求教!! 迷你金剛咬爆腳指... (有圖)

Luckygirl

各位師兄，我家迷你金剛今日突然咬爆右腳指... 如圖
請問佢係未作病?? 定有菌...?
同埋,點樣阻止佢繼續咬??
使唔使去睇醫生...?

唔好意思...擔心佢.. 問咗咁多問題

dead

有菌感染 ?? 發炎 痕癢  咬腳指  ??   
我估渣...因我唔係醫生...之前網上見到 有人隻 了哥又係 咬腳.... 佢醫生係 比左個 頸環 佢戴住 , 防止佢再去咬腳指,可惜
可惜

dead

可惜佢太遲去啦 ,   等到隻鳥哥 咬到血肉糢糊後, 才找醫生,   最後雖然好得返 , 但是已失去 兩隻腳指 ~~

風中飛鸚

睇你自己點諗~睇獸醫幾時都係最好選擇~
你又可以先將磨爪棍拆出~連續幾日消毒清洗~鸚鵡腳就用生理鹽水每日兩次清洗~睇下有冇改善~

Luckygirl

多謝大家嘅回覆。
依家用紗布包住佢啲腳指，好等佢咬唔到。
一陣去買生理鹽水先。

Luckygirl

買完鹽水返嚟，見到佢又咬左腳指
決定明天帶佢去睇醫生
見到佢咁癢… 好心痛

dorisywy

好明顯佢有皮膚病癢咁咬，帶佢睇獸医，吾係腳爛

Luckygirl

今日去咗睇醫生。醫生話有小小菌，開咗藥膏、藥水俾佢…
希望快啲康復
另外，如果要做喇叭頭，用咩物類輕啲又唔易爛?
今日係醫生度試過帶喇叭頭，太重，佢又驚青，飛唔起…仲慘叫…

東東主人

將過膠用的膠紙唔夾紙入去，放入過膠機加熱後就會變硬，捲起到需要的大小修剪至圓形喇叭邊，給牠戴上時用萬能膠貼住就可以了。過膠用的膠紙有不同厚薄和大小可供選擇，當然較厚的就會較重，受熱後就會較硬，選擇要視乎你的鸚鵡的大小。

macbrush

我隻迷金五更每次轉冷，或者開始日日開冷氣，乾就會咬。 第一次睇過醫生，都係藥膏，照咬，咬到兩隻腳冇左好多鱗片，咁我無辦法下噴雲南白藥等佢苦唔咬，以後就年年一開始咬都用幾日，未再有問題。

Louis

這問題有幾個常見原因:
1. 細菌感染. 企棍過於堅硬 或 有肉眼難看見的尖銳鋒利位置, 使到表皮受損繼而被細菌感染.
2. 真菌感染. 木企棍因天氣潮濕發霉, 繼而感染腳部.
3. 因食物或季節性空氣飄浮物引致過敏痕癢.
4. 痛風症.

樓主可以去有Rx 標誌的屈臣氏或萬寧, 買支消毒藥膏: Bacidine, $25. 每日搽腳2~4次.
這消毒藥膏成份: Chlorohexidine, 就係獸醫常用粉紅色消毒藥水的主要成份, 亦係牙醫消毒漱口水的主要成份, 所以可以放心俾動物使用, 唔怕舔落肚, 吞落肚唔會中毒. 而且這消毒藥膏可同時殺滅細菌及真菌, 所以適用於以上第一第二點引起的感染.

dead

這問題有幾個常見原因:
1. 細菌感染. 企棍過於堅硬 或 有肉眼難看見的尖銳鋒利位置, 使到表皮受損繼而被細 ...
Louis 發表於 2015-5-19 14:09

    鸚鵡樹 最好嘅地方 , 就係 好多養鸚鵡資嘅深 人 , 好樂於 幫大家

Luckygirl

唔好意思。遲咗回覆大家。睇完醫生第2日，我要生產了。BB順利出生。
好感激大家的解答。
自從睇咗醫生後，每天搽藥膏，餵藥。大概6日到，佢啲腳趾好返好多。過咗幾日，我地換曬全部企架，玩具。依家痊癒了。間唔中咬住腳趾，勁chok，無咬傷皮。