新手心聲2(補完篇)

養L.B最大阻力~叫聲:
各位未養過而又想養L.B嘅朋友千祈無好睇小(叫聲),好多事單憑空想像唔到嘅,唔係話走去雀街聽過啲L.B叫聲有幾嘈而認為自已接受到就o.k.

點解我會覺得(叫聲)會係最大阻力?因為有好多方面都唔易/唔係自已控制得到.

首先就係隻L.B嘅叫聲,你唔可以控制到佢幾時叫,叫幾耐同叫幾大聲,唔知其他人可唔可以訓練到,我就肯定唔得.啲L.B有時真係一叫就一,兩個鐘,叫聲亦可以好大,大到傳得好遠都清楚聽見.不過我領會到其實有部份叫聲係我有能力阻止到嘅,因為我發覺啲L.B唔係成日都鐘意亂叫,尤其係叫得又大聲又耐,一定係有原因嘅,舉例:想要食物,想冲涼或想出籠玩...等等.而我哋又未必明白佢哋嘅意思或者無時間回應啲L.B嘅要求,問題未解決佢哋又點會收聲呢?

2.就係自已嘅情緒,有時自已想專心做嘢或者身體不適,心情唔好想靜吓,徧徧啲L.B就大聲叫過不停,我哋好可能會發脾氣,會憎佢哋更甚者唔要佢哋.

3.最難解決亦係最無奈嘅,就係家人同鄰居.可能第2點嘅問題唔會發生喺你身上或者你克服到,但係第3者嘅情緒同想法點可以控制到?面對家人嘅抱怨或者鄰屋居嘅投訴,你好可能要被迫無奈放棄繼續養L.B.

P.S:以上純屬個人想法