Zeta_KM

以前樓下有個好老嘅阿婆日日問人攞錢買麵包食，佢問親我都比幾蚊佢; 有日有個貌似佢媳婦落咗樓下捉佢返屋企，仲叫我地唔好再比錢佢，佢其實有飽飯食的
雖然唔知係咪比阿婆呃，不過都係十零廿蚊，如果佢真係無得食咪好慘囉…

又有次，有個男人買火車票，唔夠大餅問我拎五毫，態度唔好又死喺度"裝"我銀包，我話無佢又勁惡咁問我frd，結果我地無借比佢… 其實我係有個五毫囉

風中飛鸚

有種叫小老千~多都唔呃~只是一元幾毫~最多都只係十元八塊~原因係易得手~密食當三番~
出事機會微~同情心值3元~好多人都有~往往都可以成功~

我好少買旗~(除左各大基督教會)從來唔俾錢乞兒~因為大多都係假~真正需要援手既人~反而唔會咁做~

風中飛鸚

我細個時~以為每一個人~都必須要經過做乞兒過程~

gadgeteer

個人感覺：香港人既文化同外國人好唔同。

擺開同錢有關既個案，條片既例子其實係西方國家係幾平常既。試過自己去旅行，外國人見你盲毛咁款會主動埋黎問你係咪唔識路，亦試過佢地主動過黎問使唔使幫你渣機影相。影完相唔係就咁走左去，而係等番你望下影得好唔好，唔好再影過。當然，我同意發生呢件事既時候我係旅遊區，的人普遍都 friendly 的。

但我就覺得香港人普遍既 mind set 好唔同，正正因為咁，所以會覺得條片好假好刻意好做作好跨張....老實講，讓座老人家呢的唔使你錢又簡單既野，香港人又幾多個做到呀？都唔好話主動幫人攞野或主動幫問路人。人地埋黎問你就可能幫既.....如果香港人遇到同錢有關既求助，就更加保護意識強反應大。

條片本身主要唔係講緊錢既求助，但偏偏呢個討論就去左同錢或驚比人厄錢既 topic...

雖然我自己都係香港人，但我覺得八掛同好心係有分別既，無話邊一方面好的或正確的，都係文化問題...

風中飛鸚

個人感覺：香港人既文化同外國人好唔同。

擺開同錢有關既個案，條片既例子其實係西方國家係幾平常既。試過自己去旅行，外國人見你盲毛咁款會主動埋黎問你係咪唔識路，亦試過佢地主動過黎問使唔使幫你渣機影相。影 ...
gadgeteer 發表於 2012-3-13 11:47

我好同意一點~有關錢問題~如果讓坐比老人家~我一定會做~
唔同意一點就係外國人定義~世界上有咁多國家~唔能夠一句外國人定勝晒~
有人去旅行得到好多人幫助~只係單一次經歷~但俾人打劫強姦都唔少~(雖然都係罕有例子)

片中提唱先付出愛心~係好值得讚揚~全世界都有好人同壞人~香港人都有愛心一面~
其實香港地好似我咁冷漠既人唔多~

gadgeteer

有人去旅行得到好多人幫助~只係單一次經歷~但俾人打劫強姦都唔少~(雖然都係罕有例子)
風中飛鸚 發表於 2012-3-13 12:05

好岩，所以條片不論香港或外地都好有意義.....

只不過我笑香港人姐，淨係地鐵或 lift 門一開就死命衝入去呢家野都經典啦，係人地無問，主動去幫人攞野或買多隻熱狗比人講真我無見過......自己都未必去做....

望完條片，我自己就盡量反省啦 ha ha ha

風中飛鸚

人地無問，主動去幫人我成日有做~不過對方大叫搶野~