葵花咬人

tigersosohk

想請問如何教導中葵停止咬東西，本人隻葵花很喜歡咬嘢，一上身邊就咬衫或手指，連掛係籠邊嘅鐵缐都咬斷，但係見雀街的鸚鵡都冇咁活躍，所以想請教各位。

風中飛鸚

野外中葵~都係遇神咬神~遇佛咬佛~咬野就冇得變~咬你都可以嚇下佢~

780708

俾距咬然後大聲同距講no!我隻中葵都係錦，以前俾距咬親實見紅!宜家就係俾我用呢個方法征服左。

wongleung

我只亚逊都是，要大声叫唔好或者NO，现在她已明白我的意思。

hoysiu

我隻灰鸚成個人仔咁, 從3 年前半歲開始, 直到 3 年後o既今日, 我no 過佢無數次, 有以下3 個情況.
1) 如果用稍為大聲小小o既語氣, 佢會停止動作或裝作若無其事, 吹下口哨講下野, 但我一轉過頭, 佢就鬼鬼鼠鼠一邊望住我一邊再咬野, 我個頭一轉返過黎, 佢又即刻停扮無野. 如果向住佢走過去, 佢會乖乖地返自己地盤, 不然佢又再偷咬.
2) 但如果用好惡o既語氣或者態度對佢, 佢會同我鬥惡, 鬆起晒o的毛, 個頭上下上下的搖幾下, 然後衝前咬佢想咬o既野.
3) 用盡最大o既力氣十級火o既語氣say no, 因為實在超大聲, 嚇到佢呆左, 望住我, 睇我下一步會點做.
說到底, say no 對我隻灰鸚無效. 因為佢實在太醒.