轉糧一問

nttyip

請問各位點幫鸚鵡轉糧好,我隻灰鸚買回來的時候係食瓜子,e家養左差不多1個月了佢都唔怕我家了,想幫佢轉糧,平時都有混一起比佢,不過佢就係挑糧,我問過人佢話狠心d一次過換晒迫佢食@@可行嗎ps.我仲有補奶比佢

louisa20047

鸚鵡睇慣左隻糧就可以收起哂D瓜子，不過要摸素囊確定佢有食，有補奶就唔好斷住，會保險D

scylam

鸚鵡睇慣左隻糧就可以收起哂D瓜子，不過要摸素囊確定佢有食，有補奶就唔好斷住，會保險D
louisa20047 發表於 2013-4-13 20:23

意思系咪等大小小；例如一歲先轉糧？我覺得一次性轉太危險。腸胃又可能不適應。不如一步一步來。一邊增加新糧，同時減少舊糧。維持糧食總重量不變。一個月之內完成轉糧。

點睇呢？

jennymok

請問各位點幫鸚鵡轉糧好,我隻灰鸚買回來的時候係食瓜子,e家養左差不多1個月了佢都唔怕我家了,想幫佢轉糧,平 ...
nttyip 發表於 2013-4-13 20:17

我年初都同家中鸚鵡轉糧, 最固執嗰隻細葵用咗成個幾月先轉到, 我地係第一個星期每次放幾粒新糧比佢地睇下習慣下先, 大多數雀會唔理d新糧甚至掉咗佢, 第二個星期就3成新糧, 7成舊糧, 第三個星期就一半半,  第四個星期就7成新糧, 3成舊糧, 轉糧係要慢慢轉, 又要留意d新糧係掉咗定食咗, 如果掉得太多就要比番多少少舊糧佢頂肚。

louisa20047

意思系咪等大小小；例如一歲先轉糧？我覺得一次性轉太危險。腸胃又可能不適應。不如一步一步來。一邊增 ...
scylam 發表於 2013-4-13 20:41

你隻鸚幾大？
你話隻鸚鵡已經睇左隻新糧好多日，佢唔怕隻新糧就得
你隻鸚仲有食奶，即係唔係一次性轉哂，叫你唔好停奶就係怕會餓壞佢，我只係話收起瓜子，放新糧落去(你忽略左奶都係食物)
鸚鵡唔好長期食瓜子，對身體健康唔好的

我班葵早排係一星期內俾我轉左兩隻糧，無任何不良反應，不過唔係叫你學我

louisa20047

以合成糧做主糧點都好過用瓜子做主糧，極端例子除外

你係主人，睇到實際情況的係你，作出選擇的都係你，轉糧的方法有好多，只要成功就得，我地的方法都只係參考，唔係鐵律，自己決定啦

nttyip

謝謝大家意見,我試試1半1半開始比佢睇睇

旺旺

我用的方法是
第一星期9：1
第二星期8：2
7：3
6：4
5：5
4：6
如此累推

nttyip

3q各位,灰b成功轉糧

jennymok

3q各位,灰b成功轉糧
nttyip 發表於 2013-4-27 21:50

恭喜曬! 希望灰b快高長大!

scylam

3q各位,灰b成功轉糧
nttyip 發表於 2013-4-27 21:50

可否分享一下過程？

Louis

先由瓜子糧轉成生果糧, 會比較容易接受, 因生果糧中有瓜子雀粟穀物, 果乾菜乾, 果仁花生, 及合成糧等, 之後慢慢加入心目中牌子合成糧, 初初少少, 之後慢慢按比例增加.

nttyip

一開始我已經比1:1佢 等佢習慣一下 多數都係玩到一地都係@@之後每3天左右就慢慢6:4. 7:3

每天早晚都有比奶不過我只比15-20ml,到現在每天都9:1(因為仲有好多種子糧唔好浪費),

2個星期左右現在每天比佢d糧全清(合成糧一次溝2種比佢食都ok)

旺旺

就算轉食合成糧成功，最好每隔幾天都比餐種子糧，聽說這会好D!