zero322

唉...佢又噴 唔夠一個鍾前 噴到成頸濕哂 我即刻去吹乾佢  我呀媽話佢好嘈所以噴佢 我真係對佢好失望lo 佢話我一日都唔做好哂d野都會得閒噴下佢 好憎佢呀... 點解要咁對我姐?? 都唔守信用

Louis

用AA膠塞左噴壺條喉.....

carolee

唉...佢又噴 唔夠一個鍾前 噴到成頸濕哂 我即刻去吹乾佢  我呀媽話佢好嘈所以噴佢 我真係對佢好失望lo 佢話我一日都唔做好哂d野都會得閒噴下佢 好憎佢呀... 點解要咁對我姐?? 都唔守信用
zero322 發表於 2009-9-10 19:32

咁你呀媽係因為佢嘈所以噴佢, 定係因為你冇做好哂d野所以咁做呢?  如果係因為前者, 咁噴完佢係咪就唔嘈? 如果係後者, 咁你做返好d野係咪佢就唔再噴佢呢?

zero322

前者...噴完唔嘈 但係比人噴戈時我沖涼都聽到佢大叫(因為佢好驚噴水戈個野) 佢話我做唔好d野都噴佢 真係好無理姐...我做好佢又話我冇做好

carolee

前者...噴完唔嘈 但係比人噴戈時我沖涼都聽到佢大叫(因為佢好驚噴水戈個野) 佢話我做唔好d野都噴佢 真係好無理姐...我做好佢又話我冇做好
zero322 發表於 2009-9-11 06:26

只係大家對"做好D野"嘅標準唔同, 咁你應該平心靜氣跟媽媽訂定一個量度準則, 大家唔好為呢件事傷感情, 又連累雀雀

其實女人多數係要氹同受軟唔受硬, 由其是家裡話事的媽媽, 你同佢硬碰衰梗, 要用溫柔婉轉的態度啊! 努力加油呀

imtamama

同意, 同媽咪制定一個量度準則, 建立互信~
之後整個chart貼係雪櫃門度, 大家係個chart上面都留comment(eg 係個chart上面用表情黎代表), 話比對方知你今日既心情, 咁又可以當一個遊戲, 又可同時增加你同媽咪之間o既互動~ <---我都係講下, 不過work架~

duncan

兩母子都要講數,真係慘！你由得你呀媽噴囉,佢見你冇反應覺得唔好玩咪唔玩囉

cylailai

掉咗個噴壼啦，見一個，掉一個，咁佢咪無機會噴濕隻雀，不個這個唔係好方法，治標唔治本。我隻雀日頭都好嘈架，佢芳心寂莫，就會用嘈黎引人注意，無辦法架喇，唔通你用塊布遮足成日咩…
唔怕架，嘈下嘈下你阿媽就慣架喇，你唔好比咁大反應你阿媽好啲。因為睇你之前的認容，唔知點解我覺得係你阿媽玩你的成份高啲…

Louis

用針拮穿噴壺條喉, 漏氣吸唔到水就噴唔出嫁喇......

煙花

你媽咪其實係唔係好似d 鸚鵡咁
鸚鵡就大叫吸引你注意,你媽咪就噴佢吸引你注意@@

其實e+最緊要係同你媽咪溝通,先可以解決到問題,在旁觀者黎講好難幫到手

zero322

吓...佢成日都係咁噴 話極都係 第一次就話冇事既 第2次就話噴唔會死既 第3次呢?/ 第4次呢?? 咁又何苦呢 拎隻雀黎咁玩 生命黎架 我覺得佢係鍾意玩隻雀lo 但係點解我講左咁多次唔好噴都要噴 今日就冇 唔知聽日 唔知後日 遲早出事囉   日日比人咁噴 唔怕人都難 佢依家一見到個水壺就好驚