凱克與玫瑰可以相處嗎？

plusle

先多謝會長空中飛鷹告訴我荃灣有一間鸚鵡店，再多謝會長介紹我養凱克，我在貝貝鳥買了一隻可愛的凱克，半年多後忍唔住買多一隻玫瑰。
但問題來了，我們在家的時候，會放她們自由活動，但凱克經常想咬玫瑰。所以我將玫瑰放在高架上，但凱克總想盡辦法爬上去，請問有沒有辦法另令她們和平相處？
平時沒人在家時會困住，但有人在家的時候，想她們自由一點。希望有經驗的朋友能賜教。

gwensoo

我的凱克女對雞尾很不友善, 我唔會放佢地單獨相處, 基本上, 凱克係廳活動, 雞尾在睡房活動, 我就2邊走睇佢地.

boscoho

算啦,我都死了心....我兩隻女...平時一放比佢地周圍行.第一時間就搵對方隻秋.....係真打唔係假打...
有次我用手分開佢地..連我都咬...爆哂光,我兩隻係賈丁同籃頭亞馬遜....
我都養左佢地大半年多都係咁...食物一樣....獎勵一樣....我都唔明....
唉....唔似得其他師兄一樣雀仔咁和睦相處....

louisa20047

好多人以為係鸚鵡都差不多，只係講野能力/外表唔同
但其實不同種類的鸚鵡，習性唔同，對事物的理解/反應都唔同嫁

風中飛鸚

首先~貓同老鼠~老虎同豬都可以一齊養~同是鸚鵡~道理上絕對可以~大不了只是死~沒有其他並發症或傳染病~

plusle

即是說，時間不能沖淡她們的仇恨！
那算了吧！
多謝各位的意見

sonicwai

回復 2# gwensoo

好有共鳴
我隻灰雞見到新返來的凱克, 過去挑機, 比人咬傷腳止,
我隻黃雞有次企左凱克個位, 凱克過去啄佢, 都幾狠, 好彩我隻手擋得切, 唔係黃雞眼都比佢啄盲,
所以我現在唔會放佢地一齊出嚟, 要分開出嚟玩

風中飛鸚

即是說，時間不能沖淡她們的仇恨！
那算了吧！
多謝各位的意見
plusle 發表於 2016-2-4 20:45

你可以在半島酒店擺和頭酒~可能得~(記得請我)

東東主人

唉！我隻渣甸，只要烏龜爬到牠的遊樂場範圍，牠就會追趕，用咀攻擊牠們，直到牠們離開，幸好烏龜懂得縮入龜殼，另外在家人的喝止下，渣甸才只是裝匈作勢，用咀攻擊，不是真咬下去。

風中飛鸚

遲早有意外~

東東主人

回復 10# 風中飛鸚

現在五隻烏龜只在地柜面活動，很少刻意跌到地面四處走，即使在地上爬亦已學懂了不進入牠的遊樂場範圍，另外下午有陽光的日子會把渣甸放在地柜面晒太陽，牠知道這是烏龜的活動範圍，不會攻擊烏龜，會很安靜地縮起一隻腳，鬆開羽毛，什至閉上眼享受陽光。