PARROT-TREE - Powered by Discuz! Board

標題: 新手問問有關訓練鸚鵡的問題 [打印本頁]

作者: genkichris 時間: 2010-6-24 01:18 標題: 新手問問有關訓練鸚鵡的問題

本帖最後由 genkichris 於 2010-6-24 01:22 編輯

大家好! 我arm arm加入樹樹無耐~
先向大家打個招呼! 各位師兄師姐您地好!
早個幾禮拜走入雀街, 俾LB走上身又同我玩之後, 我同女友都中左毒 @@
所以就不斷上網搵資料兼搵到樹樹~
希望透過樹樹訓練好自己先去買鸚鵡!

睇左樹樹好多posts, 都發覺想鸚鵡做到你想佢做ge野, eg 唔好亂叫, 唔好亂咬, 做tricks,
都先要同鸚鵡有良好關係; 有良好關係前, 就必然先要互信
但問題就黎啦...

我見雀街籠入面ge雀都會怕人... (大部份)
即是我慢慢伸食指接近佢佢就會驚, 飛走 or 亂咬

假設我新買一隻會怕人ge 鸚鵡返屋企(可能周圍睇過選擇不多+資金有限, 會有呢個決定),
例如 LB or 今日我見到一隻 8個月ge 迷金 (妄想only, 太貴啦haha)
就呢兩隻鸚鵡而言, 大家帶佢地返屋企第一時間會做d咩去做一個好開始? 其他鸚鵡(體型較小者)有無分別?

往後幾日, 幾個禮拜, 甚至一兩個月, 會點去遂步建立互信同關係?
我明白耐性同愛心都好重要, 但我最想知到係正確ge方法去同鸚鵡建立互信同關係, 從而我先想開始訓練!

感謝師兄師姐們耐心指教!

作者: leoyys 時間: 2010-6-24 11:13

提示: 作者被禁止或刪除內容自動屏蔽

作者: Louis 時間: 2010-6-24 11:18

先講品種, 如果資金有限, 彩鳳, 雞尾, 愛情鳥係好選擇; 彩鳳同雞尾比較溫馴, 咬人無甘大力, 傷口無甘大, 愛情鳥比較有性格, 唔係甘易馴服, 咬人亦好大力.
所以一般人會選擇由bb養起, 靠每日餵奶互動, 培養感情容易好多, 亦唔會被咬, 但bb 抵抗力弱, 容易染病, 而新手經驗淺, 未能及時察覺, 容易造成死亡.

如你要成功有效馴服隻雀, 就係一籠一雀, 除要餵奶bb之外, 一籠二雀, 三雀, 或更多, 係極難將d雀馴服, d雀會自己玩, 唔須要理你, 除非你好彩, 遇到一隻非常為食既雀.
選擇bb雀時, 唔可以盡信鳥販話隻雀既性別, 因為呢d小形鸚鵡, 骨骼未完全發育, 好難摸得出盤骨闊度, 去判斷仔定女, 多數係亂講.

已經可以自行進食固體食物既幼鳥或成鳥, 返到屋企後, 頭兩三日, 好多雀都會緊張唔食野, 頭兩個星期, 先隔離靜養觀察, 等隻雀習慣新環境, 因為轉換環境帶來既精神緊張, 會令免疫力下降, 如果隻雀有病潛伏, 呢兩個星期有可能會病發, 所以暫時不可急於馴服, 訓練, 或建立信任. 等到隻著開始自行食野, 整理羽毛, 唱歌或大叫, 就代表已接受新環境, 此時可以開始慢慢用零食引隻雀.

作者: 基士提 時間: 2010-6-24 11:41

我家隻大白雖然到今天仍很怕生, 但在這9個月相處中, 她的確比初黎時進步了不少。
我想你要慢慢觀察雀雀的性格及身體語言, 什麼她是有興趣的, 喜歡食, 玩, 做的。
當買新雀回來時, 最好先不要打擾她幾天, 不要勉強她出籠/ 跟你玩, 先慢慢在籠外跟她說說話, 在籠外手持不同又有營養的食物伸入去給她吃。因為要讓雀雀先習慣她將會居住的籠, 之後再去慢慢build up跟你的關係...
開初時, 盡量在籠內不要給她太多玩具, 好讓她不會只顧自己在玩玩具, 而且, 盡量把perch放近籠門, 等她可以接近些在籠外的你...當你日日如是跟他傾計, 玩水, 玩糧, 而雀雀似乎安定了很多(要自己感受她的反應的, 這段日子可長可短), 那就可以嘗試打開籠看看她會不會出來...如果她仍是驚驚不願出籠的話, 就用她最愛吃的mum mum引她出籠...之後慢慢跟她有身體上既接觸....企手呀, 掃下頭仔, 逐步黎, 同時可以開始加入你的training。

作者: 華特拉馬 時間: 2010-6-24 11:42

本帖最後由華特拉馬於 2010-6-24 11:43 編輯

建立關係, 不外孚用手餵食牠喜愛的食物, 如葵花籽, 串串栗等, 你可觀察牠在食物中那一種是先食的, 這就是KEY

最初一買回來不要心急, 牠在籠內你隔籠餵食, 一開始牠怕的話你可能要hold住等一段時間, 總之就不用急....持續十日八日後可有改善, 可試伸手入籠入餵, 又十日八日可有改善...一步一步地上手, 訓練, ....

我果隻驚青雞尾成個幾月先上到手

作者: genkichris 時間: 2010-6-24 13:20

本帖最後由 genkichris 於 2010-6-24 13:22 編輯

O 好多謝咁多位ge寶貴意見, 等我整一個小總結先...

1. 買返黎要先隔離, 一籠一雀, 俾時間佢冷靜同適應 (within 5 days)

2. 觀察雀雀ge健康狀況, 身體語言同反應, 鐘意食邊種食物 (within 2 weeks)

3. 於籠外跟他互動, 情況許可可伸手入籠手餵 (within a month)

4. 再更好的情況下, 便可輕輕撫摸雀雀, 再試上手 (within 2 months)

唔知咁樣總結有無錯漏呢?

仲有我好有興趣想知點教佢入籠便便, 見有師兄師姐提過但搵唔到詳細資料, 希望有師兄師姐提供到~

作者: Cozzy 時間: 2010-6-24 19:52

有關馴化
新雀回家比d時間佢冷靜一下,可以係setup好多個籠,之後,一個鍾之後可以去同睇下佢....
係第一次餵雀時可以試下先用手拿食物係籠邊試下佢食唔食...可以試下佢怕唔怕手....
如果唔食,唔好強求,比d時間.....
如果食係一個好好的開始...
打開籠門用食物引度佢出籠....
如果佢會跟食物的話,放手係雀同食物中間,係一個佢一定要行上手先可能食到的地方.....
如果佢唔怕手....
好快就會上到手....
之後要令雀雀習慣你的手,餵食依然係重點....
可以開始r下頭,頸,身之後翼底.....
佢一比你摸就比treat佢....
當佢比係r翼之後,已經係有同你有一定的信任......
之後可以慢慢摸下佢背脊,當佢都習慣左你放手係佢背脊,你可以開始同佢玩下反肚.....

有關訓練
訓練的重點係留意佢地的集中力好有限,15分鐘左右一個section為最好....
因為太多佢地集中唔到,就有反效果....
target 係一個好重要的工具,係好多動作的機本要求...
可以用target stick(棍一枝),我比較簡單用手指
雀雀做有對可以用口令good,或者有d朋友比較鍾意用clicker...

以上各位師兄/師姐都說得對....
搵出雀雀最愛的食物係重點

而馴化同動作訓練係可以同時進行....

以上係小弟的小小經驗.....希望各位高手唔好介意小弟"關公面前耍大刀"

作者: genkichris 時間: 2010-6-24 22:07

THank you COzzy!

我有睇你訓練雀雀d片, 實在太強啦!!!!

教過佢地只可o係籠中便便? 其他師兄師姐有無類似經驗分享下~?

作者: Cozzy 時間: 2010-6-25 02:39

THank you COzzy!

我有睇你訓練雀雀d片, 實在太強啦!!!!

教過佢地只可o係籠中便便? 其他師兄師姐有無類似經驗分享下~?
genkichris 發表於 2010-6-24 22:07

便便都可以教,不過要比較多心機....
先掌握佢地去便便的習慣,之後依佢生理時鍾放入籠便便.....
佢便完比treat佢

作者: 華特拉馬 時間: 2010-6-25 11:33

訓練的treat食物最好在平時的食物杯中不會出現, 只有在訓練時的獎勵出現, 可以加強果效

作者: 啤梨 時間: 2010-6-25 12:07

THank you COzzy!

我有睇你訓練雀雀d片, 實在太強啦!!!!

教過佢地只可o係籠中便便? 其他師兄師姐有無類似經驗分享下~?
genkichris 發表於 2010-6-24 22:07

大便是一個習慣~等於我朝朝都會~就算冇得呵~都要坐在廁所~是一個多年習慣~

所以你都要拿得準你鸚鵡幾時需要~將他變成鸚鵡的習慣~起初當然唔成功~

慢慢鸚鵡就會明白~(飛鸚字)

歡迎光臨 PARROT-TREE (http://forum.parrot-tree.com/)