車牌的冷知識
唔知大家有冇諗過, 出牌由 AA 開始, 點解無啦啦會有個 XX 出左來呢? 但係又冇 XY 喎........
自百多年前香港有第一部汽車行駛開始，警務處 (當年係由警署管理車輛) 以四位數字為限設定香港車牌的標準，以當年之環境，冇人會想到此彈丸之地有可能超過 10000 架汽車，於是乎車牌由 1,2,3..1111...開始，此後幾十年間車輛增加數目不多，此編排方法亦相安無事。順帶一提，警隊一哥之 1 號車牌亦是因當年籍管理車輛之權力而得。
直至 5,60 年代，香港經濟第一次起飛，沿用之四位數字已接近爆棚，「聰明」之警務處長想到不如加個 HK 字頭於前面以連接無字頭 9999 號車牌，心想此一妙計一可突顯「香港」之名字，二可再可用多五十，一百 年不變。
怎料大勢所趨，汽車不再是富人之專有工具，HK 字頭好快又近尾聲，今次考起處長，用完 HK 之後又點呢？於一份 MEMO 中，惟有劃上 XX1234 之字樣，顯然當時處長還未想得到解決辦法，XX 只是代表一個未知的符號；不料此張 MEMO 碰考由他屬下拾到，誤想處長決定以 XX 跟著 HK 出牌，於是 XX 字頭因此而產生！
經過兩次教訓後，後人便聰明得多，想到不如以 AA，AB 排列便可長用，當時的想法是英文字母只會以順序排列，即AA,AB,AC.....BB,BC....CC,CD....DD，DE...EE，FF....，亦因此從未出過 BA 字頭，直至出幾年B？字頭之後，發覺以此排列法亦不能長用,，於是到 C 字頭時又調轉頭，出 CA 牌。
再舉個例字證明運輸科之短視，當年政府車輛並無專用之英文字頭，出牌出至大約到 AD，AE 時，高官突然想起不如將所有政府車都用同一個字頭，並無啦啦冠上AM字頭，當時AM字頭距離經已發出的字頭尚遠，亦冇想過民用車輛會超越 AM 到達AN，AP...，我拗爆頭都想唔到 AM 代表什麼?! 相比之下，中國政府車車牌字頭便高明得多，例如公安用 GA (GONG AN)，武警用 WJ (WUJIN)。
而家唔經唔覺又出到 NB ，看來離 ZZ 之日子亦唔會太遠，下一步又點呢???
發表於 2010-11-13 17:05
| 
老人家係咁
發表於 2010-11-13 17:48
| 
