灰鸚鵡生病

rita

本人近日隻灰鸚鵡成日搖頭想扣喉有野整出黎,只有試過2次好似有D白色痰定口水既野扣出黎,食野ok,但之前喜歡食生果,兒家食小小就唔食.....去鸚鵡店問過,佢話可能係感冒,食8日抗生素,兒家第7日子係好少少,想問下大家資深經驗有無見過厘個情況,請大家分享一下,謝謝....

Louis

1. 先留意及記錄體重, 生病時候, 體重會反映身體狀況.
2. 餵食藥物 最有效係將正確藥物份量即接餵入口. 如果係將藥物放入水杯, 等隻雀自己飲, 隻雀食左幾多藥, 有冇食到藥, 冇人知道, 所以會影響藥物成效, 及延誤病情.
3. 每種藥物都有其有效時間, 所以會有"日服兩次, 三次, 或四次"等分別, 代表此藥藥效時間為12小時, 8小時, 或6小時, 過時間未服藥, 就會俾時間機會病菌喘息及再次活躍繁殖.
4. 如果8日療程未見病情好轉, 甚至惡化, 應立即求醫, 以及帶齊曾經服過之藥物俾獸醫睇, 避免重復處方相同藥物, 因為病菌可能對該藥已產生抗藥性.

rita

多謝你寶貴意見!我同你想法都是一樣,亦有表示擔憂,但店主都是教我放在水杯,現在鸚鵡搖頭次數減少,我現在應該點做呢?要唔要帶去睇醫生,定再睇下情況先,希望可以比D意見,而且唔知睇邊個醫生,可否介紹一下,Thanks!!

rita

請問灰鸚正常體重多少

ECKO

应该食道或胃部有菌,我隻贾丁士都试过,又扣喉又呕半透明的痰.

rita

咁請問你點處理,幾內先好番....

rita

灰鸚每日食3-4粒合桃有無問題....thanks!

rita

咁請問你點處理,幾內先好番....

ECKO

我喂药给牠食,直接喂药给牠,

rita

thanks...8日葯已經食完,我是放落水杯,搖頭想扣喉既動作比之前少左,唔覺有白色痰扣出,唔知係米應該繼續食抗生素,定食益生菌,因為鸚鵡店上次話食完抗生素之後再食益生菌清除細菌...唔知應該點好,請大家比d意見,thanks!

小草妹

thanks...8日葯已經食完,我是放落水杯,搖頭想扣喉既動作比之前少左,唔覺有白色痰扣出,唔知係米應該繼續食抗 ...
rita 發表於 2013-11-23 15:18

抗生素會殺死體內所有菌 而身體內既菌唔一定係全部係壞既
好菌會集中係腸道或者其他地方幫助身體維持健康
而食益生菌 只係幫身體補充被殺死既益菌  但並不是清除細菌
殺菌只係抗生素可以做到

JoeLee

回復 1# rita

我家的睛晴以前試過一樣的徵狀。係因為佢咬玩具時不慎有細小的玩具碎攝於佢脷底深處。後來在我準備帶佢去睇醫生前，佢自行整出那玩具碎。佢跟住就回復正常了。後來醫生亦作詳細檢查,用工具掙大佢個嘴再望清楚,證實再冇異物在脷底深處。

rita

多謝兩位意見,因為我怕食得太多抗生素會影響身體,如果我現在給牠食益生菌ok嗎...同時可以介紹診所嗎?

kkling

隻灰幾歲？

JoeLee

回復 13# rita

我家的晴晴好論盡，試過有玩具碎攝在脷底深處，又試過整傷腳趾甲。所以時不時都要出入獸醫診所。以下是我建議的獸醫診所：

土瓜灣動物醫院

Dr. Terry Yu
working hour : 10:00-22:00

Phone : 27119909

(Remark: Dr. Yu 以前在海洋公園當獸醫。好樂意分享有關經驗）

黎昌生獸醫診所：
working hour: 10:30-14:00;16:00-19:30
跑馬地： 28932988
將軍澳 : 22446898

(Remark: 黎醫生在跑馬地的診所都養咗隻灰鸚鵡，傾開灰鸚鵡份外同聲同氣)

在睇獸醫時，不妨請教醫生有關益生菌吧。

我建議你首要任務係解決目前灰鸚的不舒適，醫好灰鸚才考慮俾佢食益生菌。

rita

須然我鸚鵡已經養左12年,但從來無咩病,今次突然咁樣,見佢瘦左....所以好擔心,多謝大家貴意見同提供醫生既資料,thanks!

燉雪梨

須然我鸚鵡已經養左12年,但從來無咩病,今次突然咁樣,見佢瘦左....所以好擔心,多謝大家貴意見同提供醫生既資 ...
rita 發表於 2013-12-11 14:44

現在灰鸚情況點呀？見你已是11月下旬發帖了！

rita

係腸胃有菌,已經好左好多,希望佢可以快D好番同肥番...多謝晒!!

jennymok

我隻細葵都試過, 醫生都係開益生菌!

wongleung

好反就好。