Final project

winnieXjelly

小妹正在面對final year project，我正讀緊廣告設計
今次想做雀仔街呢，主題係宣傳香港街道文化，雀街是我要介紹的第一條街＝〕
所以想收集一下大家的意見
請問大家對園圃街雀鳥花園的感覺是如何呢 ？
無指定範圍和答案，大家可以隨便訴說大家的感受
大家不同的意見都對我非常重要呢。。
十萬個多謝大家

楚峰

多菌過灣仔=0="
幾間細雀舖做生意手法唔好...=0=""
其中幾間細舖賣雀價錢比賣海鮮更海鮮=0="""
夜晚冇街燈超級黑媽媽...=0=""""
(以上純粹個人意見)

風中飛鸚

當年康樂街~即園圃街前身~是香港一大特色街道~起初只得幾個街檔~只是在早上營業~除左有雀賣~仲有其他動物~仲有食用野味~街尾有鷹賣~又有賭博的打"蟀"~後來仲有貓狗賣~因為成行成市~所以成為一特色~
政府清拆康樂街~將所有願意的店舖搬遷到園圃街~起初店舖非常不滿~指地點太偏遠~與窩打老道的康樂街相差太遠~後來不了了之~現在的園圃街人流遠遠比不上當年康樂街~當時如果假期旺日子~是沒有辦法可以入到中間的鸚鵡店~(我每天放學都會去看鸚鵡~問過一萬八千次價錢~未幫襯過~)

OnOn

雀鳥及飼料集中地, 無論愛雀與否, 都值得一去, 旅遊景點之一.
多數買糧先會去, 亦盡量唔會帶雀去, 因為多菌.
內有無良鳥販,  欺騙不少鳥主.

風中飛鸚

曾經有店舖將病鳥放生~(放走)
有好心人執到~醫左幾千元隻雀先死~

Cozzy

雀仔街,可以話係一個好像外國swap meet (sunday　ｍａｒｋｅｔ）的地方,...但日日都開
一條街有三種人.
1.養嗚烏的...其實都唔小後生仔
2.養鸚鵡的...年齡層好大
3.遊客...本地,外國都有
大家的心情都唔同.但都係有目的而到雀街的...
街中的人都心情輕鬆．．．
街道小小但可以睇到人生百態．．．
小朋友叫媽媽買雀雀．．．
雀友大談雀經，中毒的地方．．．
和其他遊客區一樣，同一樣的貨，不同人有不同價．．．

mavisweet

全香港唯一最集中買雀既地方~
門口牌坊同埋一d中式建築都好有特式~
我覺得內裡既涼亭同中式鳥籠好夾~
入到去聽到好多雀仔聲~十分熱鬧~
但亦都有好大"浸"雀仔味~氣味濃郁~
係一個本地人同遊客都必去既景點~

風中飛鸚

以前兩個紙皮箱就可以賣鸚鵡~好多達摩/亞歷山大/雞尾都係放在紙箱~兩個疊起就賣得啦~~

winnieXjelly

好多謝大家ge意見呀,對我份peoject非常有用
到時完成品出左離,,大約5月,,我會同大家分享ga