點解個咀角會咁?

a_b

我隻亞歷最近個咀角唔知做咩一咬野就好明顯見到咀角無連埋一齊, 得返d 好似肌肉咁ge物質係到,面積唔算好大,但左邊咀角比右邊西利。

佢個咀仔係咪隨住年紀就會改變? 定係佢有病? 我留意到佢精神無異。
所以想請教一下佢個咀仔係咩情況，唔該~~

Louis

可能經常在同一位置咬腳環, 做成磨損.

a_b

2# Louis
咀仔磨損對佢健康有無影響架？ 係咪唔再比硬野佢咬就會生返出黎？

Louis

雀鳥既咀, 就好似指甲一樣, 會不停地向前生長, 需要經常咬堅硬物件去幫助磨短, 否則會生長過長而影響進食.
已經磨花或磨損地方, 亦好似指甲一樣, 只會被從後新生部份推向前, 最後被磨去, 唔會對健康有影響.

noddywai

Louis 師兄, 想請教:
我隻LB 有人話佢個咀上喙過長!! 話佢缺乏鈣, 建議買鈣水給他飲,

[上喙過長=缺乏鈣??]是否真的!!!??

parrotlove

你隻亞力大左好多喎

a_b

4# Louis


因為之前聽人講鸚鵡爛咀就會唔食野，好容易餓死，所以第一次見到呢個情況有d擔心。
所以我可以繼續比玩具佢玩？希望快d生返出黎啦~~

a_b

6# parrotlove


可能係影相角度睇落好大，其實佢有少少偏瘦...- _-

Louis

Louis 師兄, 想請教:
我隻LB 有人話佢個咀上喙過長!! 話佢缺乏鈣, 建議買鈣水給他飲,

[上喙過長=缺乏鈣??]是否真的!!!??
noddywai 發表於 2012-10-22 22:24

個咀上喙過長, 唔係因為缺鈣, 常見有幾個原因:
1. 上下喙咬合不齊, 上下喙未能對正咬合互相磨擦, 以致越生越長.
2. 隻雀唔喜歡咬硬物及硬食物, 所以咀部缺乏磨擦, 可嘗試轉餵大粒食糧, 要隻雀用力咬至有得食. 亦可以買d可收藏食物既玩具, 要隻雀辛苦地咬出撩出食物.
3. 籠內缺乏硬物粗糙物供隻雀去咬及磨咀, 可設置一d樹枝, 木塊, 木棒, 磨爪棍等.

鈣係一種主要營養, 唔單只骨骼, 身體好多部份都需要鈣質, 如果真係缺鈣, 隻雀內外整體都會出現問題, 毛色毛質變差, 無精神, 無胃口, 出現間歇性抽搐等.

如果擔心唔夠鈣, 平日可以俾一d天然鈣質食品, 例如墨魚骨, 蛋殼/蛋殼碎/蛋殼粉. 鈣水係一種人工藥物, 可以令身體急速吸收鈣質, 要小心適量使用, 吸收過量鈣質會影響健康, 常見有幼鳥骨骼生長過急而彎曲畸形, 關節生骨刺, 軟組織鈣化, 體內結石等問題. 所以補充鈣質儘量最好由天然食物中吸收.

noddywai

Louis 師兄, 謝謝.


1)蛋殼/蛋殼碎 是自製的可以嗎??
還是一定去雀街買??


2)磨爪棍<< 已經有了.

3) 另外之前買了圓形的鈣物件掛在鳥籠內, 不知它有無去咬...

a_b

用蛋碎補鈣會唔會唔衞生？