有請工人姐姐的請進

Hksupermama

聽講最近好難請工人，我工人完埋呢份合約就返屋企. 我屋企有2隻鸚鵡，2隻狗,仲有1個小朋友.聽到咁多動物都唔會考慮上班啦.
我工人幫左我5年了，我係前年開始養呢兩隻鸚鵡，其實工人同我一齊學習點樣照顧鸚鵡，佢都已經好熟悉我呢兩隻皮性,如果由新工人接手,點接手呀？
有冇人最近請過工人?

啤梨

我11月換了新工人, 因為舊工人要回印尼結婚, 我舊工人都幫了我6年啦!
當時真係好煩惱, 僱傭公司都話好難請人, 但現在情況應該好好多,
另外, 好彩我的舊工人好早就幫我尋找好的新工人接手, 所以舊工人可以
親自教授. 幫了我一大忙.

Hksupermama

我朋友話而家都好難請。你請海外定完約？其實你地有幾多隻鸚鵡

風中飛鸚

我屋企咪仲大獲過你~荔園遊樂場咁~我又係舊工人臨走~已經幫我預備定新工人~教晒佢所有野先自己走回印尼結婚~新工人比舊工人好得多~有責任心~勤力~(又靚女)不過怕鸚鵡~但小丙好喜歡佢~每日都要飛去佢頭上~嚇到佢花容失色~
我當然安慰佢~保護佢~希望抱緊佢~

yelgreen

抱緊佢 ?

joankong

[quote]我屋企咪仲大獲過你~荔園遊樂場咁~我又係舊工人臨走~已經幫我預備定新工人~教晒佢所有野先自己走回印尼結婚 ...
風中飛鸚 發表於 2013-4-26 10:36 [/quot

你而家請工人定請鳳姐呀?
啤梨,我係你就請個有咁醜得咁醜既,等佢無啖好食~~

啤梨

2X年我都是請惺惺王黎做工人, 因為難請工人, 又時間緊迫,
所以今次就放佢一馬啦!

louisa20047

2X年我都是請惺惺王黎做工人, 因為難請工人, 又時間緊迫,
所以今次就放佢一馬啦!
啤梨 發表於 2013-4-27 01:02

啤梨不如養隻狗啦~用黎睇門口~有人做壞事~吠足一世

啤梨

回復 3# Hksupermama


    我請完約的!
    我家有6隻鸚鵡 + 2隻蜜袋鼯 + 5隻雙頭龜 + 2隻殿堂級化骨龍
    (算係近年最少動物的時期)

養鳥新丁

我來做你家工人丫………精通廣東話~~~十餘年執屎經驗，園藝盆景種花養魚考古採集

OnOn

我一直有用工人，直至去年年中個工人突然話好病，早上我上班時，佢自己call 白車入醫院，到晚上自己回家. 之後就話要返老家養病，仲要即走果隻，當時我已plan左在三天後全家去旅行，所以一定要在兩日內安排一切，幸好所有事在兩天內攪掂，送左佢走.  後來不斷收到財務公司及電話公司信件，仲要係不同公司，直到本月又收到兩封，所以當時佢咁急做場大龍鳳要走.  自此，我無再請工人，自己攪掂就算，無工人督眼督鼻，好開心，而且d 仔大，無問題.  但有小朋友就另話.


答番你個問題，以前每次轉工人，我都會叫之前個工人走/到期前一兩個月，會叫佢寫底每天的工作用及時間，例如: 6:30- 6:50 洗廁所......etc. 寫一個星期內的工作，如果有些是biweekly or Monthly 就另外寫開.  我自己亦會睇一次有無漏. 而新工人，我都會叫佢星期五晚到，因為星期六，日我可以全日在家，親自做一次比佢睇及說出我的要求，之後到佢做比我睇，有錯即改. 同時會比本簿同筆比佢，每個step 即時叫佢寫底，日後有做錯或說唔記得，我都會叫佢翻看筆記第幾頁，唔好不斷問我. 鸚鵡方面就只負責清潔.  每個都係咁教，個個在工作上都無乜問題.

風中飛鸚

[quote]我屋企咪仲大獲過你~荔園遊樂場咁~我又係舊工人臨走~已經幫我預備定新工人~教晒佢所有野先自己走回印 ...
joankong 發表於 2013-4-26 22:22

請就請個養眼D~等我照張相你睇下啦~

風中飛鸚

我一直有用工人，直至去年年中個工人突然話好病，早上我上班時，佢自己call 白車入醫院，到晚上自己回家. 之 ...
OnOn 發表於 2013-4-27 10:02

plan左在三天後全家去旅行~工人走左~邊個餵雀?

OnOn

plan左在三天後全家去旅行~工人走左~邊個餵雀?
風中飛鸚 發表於 27-4-2013 10:15

咪就係d 雀先煩，好彩呀哥幫忙托管一星期，要即時洗籠，連雀帶籠，食物，玩具，籠布等搬過去.

Hksupermama

我覺得養鸚鵡比其他寵物麻煩，而家對雀久不久工人都會放出嚟,轉左新工人就未必可以咁做,到時可能又會大叫
OnOn:你幾時過來睇場？