所有動物診所都係用人既眼藥水, 例如抗生素, 消炎(類固醇及非類固醇), 人造淚水, 抗敏, 止痛, 顯影, 局部麻醉, 等, 但亦有一d 自行調配既眼藥水, 只會俾動物用, 唔會俾人用, 因為呢d 眼藥水使用若干年後, 會對身體產生不良副作用, 但一般小動物壽命比人類短, 所以准許使用於小動物身上.
如果眼有眼水, 除左感染外, 眼角膜受損, 過敏症, 眼睫毛倒生, 淚管閉塞(先天或後天), 鼻塞, 都會引致好多眼水. 以上問題, 使用既藥物及治療方式都唔同. 眼淚水過多引起既眼垢(眼屎), 正常係深啡紅色, 但如果受到感染, 就會變成黃綠色, 須要使用抗生素眼藥水治療. 如果眼淚水及眼垢只係深啡紅色, 就未必係感染發炎, 須找出原因, 對症下藥.
貓狗常見眼疾及藥物:
1. 細菌感染: 抗生素眼藥水(Rx藥房有售, 如Gentamicin, Chloramphenicol, Ofloxacin, Terramycin, Polymyxin B, Neomycin, )
2. 病毒感染: 干擾素眼藥水(如 Interferon, 因為保存期短, 及須要配製, 藥房一般無售)
3. 眼角膜受損: 抗生素眼藥水, 消炎(類固醇及非類固醇)眼藥水, 止痛眼藥水
4. 紅腫發炎: 消炎(類固醇及非類固醇)眼藥水(Rx藥房有售, 類固醇:如 Betamethasone, Dexamethasone, 非類固醇:如 Indomethacin)
5. 眼睫毛倒生: 小眼科手術
6. 先天淚管閉塞: 無法可治
7. 後天淚管閉塞: 要先找尋原因, 才對症下藥
8. 過敏症: 抗敏眼藥水 (一般藥房有售)
9. 鼻塞: 要先找尋原因, 才對症下藥, 或須配合口服藥物
購買抗生素眼藥水時, 要問清楚藥劑師是否含有類固醇, 因為類固醇會抑制免疫力而達至消炎消腫效果, 錯誤使用而令免疫力下降, 做成二度感染會使病情加深, 及增加病菌產生抗藥性機會.
** 能記賣既 Dexanicol 眼藥水, 就含有抗生素 Chloramphenicol, 及類固醇 Dexmethasone. |
發表於 2010-2-26 09:22
| 
發表於 2010-2-26 18:41
| 
