返回列表 發帖

鸚鵡如何發聲講說話

雀鳥並沒有聲帶, 當雀鳥鳴叫, 唱歌, 模仿不同聲音, 及講說話時, 所發出不同聲音, 都係空氣由支氣管通過鳴管, 呼氣時發出, 鳴管係氣管與支氣管之間既分叉位置, 請看圖1綠色圈住部分.

圖1, 正常呼氣時候, 空氣由肺部, 通過兩邊支氣管, 鳴管, 氣管, 咀部呼出.

圖2, 發聲既時候, 圍繞鳴管部分既肌肉, 會改變鳴管既形狀, 令支氣管口變窄, 當空氣通過時便可發出聲音, 道理如同吹口哨或管樂器一樣.
藉著控制鳴管周圍既肌肉, 造出支氣管口不同形狀, 配合震動鼓膜(鳴管壁), 就可發出不同聲音.

由於以上發聲結構, 鸚鵡及了哥講說話, 並不是用舌頭, 更不是由聲帶發出. 一般人謠傳鸚鵡及了哥要剪舌頭才能夠講說話, 完全係誤解及無知.

每一個品種雀鳥, 由於鳴管結構及控制鳴管肌肉能力不同, 所以唔係所有雀鳥都能模仿人講說話.
當一隻鸚鵡/了哥, 氣管發炎, 鳴管受到影響, 例如結繭, 變厚, 或肌肉組織纖維化, 都會影響發聲能力.
附件: 您需要登錄才可以下載或查看附件。沒有帳號?註冊

唔怪得屋企D怪獸叫幾個鐘都冇事啦
BTW,LOUIS你唔係因為......
先至有感而發吧
灰鸚BB鍾意食同唱歌,大葵發仔鍾意飛同非禮人,朱冠吵吵超鍾意食同大叫, 間中玩下大"蝦"細,愛情鳥Rolex同藍藍鍾愛飛上人頭扮鳳凰,五隻百厭星性格唔同,我全部都咁鍾意!

TOP

係頭先鸚鵡討論區有人問完, 順便將個答案抄過黎實用資料庫.

http://forum.parrot-tree.com/vie ... &extra=page%3D1

TOP

返回列表