買鳥籠注意事宜

deanchan

我想養雞尾前，先買好鳥籠，請問鳥籠應該幾大? 用乜物料造? 有何注意事宜? 謝謝。

gwensoo

主要睇你地方有幾大, 可以既話, 俾間豪宅佢又何妨?

仲要睇你會唔會考慮日後加雀, 會唔會考慮俾個巢箱佢? 亦要睇你多唔多放佢出籠玩, 如果成日出籠既話, 個籠只用作訓覺用, 咁可以唔駛太大個.

我自己隻雞尾仔住14寸濶,30寸高(大約)既渡漆籠, 基本上佢鍾意留係上面, 好少行落中層同下層. 但個籠高亦有好處, 佢出籠既時候, 可以係籠頂度玩, 亦因為個籠都夠高, 佢比較有安全感.

風中飛鸚

如果最簡單~買個平鋼籠~$350元~如果想買個好D~$1500元~如果訂做就起碼3000元~
唔計價錢~當然訂做好啦~可以利用家中空間~
注意事項:鋼支與鋼支之間距離~活動較位是否對鸚鵡腳構成危險~糧杯是否穩固~

gwensoo

350元鋼籠好細喎....

風中飛鸚

350元鋼籠好細喎....
gwensoo 發表於 2015-10-30 10:47

能記有種標準雀籠~350元~可養灰鸚~(不過唔係鋼~一兩年間要換)
新手可以暫時用~兩年後先考慮買貴D~

primera

想問下淘寶鋼籠OK嗎?

http://ai.taobao.com/search/inde ... 31o.7712113.a3342.1

Louis

如前後左右空間不足, 當隻雀拍翼時, 飛行羽會與鳥籠碰撞而開叉, 甚至折斷. 如高度空間不足, 尾羽觸碰籠底, 做成開叉及沾上便便. 所以鳥籠高度, 闊度與深度應該至少可以讓隻雀雙翼完全展開拍動時, 兩翼飛行羽及尾羽不會觸碰到鳥籠.

至於材料, 經濟能力許多的話, 應選用不鏽鋼或塑膠. 因為一般鐵造鳥籠, 表面經過焗漆或電鍍處理. 由於鸚鵡喜愛啃咬, 會吞下焗漆或電鍍碎屑, 當中的重金屬會積累於體內, 日後會造成重金屬中毒.

gwensoo

你條 LINK 上果D唔係鋼籠, 係電鍍籠, 其實雀街買都幾一二三百左右, 唔駛去淘咁麻煩.

風中飛鸚

你條 LINK 上果D唔係鋼籠, 係電鍍籠, 其實雀街買都幾一二三百左右, 唔駛去淘咁麻煩.
gwensoo 發表於 2015-10-30 11:06

我都覺得出雀街見實物~見隻買隻安全D~買雀就唔好出雀街~買籠就當然去雀街啦~

dead

如前後左右空間不足, 當隻雀拍翼時, 飛行羽會與鳥籠碰撞而開叉, 甚至折斷. 如高度空間不足, 尾羽觸碰籠底,  ...
Louis 發表於 2015-10-30 11:06

我個籠 夠空間 比雀拍翼， 但 佢有時拍翼係為左引人注意
    放佢出黎玩，  佢經常 拍翼打到d 木玩具， 真係驚佢 打斷自己d 骨 .....

風中飛鸚

我個籠 夠空間 比雀拍翼， 但 佢有時拍翼係為左引人注意
    放佢出黎玩，  佢經常 拍翼打到d 木玩具， ...
dead 發表於 2015-10-31 09:45

你驚佢又係會打到~你唔驚佢又係會打到~問題唔在於係驚唔驚~

你一係換籠~一係唔換~呢個係你可以做~你負責俾錢~唔係負責驚~