永不能忘記的4‧27。。。一年了，大舊金，你好嗎？

去年今天，我最錫最愛最乖的大舊金離開我們一家了～～～

一切來得太突然，由事發到離開，不夠十小時…

第一次帶小朋友睇醫生，診金幾多已經唔理，淨係知道，醫生，我好想你救大舊金！

五時多，醫生急救無效，姑娘走出來告知惡耗，我嘩一聲喊出來了～

抱在手上用毛巾包住的真係我大舊金？我大舊金平時唔會比我抱架，
佢只會企響我膊頭上，緊貼我耳仔，我抱上手的真係大舊金？

抱左好耐，好耐，婆婆又抱左好耐，
好唔得放手比醫生去解剖…但手，始終要放…

當時雨一直下，等同我的眼涙一直流！

當刻還要決定是否要送某部份組織去化驗，後事如何？
好彩決定送去火化，否則我一定後悔！

直到今天，每當提起大舊金，我的眼淚就會自己流出來，我的心，依然痛～

雖然現在我家有細七，但大舊金仍然有著他在我心中的位置，沒法取代！

一年了，大B哥久唔久就會講句：我地掛住大舊金！

我知架，我又點會唔記得大舊金呢？
因為，他是我最錫最愛最乖的大舊金呀！