返回列表 發帖

糧兜是否應該長期有食物供應?

上星期收到一個求助電話,聽起上嚟似無聊淺白問題,細心去諗,都係一個幾值得同大家分享

但文字可能比較長,希望各位如果唔認同,可以作出提醒,大家善意交流,飼養就會得到進步,我先憶述一次問題:飛鸚,我問過好多養鸚鵡高手,每一個飼養餵食方法都唔一樣,令我好困惑,你可唔可以幫我?例如餵食乜嘢糧?又各有各講法,有啲人又話餵半小時就收起個糧兜,有啲人又話,應該長期有糧,各有各講出各有道理,雙方都好似有見地,
今日同大家一齊分享,唔係解答問題,係分享問題,


(點解我唔直接答:究竟收兜好呀或是長放糧好呢?因為我希望由大家去判斷)

例牌菜:以下只是個人意見,並不代表鸚鵡樹或有真正科學根據,純屬個人分享。


首先我們先理解鸚鵡是鳥類,與我們哺乳類身體結構完全不同,我哋去買豬肉,會分開煲湯/炒菜/蒸肉餅,就係因為脂肪分佈比例,紅肉脂肪在肌肉層散落分佈在身體不同位置去儲存,脂肪在野外自然環境中,有著很多用途,(當然現今人類社會視為最冇用,)所以有五花腩同瘦肉兩個極端情況出現,相反我哋去買一隻大肥雞,劏開之後,脂肪分佈在皮下及內臟,由其是雞肝及心臟位置,家養鸚鵡缺乏運動,但在自然界,只有人類缺乏運動才會肌肉流失,其他動物是不會的。(一隻長期困籠的猩猩,照樣混身肌肉)

綜合正面睇件事,我就會先注重在衛生方面,怎樣令食水供應保持衛生,收唔收起個糧兜,似乎係主人感覺問題多啲,而食物方面我都會提議多元化,以一隻主力糧做中心,(等於飯)副食以新鮮生果為首,乾果,果仁等輔助,至於其他藥品補充劑,就見人見智,(我自己就冇俾)

我都係提議唔好餵得太飽,情願多啲出籠玩,條件可行當然飛行就更好,鸚鵡內臟太多脂肪百害而無一利,養虴庇訄汎x鵡好過養肥隻鸚鵡。

如果大家有意見,可以提出討論,
email:perfect90220909@yahoo.com.hk
fax:24981198
tel:90220909

TOP

返回列表