狗狗淚線........Louis請問？

siuman.C

我有隻白色迷你貴富狗11個月大，2隻眼成日流眼水又黃，試過飲醋、方間話可以減少淚水D產品都唔得，昨天帶佢去睇獸醫，話佢係淚管塞左，要通淚管，眼睫毛倒生要凍死，是否做就可以攪掂？另想問會否同狗糧有關，方間話如果淚線有問題唔好食canidae真的嗎？

大M

狗狗就唔知, 波斯貓好多時成日流眼水, 好多獸醫都話係淚管塞左，要通淚管. 但已我個人所見通完淚管5/6個月又會塞反. 至於凍死眼睫毛倒生就未聽過, 唔方便比意見. 皇家獸醫糧都有小小用, 但好貴又要長食. 自己就會勤d幫佢抹眼水和修剪 or "蚊"眼睫毛. (有錯請修改, 唔好)

Louis

貓狗不停流眼淚, 排除細菌感染原因, 有以下可能性:
1. 淚管閉塞, 要通淚管;
2. 眼睫毛倒生, 用冷凍針或電針醫療儀器, 凍死或電死該有問題眼睫毛囊, 令該毛囊以後不能再生出眼睫毛, 但倒生既眼睫毛可以晌眼簾其他地方生出;
3. 眼簾向內反, 令正常眼睫毛"篤"眼, 要做手術去處理有問題部分, 將整排眼睫毛囊割去 或 將眼皮向外拉;
4. 花粉症.

頭三種原因, 發生於貴婦狗都好常見, 甚至可以三種問題同時發生在同一眼或雙眼上.

siuman.C

如果唔通淚管得唔得？自己幫佢拔眼睫毛呢？

Louis

眼睛不停製造淚水, 滋潤眼睛, 淚管通過鼻腔再通向喉嚨, 不停製造出來既淚水就會俾自己自動吞左;
當淚管閉塞, 淚水唔能夠從淚管流走, 就會滿瀉, 不停向外流出, 造成面部啡色淚痕.

所以如果淚管閉塞, 通左淚管, 就可以解決淚痕問題.

自己可以拔倒生既眼睫毛, 但係:
1. 你自己有無高倍數放大鏡?
2. 你有無能力令隻狗唔郁, 定一定俾你拔眼睫毛?
3. 你自己有無手震?
4. 拔左之後, 同一位置會再生過.

siuman.C

係唔係通一次淚管就得，是否要全身麻醉，如果再塞又要再通，又要再麻醉？但係唔通會唔會對佢健康有問題？

Louis

多數通一次就得, 要全身麻醉, 但扁面及面上有皺摺既貓狗例外, 通完好多時會再塞過.
淚痕問題對整體健康唔會有問題, 但d淚水長期醃住面上皮膚, 會造成慢性皮膚炎.