無 牌 寵 物 酒 店 草 菅 狗 命

sonic

《摘自壹周刊》
陳 太 看  愛 犬 的 傷 口 ， 感 到 非 常 心 痛 。 （ 廖 健 昌 攝 ）
有 讀 者 把 愛 犬 寄 養 在 「 田 園 寵 物 酒 店 」 。 讀 者 原 以 為 對 方 有 數 間 分 店 ， 值 得 信 賴 ； 怎 知 取 回 愛 犬 時 ， 發 現 牠 滿 身 傷 痕 。 經 本 刊 追 查 ， 更 發 現 該 寵 物 店 屬 無 牌 經 營 。
Dick Dick 後 腿 的 傷 口 呈 深 紅 色 ， 非 常 明 顯 。 （ 讀 者 提 供 圖 片 ）
記 者 問 店 員 Eric 為 何 店 鋪 無 牌 經 營 ， 他 推 搪 說 正 在 申 請 牌 照 。

懷 有 五 個 月 身 孕 的 陳 太 ， 上 月 中 因 丈 夫 到 外 地 公 幹 ， 遂 將 年 屆 十 九 歲 的 爹 利 犬 「 Dick Dick 」 ， 寄 養 在 大 角 咀 的 「 田 園 寵 物 酒 店 」 五 天 ， 並 幫 襯 其 美 容 服 務 。 「 我 大 肚 唔 方 便 照 顧 隻 狗 ， 見 田 園 幾 有 規 模 ， 每 日 收 費 一 百 八 十 元 ， 價 錢 都 算 合 理 。 」
惟 寄 養 第 二 天 ， 職 員 已 致 電 陳 太 ， 指 Dick Dick 脾 氣 暴 躁 又 不 肯 沖 涼 。 「 我 去 探 佢 ， 見 佢 都 算 精 神 ， 我 一 個 人 照 顧 唔 到 佢 ， 所 以 都 無 帶 佢 走 。 」
豈 料 陳 太 於 第 五 天 接 Dick Dick 時 ， 卻 發 現 牠 被 毛 巾 包  ， 四 肢 皮 膚 潰 爛 ， 傷 口 更 滲 出 血 水 及 膿 水 ， 「 佢 個 傷 口 好 紅 ， 個 身 仲 好 臭 ， 企 都 企 唔 穩 。 」 陳 太 立 即 帶 愛 犬 求 診 。 獸 醫 謂 牠 傷 口 受 細 菌 感 染 ， 令 皮 膚 潰 爛 ， 懷 疑 是 如 廁 後 ， 職 員 未 有 替 狗 隻 徹 底 清 潔 所 致 。
陳 太 憤 而 向 田 園 投 訴 ， 店 員 反 推 搪 是 其 犬 年 老 不 肯 走 動 ， 令 皮 膚 受 壓 潰 爛 。 「 店 員 話 隻 狗 無 活 動 能 力 就 會 咁 ， 但 Dick Dick 在 家 根 本 無 此 問 題 。 」 陳 太 氣 憤 道 。
求 證 　 承 認 受 細 菌 感 染。
上 週 記 者 以 朋 友 身 份 ， 陪 同 陳 太 到 田 園 對 質 。 店 員 Eric 對 Dick Dick 受 細 菌 感 染 直 認 不 諱 ， 「 隻 狗 係 受 細 菌 感 染 。 但 細 菌 周 圍 都 有  啦 ！ 關 我  咩 事 ？ 」 Eric 更 反 問 記 者 ： 「 如 果 你  食 肆 食 完 飯 傷 風 ， 又 話 係 間 食 肆 有 問 題 咩 ？ 」
記 者 質 疑 Dick Dick 是 寄 養 後 才 受 傷 ， Eric 仍 然 死 撐 ： 「 隻 狗 咁 老 唔 肯 活 動 ， 抵 抗 力 差 先 會 出 事 。 唔 通 我  特 登 用  刀  到 佢 受 傷 咩 ！ 」
跟 進 　 無 牌 經 營
記 者 向 漁 護 署 查 詢 ， 其 發 言 人 表 示 大 角 咀 店 ， 並 未 領 有 動 物 寄 養 所 牌 照 。 漁 護 署 表 示 已 就 違 規 情 況 進 行 調 查 。
香 港 專 業 寵 物 美 容 師 協 會 負 責 人 劉 春 華 表 示 ， 寵 物 酒 店 收 狗 隻 前 ， 必 先 詢 問 狗 隻 資 料 ， 「 無 理 由 出  事 ， 先 話 係 狗 仔 年 紀 大 唔 負 責 。 」 惟 他 表 示 十 五 歲 以 上 的 狗 隻 已 屬 年 老 ， 不 太 適 合 寄 養 於 寵 物 店 ， 很 多 寵 物 店 亦 會 拒 收 。
回 應 　 不 作 賠 償
記 者 將 投 訴 轉 介 至 田 園 ， 負 責 人 Eric 解 釋 該 狗 隻 是 在 寄 養 的 最 後 一 天 才 出 現 皮 膚 潰 爛 ， 故 未 能 即 時 通 知 陳 太 。 他 表 示 如 獸 醫 報 告 證 明 受 傷 是 因 人 為 疏 忽 ， 才 會 考 慮 賠 償 醫 療 費 用 。 （ 林 疋 然 ）
田 園 寵 物 酒 店 起 底
根 據 商 業 登 記 處 資 料 ， 「 田 園 寵 物 酒 店 」 的 登 記 名 稱 為 「 田 園 犬 舍 」 ， 於 ○ 二 年 開 業 ， 現 有 四 間 分 店 。 其 位 於 馬 鞍 山 及 尖 沙 咀 的 分 店 ， 並 無 寄 養 服 務 。 公 司 擁 有 人 分 別 為 李 惠 蘭 、 蔣 秋  及 蔣 樹 安 。
壹 判 官
田 園 既 肯 接 收 老 狗 ， 理 應 盡 心 照 料 。 發 生 事 故 卻 推 卸 責 任 ， 實 太 離 譜 。

[ 本帖最後由 sonic 於 2008-8-12 14:00 編輯 ]

玡敏

真係慘..
冇人性嫁佢地..
點可以咁對d動物\3/

Empire

無 牌 經 營, 無 良!

心雨

我都睇左1周刊~
唔係幫間酒店~ 個間野都衰冇牌~
不過佢隻狗都幾係老人家~ 19歲
唔應該將放佢係酒店~

MANDYLEAD

所以話自己照顧最好
依排都有好多呢d事發生....全部既店都覺得自己冇錯

波波

19age都成人ge百幾age了吧

tangsokwan

我以前試過o係呢間度做過
不過咁老既狗狗正常係唔會接住宿
萬一有咩事點算呀????

[ 本帖最後由 tangsokwan 於 2008-8-12 20:27 編輯 ]

風中飛鸚

我有朋友開寵物店,我親眼見到開情況,不能用文字寫出,只有大家見到面才能說.
大家無法相信

goby

我做左寵物呢行6年..
講真公平d講句..3方都有責任..(狗酒店,狗主,獸醫)
狗主方面
1)雖然自己大肚難照顧,但隻狗成19歲咁老,放係酒店寄養,我當狗主日日都去睇下隻狗,頂多未逗留半個鍾..隻狗渡係自己身邊發生咩事都唔知~
2)酒店d人話佢老唔肯活動又惡唔肯沖涼,但主狗話佢係屋企唔會wo~~~頂...人都會咁la,隻狗比人茫左19年,根本當自己係人..每隻狗都有情緒..隻狗去到酒店有咁既行為唔出奇,唔可以話人地作野低懶..小朋友媽咪唔係身邊都曳d發下情緒la~
3)以我經驗..見DickDick既"傷"..其實係皮膚問題...年紀大既狗皮膚一般都會比較差..而腳掌起皮膚亦係香港狗隻常見現象,因為地下潮濕,加上大部狗主拖地未過清水/地下未乾哂就比狗狗行..so會引起初步既濕疹,會令狗狗腳掌好痕就起勁咁"lam",口水有細菌,so就愈"lam"愈痕,愈痕愈"lam"..令情況慢慢嚴重,變皮膚病.......加上佢係酒店唔肯活動唔肯沖涼,痾完d屎尿狗狗自己踩到會"up"住ga ma,就令腳掌皮膚更加惡化~
4)主人好多時寵物係pet shop出左問題後睇獸醫..時常會隱瞞某些事實..就此事例..可能陳太冇同獸醫講佢dickdick係酒店唔活動唔沖涼,好多人都會咁,可能覺得自己完全係100%受害者,懶得就懶,比自己有倨自我肯定..所以主人係呢點都唔岩
狗酒店
1)冇牌就唔應該接寄養,低鬧~
2)就算我當有牌..咁大年紀既狗要寄養,風險會好高..為左果少少$..唔應該接
3)有生意唔接的確好節墮..酒店方面都應該主動向狗主提出有關既風險..讓狗主再深考慮清楚..係責任問題~
4)酒店事後先講DickDick又唔活動又唔肯沖涼..so先冇幫隻狗清潔..見呢個情況出現時..就應該主動致電吞給狗主
5)事後店員回應太過激動..唔得客觀同專業..更加深雙方誤解
獸醫
1)獸醫常常出言太過嚴重化,會嚇親主人.."細菌感染"..係主人聽到都激動la~應該客觀d
2)就算DickDick真係咁嚴重..講左"細菌感染"..都有責任向主人分析問題既根由..好多時就係大多數獸醫冇做呢點(可能自保/趕時間接多幾單生意好過既心態..廢事講多錯多)令好多主人以為自己冇錯,將問題推哂比pet shop or其他人
小女因做左呢行咁多年見得太多呢d事而有感而發
希望大家睇完之後..日後再睇到呢d事會客觀多方面去分析下..唔係要話邊方衰邊方要負責
而係希望大家會明白d..而呢類狗主都要反省一下..多謝觀看!!!!!!!

sonic

好難得見到新會員，寫咁詳細分析，發表意見又中肯，有條有理！
有時間多多發表吓你照顧寵物經驗。
我哋剛剛有個會員(tangsokwan) 比主席踢咗入會，好似係你同行！
你哋可能會好啱傾！

goby

下..主席會踢人入會ga?
我都好想你地有咩場面都吹雞叫埋我wo~

tangsokwan

GOBY講得無錯,支持支持 ,我都做左呢行八年,見唔小呢o的case
所以我好怕o的客要我幫手照顧狗狗,特別係病狗..........都唔知有幾多客俾我鬧到痴左...成日口講幾錫,原來錫既方法錯,攪到隻狗狗又惡又唔乖....最終受害既竟然係我.
因為個主人要我教隻狗狗唔咬人,教到我癲癲地.........最好笑既o的狗教完之後,的確唔再咬我,但返到屋企依舊咬晒所有人

sonic

原帖由 goby 於 2008-8-23 01:03 發表
下..主席會踢人入會ga?
我都好想你地有咩場面都吹雞叫埋我wo~

係呀，小心「古天樂」呢個人，免得過都唔好去荃灣區，品流太複雜，果邊啲男人個個都話自己係「古天樂」！
前車可鑒，小心小心，請看
http://forum.parrot-tree.com/vie ... light=%2Btangsokwan

goby

果d狗係蝦佢地果d主人咋ma..d狗咬過一次主人,主人怕左佢地..就以後有咩唔仲意都咬人
好似主席所講..我地人類先係主人..好多主人都做左d寵物隻"狗"...我地整又好地地~
我又唔會鬧客..遇到呢d人..我通常明串佢
我自己做寵物美容就最谷氣..d人成日話點錫隻狗
隻狗黎到打哂結(本人唔做大量解結,因為隻狗好慘好痛)..谷住要剷..剷完仲要黑哂口面咁同我講話好樣衰..我頂你個x..d人都好意思咁講
有d仲慘..成身皮膚..爛咁制..又臭到嘔..見到我都心痛
又d指甲長到倒生..插住d腳枕....又耳仔發炎..有d嚴重到"深龍"又流血水.
唉..總之就.....................................................

ccyorz

都唔同d人可以做埋d咁既'是'
為左錢咩都得

tangsokwan

激死我啦......好嬲好嬲好嬲
頭先有個客帶隻臘腸狗黎剪指甲..我x佢個肺呀...隻狗唔乖,我大力捉住隻狗狗
佢話我做咩咁大力屈佢隻狗隻手....發我脾氣......重質疑我剪指甲....我叉叉叉佢老闆呀....我只不過拎起佢隻手剪............唉......想殺人呀......
o的o靚妹平時唔理隻狗攪到剪甲長,隻狗又唔乖,幫佢剪重嘈嘈閉...真係要叫佢返屋企用口咬短佢好過

ccyorz

以為自己比左錢就巴巴閉

tangsokwan

上個月23日,我先講有隻臘腸狗黎剪甲,個主人癲癲地
頂呀.....今日又黎,原來佢o係我呢度join 左vip,今次就個老公帶黎.....上次又發晒癲咁.......但又要黎.......見到隻狗就諗起個癲婆...真係好想叉叉叉叉叉死佢
都唔明,o個頭又咁唔鍾意,o個頭又要黎..你話呀~~~~都唔知做唔做佢生意好