和尚鸚鵡便便問題..

hiuki

大家好..第一次發文就要問問題..

我屋企隻和尚3個半月大.
事發係咁既,尋晚比左D蘋果佢食,但今朝見到個籠入面(佢企係到訓教個位下面)有一大堆便便,排便量比平時多,而且佢到依家成個人都呆呆滯滯,平時一定會嘈係咁叫,但今日180度大變...

我想問隻鸚鵡係咩情況..佢屁股冇黏便便,大便係綠色,但有陣屙出黎係奶白色水狀
會唔會因為食得太多蘋果搞到排便量都變多,令到佢屙得咁勁搞到咁攰冇精神?

請求幫忙解答...謝謝各位

gizmo88

3個半月大可以食生果，請問邊個教你咁做?

hiuki

sorry..係5個月先岩
我上網見其他人都有餵生果比佢鸚鵡食,所以就比左D佢試下
請問要幾大先可以餵生果?
唔好意思我仲係個新手..
佢依家都算精神番,謝謝你

gizmo88

唔緊要，幼鳥未變成鳥之前身體狀況各樣都未穩定，必須時常細心照顧，所以唔係呢刻見佢精神就代表冇事，雀鳥有病唔係咁容易顯演出來，可能今日見精神，明日就突然死，眼見唔少例子。純粹我睇法，隻雀未大定都唔好亂俾野佢食，食返你原本奶糧就足夠，對你比較安全。

風中飛鸚

初回家鸚鵡~係比較麻煩D!小心照顧~
我家的鸚鵡食山埃~飲滴露~都唔死~(講笑)
買個電子磅~記錄重量~以後唔洗擔心~睇數字做人~急跌就睇醫生~唔洗估估下~

hiuki

我依家都係比番原本D糧佢食..
阿B黎左差唔多2個月,佢今日精神都係差..腳板係凍,行動好慢,成日訓教.之前又鍾意咬報紙同毛巾,會唔會同哩件事有關?
佢比之前輕左4g,請問算唔算急跌..?
我上網見有人話加幾滴紅酒落水到比佢飲幾日,都唔知可唔可信
一陣book左醫生去睇,真係好驚佢會有咩事

scylam

先停食水果。用布半掩籠子。停止令氣及風扇直吹。提供大量清水。佢原來多少克？體重如果急跌，其中一個可能性系脫水。

hiuki

我已經冇比水果佢食,佢原本80G,我有換水比佢但佢唔飲..
佢依家係企係個籠上面訓,我放左條毛巾係上面.
水應唔應該比暖水佢?

gizmo88

回復 8# hiuki

等你睇醫生情況，希望雀雀早日康復

風中飛鸚

80減去4~百份比唔算太誇~不過照你形容~睇醫生係正確做法~紅酒唔建議落~可以直接SEND俾我代佢飲~

scylam

80減去4~百份比唔算太誇~不過照你形容~睇醫生係正確做法~紅酒唔建議落~可以直接SEND俾我代佢飲~
風中飛鸚 發表於 2016-7-15 11:15

紅酒我都可以代勞試飲，飲完話你知效果如何。咁樣比較安全

另外，和尚80克有d輕。

風中飛鸚

紅酒醫病呢家野~我都聽過~不過~如果聽一半唔聽一半~落錯份量可能更害死隻雀~

人家可能每日一滴~你就每日成支82年罅隙~灌佢飲~倒不如由我以身試藥~作出犧牲~

風中飛鸚

紅酒我都可以代勞試飲，飲完話你知效果如何。咁樣比較安全

另外，和尚80克有d輕。
scylam 發表於 2016-7-15 16:29

犧牲自己試藥呢D粗重功夫~由主席去做~

hiuki

啊哈ww試飲哩樣野咁大風險都係比我做番啦~
我帶左佢去睇醫生~醫生話阿B好輕,瘦到摸到骨(之前係得穀食),D便便有蟲,唔夠鈣,開左10日藥比佢食
佢依家會好乖咁自己伸個嘴過黎食藥,試緊隻新糧,買左鈣水,體重都慢慢升緊,努力上番100g
不過唔知點解依家把聲有D沙,同平時講野有D唔同,仲會打噴嚏,唔通感冒:S?