關於屎屎問題

vanessachan

我的灰鸚E兩日的便便次數與分量都減少了,甚至只屙水,條狀大便變的幼細,會唔會腸胃有事呢?但其他飲食,活動正常

Louis

因為食少左, 所以d便便幼;
鸚鵡尿液正常係透明無色, 唔會好似哺乳動物d尿液係黃色, 你見既屙水, 只係普通尿液;
我唔知你隻鸚鵡幾大, 有d雌鳥懷孕時, 泄殖腔被蛋阻塞, 亦會有"幼便"情況.
如果唔係懷孕問題, 你依家唯有繼續觀察, 及量度體重, 因為體重可以反映健康狀況.

vanessachan

我的灰鸚今天生日1歲大,男仔,唔知係唔係佢玩糧,撥晒D糧落地,所以食小左??但佢的確成日發脾氣,之前要我比薯片佢食,但我唔比,佢就會撥糧洩憤...

Louis

如果已經一歲, 餓佢一日, 只俾清水或稀釋果汁, 第二日就會乖乖食糧.

真正

因為食少左, 所以d便便幼;
鸚鵡尿液正常係透明無色, 唔會好似哺乳動物d尿液係黃色, 你見既屙水, 只係普通尿液;
我唔知你隻鸚鵡幾大, 有d雌鳥懷孕時, 泄殖腔被蛋阻塞, 亦會有"幼便"情況.
如果唔係懷孕問題, 你依家 ...
Louis 發表於 2010-9-15 14:25

一路都睇到「卡蛋、卡蛋」，
越聽越驚心......
其實鸚鵡幾大開始會有可能有蛋﹖
係咪每隻女仔鸚鵡都要經歷呢個過程呢﹖
卡蛋既%大概有幾多﹖
卡蛋後個死亡率高唔高架﹖
豆豆雖然得8個月，但我聽到心慌慌喇............................

Louis

每個品種成熟歲數都唔同, 而飼養環境唔適合亦唔會排卵生蛋.
卡蛋既比率無一個實數或大概, 營養過多或過少都有機會會卡蛋, 營養過多, 隻蛋會過大生唔出, 營養不足, 隻蛋會軟殼又生唔出. 如果卡蛋生唔出一定致命, 係急症要儘快從體內拎隻蛋出黎.

真正

咁玫瑰葵花幾大先叫成熟呢﹖等我有定心理準備佢幾時先「大個女」