓜子
我相信你都好錫雀仔先想揾個伴比佢開心d  但別用唔適當既互動影響你地既關係
要佢鐘意出籠玩 就首先要先令佢對“出籠”呢件事有好感
你可以用野食做target training  

http://theconurehandbook.blogspo ... og-post_17.html?m=0
引到佢出籠 在籠外互動時間可以用手餵佢鐘意食既種子
慢慢輕聲同佢傾下計
我都係咁訓練我隻雞尾 宜家我屋企隻隻都好鐘意同我出籠玩

caren

回復 7# 小草妹

首先我好多謝嘅回應……我又唔可以話佢唔鐘意我哋，我每日起身，放工返到屋企佢會好大聲咁叫，爬上籠頂展翅，好型咁……佢都肯上手企(係唔見到個籠嘅情況下)
係籠外餵瓜子，菜肯食，就係唔比摸佢，會四圍爬走咁……
我有每日出門前，返家後第一時間同佢傾計，佢會行埋籠邊叫下我咁……仲之我係屋企時就會時不時去同佢傾計咁……其實咁佢算唔算叫接受到我哋呢？

小草妹

其實一隻鸚鵡嘅籠 , 就好似一個家咁 , 當你係外面唔熟悉嘅環境 , 當然會想返屋企 , 有返安全感
但又咁喎 , 你成世呢係間屋度 , 就好似青蛙係個井度 , 永遠都唔會有進步
又咁睇 , 其實互動嘅時候 , 盡量遠離個籠啦
開始時慢慢用手餵下野食 , 攤大手板 , 完全相信手掌之後 , 就可以樹起一隻手指 , 令佢低頭食野時會 HI到手指
慢慢由習慣手掌 , 習慣手指 , 到慢動作摸頭 , 佢反抗唔好同佢鬥硬頸 , 比佢感覺舒服 , 知道唔鐘意都無人逼佢
其實有很多人不是不愛鸚鵡 , 他們也很疼自己家的孩子
只是用錯了方法跟他們互動
亦沒有去了解 , 去處理自己的情緒 , 以至相處關係不好
有時候 , 毛孩子們不是故意搗蛋 ,
他們也是獨立的個體 , 需要人明白
需要人用佢嘅語言去溝通

溝通 , 是需要全心 , 全意
牠們想要的也許不只是你的寵愛 ,
又也許 , 只是需要你放下身份 , 成見
去用心傾聽 , 用心感受

加油呀 !

caren

好，我會努力架……如你咁講，我係咪唔需要替佢找個伴呢？唔好意思，我大多問題了

dlwtong

我覺得除非玩到原本果隻極之癡你，你一唔喺佢身邊便寂寞難奈，如果唔喺不如集中火力同佢建立關係，先至再諗幫佢找個伴

caren

明白