鐵皮屋

王斯拉

請問有無人知道有關鐵皮屋(即係建築喺山腰嗰啲)嘅資料呢?
例如:買咗之係駛唔駛交地租?門牌嘅編號係咪要嚟俾政府登記用?
如果要查核嗰間屋嘅資料,可以去咩部門等等...?
最近喺大埔睇啱一間鐵皮屋(外面係鐵皮裡面係砌磚石),
想要查察一吓間屋啲資料,但唔知有咩溝道!?
唔該各位 .

風中飛鸚

咁就真係要小心啦~試想想~強行霸佔土地~起間房屋~仲可以買賣~邊有咁著數既事~如果平平地~有一千幾百呎~花園幾百呎~地鑼站左近~幾十萬都有人買啦~要千萬小心~租又唔同~最多就搬姐~

王斯拉

唔該晒兩位 .
哥哥你好似重有嘢未寫完咁噃 ?

CARMEN-LUI

如果係紅牌屋就只係買間屋~地不是你的~如果政府要收地~只會補一個公屋既戶籍比你~仲有呀~紅牌屋係唔可以拆左再起架~即係你只能在鐵皮入面裝修~因為政府影哂相~如你拆左~寮仔部就會黎影你~好煩架~不過有D唔多人住既村就可以同村長傾~如果村長比你拆(即係佢保你)咁你就可以拆左起過~不過呢如果唔係原村民~我就建議唔好買~因為好無保障架~我文筆唔好~不過紅牌屋既野比較知得多~如果你唔明我寫咩~你打比我丫~

王斯拉

CARMEN：
唔該晒妳呀．．妳寫得好清楚，我明白咗好多喇 ．
我見到有啲外牆有紅色號碼，有啲又無．
有啲要交地租，有啲又唔駛交，咁即係點 ？

CARMEN-LUI

要交既即係在政府有登記~無就即係霸返黎既~可能好多年之前唔係用黎住~係用黎耕田~

王斯拉

明白晒,唔該妳 .

longman

合法寮屋屋外有一組紅No.例如慈雲山__TWS/14x18x20,後面是政府給予該屋之合法面積,全部屋主,家人資料在1982年前已有系统登記,原本係臨時性質,奈何香港寸土尺金,呢個係歷史遺留嘅問題.亦好難解决.如非居住環境有潛在危險,或遇上發展,一般可以存在落去.
要交象徵式地租嘅係有合法地主,留待政府收地之憑據.唔使交就係政府地.不可重建,只可鞏固維修.無亨有政府房屋福利者,清拆時可擭上樓.
買賣時白紙黑字話係轉讓木屋上蓋,呢張紙唔係比政府睇,而係比啲上門話你霸屋溉人睇,住得呢啲屋耍夠惡先得.

[ 本帖最後由 longman 於 2009-6-27 09:16 編輯 ]

longman

最緊要查清楚上手有無上咗樓,(公屋,居屋).上咗樓就等政府拆,小心.
相反,分分鐘同隻鸚鵡住過世!如果平,住10年8年都抵.

tsw

買賣寮屋係非法,無得上樓,(公屋,居屋).紅色號碼，1974年前已有系

longman

原帖由 tsw 於 2009-7-3 01:05 發表
買賣寮屋係非法,無得上樓,(公屋,居屋).紅色號碼，1974年前已有系

買賣無法例規管,買賣非法寮屋才是犯法。最updated之登記是1982。石寮屋唔平,可以去到50-60多萬,冇得按,一次過paid。仲有市場架！

王斯拉

合法寮屋屋外有一組紅No.例如慈雲山__TWS/14x18x20,後面是政府給予該屋之合法面積,全部屋主,家人資料在1982年前已有系统登記,原本係臨時性質,奈何香港寸土尺金,呢個係歷史遺留嘅問題.亦好難解决.如 ...
longman 發表於 2009-6-27 09:10

唔該晒longman ,雖然而家至睇到,啲資料好好,能讓我們明白更多.