bobyjadeeye

唔見有蟲，個人話安全起見喎，怕有姐
louisa20047 發表於 2012-4-26 12:31

哦  咁用碘酒就得  
夏天就到  小心d啦

Louis

狗狗條尾有傷口，有人叫我地用臭水同佢除蟲(蛆)，有冇人可以講解下呀？
louisa20047 發表於 2012-4-26 12:18

犬隻對於蟲咬無咁敏感, 好多時都唔會避開. 如果狗隻飼養在室外, 係極度容易染上因昆蟲引致既病症, 香港常見有牛蜱熱, 心絲蟲病, 食肉蛆病, 被毒蟲叮咬以致過敏腫痛等.

一種常見有金屬金色或綠色光澤既烏蠅, 就係食肉蛆蠅, 喜愛於生肉或腐肉上產卵. 幼蛆孵化後以肉為食物. 食肉蛆蠅常於狗隻訓覺時, 喜在外露傷口, 或濕潤既部位上產卵, 例如: 發炎既耳仔, 口腔, 肛門, 陰部, 眼瞼等, 幼蛆會一路向體內不停鑽食, 如不加理會, 患者會非常痕癢及痛苦, 鑽食至重要器官可以致命.

預防方法: 經常檢查上述各部位, 如有外露傷口, 可在傷口消毒塗藥半小時後, 在傷口上噴上 Frontline, 就可以防止食肉蛆蠅在傷口上產卵, 或幼蛆孵化後即被毒死.

治療方法: 將殺蛆粉或Frontline 混和消毒藥水灌洗患處, 毒殺蛆蟲, 然後將蛆蟲從患處清除, 如傷口太深, 可能需要開刀清除蛆蟲, 每日重複灌洗直至唔再見有蛆蟲於患處出現, 同時需服用止痛藥及抗生素治療感染.

louisa20047

經常檢查上述各部位, 如有外露傷口, 可在傷口消毒塗藥半小時後, 在傷口上噴上 Frontline, 就可以防止食肉蒼蠅在傷口上產卵, 或幼蛆孵化後即被毒死
Louis 發表於 2012-4-26 13:49

消毒塗藥<---- Frontline?
Frontline係咩藥?~咩樣?~邊度有得買?

Louis

消毒塗藥, 即係消毒完傷口, 搽上抗生素藥膏, 等半小時傷口吸收晒d藥膏之後, 再傷口噴上 Frontline 防烏蠅.

Frontline 即係滴頸果隻防蝨水, 有噴霧裝, 寵物店或獸醫診所有售.
Frontline 滴頸裝與噴霧裝, 分別於噴霧裝係稀釋左, 主要係俾幼貓幼犬使用, 每1kg體重, 唧四下. 所以唔適合俾中大狗用, 如果一隻金毛重32kg, 即係要唧128下, 唧完成身濕晒兼唧到手軟.
但係亦都適用於出街前噴四隻腳, 及上述既噴皮外傷口.

louisa20047

消毒塗藥, 即係消毒完傷口, 搽上抗生素藥膏, 等半小時傷口吸收晒d藥膏之後, 再傷口噴上 Frontline 防烏蠅.

Frontline 即係滴頸果隻防蝨水, 有噴霧裝, 寵物店或獸醫診所有售.
Frontline 滴頸裝與噴霧裝, 分別於噴霧裝係稀釋左, 主要係俾幼貓幼犬使用, 每1kg體重, 唧四下. 所以唔適合俾中大狗用, 如果一隻金毛重32kg, 即係要唧128下, 唧完成身濕晒兼唧到手軟.
但係亦都適用於出街前噴四隻腳, 及上述既噴皮外傷口.
Louis 發表於 2012-4-26 14:35

咁噴傷口有冇話要噴幾多?~果隻狗係3個月BB黎~廿幾KG

Louis

Frontline 覆蓋到傷口就夠, 如果傷口細, 噴一下就夠, 除非傷口好大, 就要噴多幾下覆蓋傷口.

如果你隻係bb狗, 就唔好用"奶水"(Amitraz), "奶水"就算稀釋後毒性都好強, 一般獸醫無必要都唔會用, 六個月以下既bb狗更唔會使用. 貓(或有養貓)一定唔用得.

yimaggie

不論係HOTSPOT卅傷口
用BETADINE洗  1：10開稀 傷口初時每日4次 轉好可以減次數 最少每日2次 一定要保持傷口乾爽清潔
BETADINE唔刺激傷口 唔會痛
滴過REVOLUTION唔好用FRONTLINE滴劑 最多用SPRAY噴傷口好LA
我好似有罐蟲粉 今晚搵到PM你

yimaggie

記得所有分泌要洗走 附近會痴到傷口GE毛最好剪光 狗GE結焦唔同人果D 小心焦下含膿 洗時要滲入焦底

louisa20047

Frontline 覆蓋到傷口就夠, 如果傷口細, 噴一下就夠, 除非傷口好大, 就要噴多幾下覆蓋傷口.

如果你隻係bb狗, 就唔好用"奶水"(Amitraz), "奶水"就算稀釋後毒性都好強, 一般獸醫無必要都唔會用, 六個月以下既bb狗更 ...
Louis 發表於 2012-4-26 14:52

噴環境都唔好?