新手請教

Wlkc

各位Ching小弟剛購入月輪4個月大左右斷奶一個月，但鸚鵡剛回到新家只大叫亂撞，靜下來就只企係籠頂個圈到，而家已過左一日好似都無食過啲糧咁，水都好似無飲過，咁架情況係咪正常未熟環境？請求各位Ching 解答（因小弟怕佢餓親）！！！（我放啲糧只係H糧高營養配方果種就無其他啦）

woodteak

4個月大左右斷奶一個月，一定是老板話的

Wlkc

係呀，我話我上網睇過下新手養鸚鵡既文想搵斷左奶既鸚鵡，我係新手怕養唔掂，跟住就話養鸚鵡無話新手唔新手，好確定咁話斷奶1個月自己識食糧

louisa20047

四個月大?個人意見~你都係加奶啦

風中飛鸚

雀鳥感觀唔同哺乳動物~比較敏感~對更換環境~有好大反應~!

你唔好攪佢~等佢慢慢熟悉環境~就會跳火圈同行鋼線啦~你第一日回家唔好叫佢打關斗啦~

Wlkc

今日係返到黎數起第三日，今朝見佢地終於有飲水，但未見佢地食糧，想問下各位ching喱段時間會唔會係厭食期呢？因為小弟驚佢餓親，什至餓死？

gadgeteer

比你参考下，我隻發霉雀初初帶佢返屋企，頭三日完全無食過嘢。

比個安靜環境佢，等佢適應。間唔中同佢傾下偈，佢未 ready 的話，千其唔好伸手攪佢。

佢就算唔食嘢，但都要定時換新鮮糧同水比佢，舊嗰啲糧同水掉咗佢。

Wlkc

明白，唔該晒各位Ching!
仲有個問題就購入之前我問個老板佢食咩糧，佢話係roudybush加五谷糧，但我問過下養開鸚鵡既朋友佢介紹我用H糧，所以自己幫佢轉糧，唔知係咪喱個原因所以佢未慣食喱隻糧所以唔食呢？

gadgeteer

轉糧呢家嘢，其實好高學問。有人好容易就轉到，有人用盡方法都唔成功。

你問我，新雀回家，唔好搞咁多嘢住。先比佢習慣環境，習慣下你。轉糧呢啲，可以遲下先....

scylam

個人意見。轉換環境或主人；無論食乜都好，先比佢食一至三個月。保證健康。養定後再轉糧。減少悲劇發生

風中飛鸚

1經常見到大家話轉糧~又話雀仔唔食野~我一生養動物~從未出現過呢類問題~鸚鵡見到合成糧~非常高興~粒粒佳辛苦~好好品嚐~唔會跌落地~

2你籠內有糧有水~面對一兜糧一兜水而餓死在一兜糧一兜水中間~天意~

Wlkc

今日係第五日，聽ching講喱兩日淨係幫佢換水換糧靜觀左兩日，佢開頭試下食啲糧就走返上籠頂，今日就開始爬上爬落見佢食左都幾多份量既糧（應該食飽左）就將啲糧放去水兜到，感覺開始良好！

風中飛鸚

天下間~能死在糧食邊的~死不足惜啦~

gadgeteer

今日係第五日，聽ching講喱兩日淨係幫佢換水換糧靜觀左兩日，佢開頭試下食啲糧就走返上籠頂，今日就開 ...
Wlkc 發表於 16-9-2015 20:18

新雀回家，最緊要係耐性。好多人唔識，成日見到人地啲雀又食得又玩得又識玩雜技，就想一步登天，衝動底下買隻雀，諗住返到屋企求其嗌下佢就乜都識。

同主人互動固然重要，但好多人唔明其實係由鸚鵡出發，唔係由主人出發，絕大部分生活上或娛樂上嘅需要，係鸚鵡話事，唔係主人話事。鸚鵡唔制的話，主人做乜都無用。你見到海洋公園啲鸚鵡咁叻，其實係背後要好多好多好多訓練，好多辛酸，同專業嘅設計同配合睇下某隻鸚鵡願意做乜，你唔會見到隻隻鸚鵡都識踏單車，以我地普通人家嚟講，亦無可能做到人地海洋公園水平...