PARROT-TREE - Powered by Discuz! Board

標題: 藍頭亞馬遜及灰鸚 [打印本頁]

作者: Keeperloklok 時間: 2010-7-26 21:55 標題: 藍頭亞馬遜及灰鸚

我係新新手，今日去左灣仔鸚X店睇下，藍頭亞馬遜佢開價6800，佢開9000，請問價錢是否合理，麻煩各位俾下意見

作者: Louis 時間: 2010-7-26 22:00

又$6800, 又$9000, 請問有無打少左字呢?

作者: Keeperloklok 時間: 2010-7-26 22:02

我係新新手，今日去左灣仔鸚X店睇下，藍頭亞馬遜佢開價6800，灰鸚佢開9000，請問價錢是否合理，麻煩各位俾下意見

作者: YEEYEE 時間: 2010-7-26 22:12

灰鸚佢開9000??咁貴......
你可以去雀街10幾兩睇下,佢地$4xxx到啦~~

作者: Louis 時間: 2010-7-26 22:16

有無問折左未呢?
來源地唔同, 菲律賓同南非, 價錢差好遠.
亞種唔同, 價錢又差好遠.
藍頭有分黃翼同普通兩種.
灰鸚有分紅尾, 黑尾兩種.
你依家就甘問, 好難答你個價錢合唔合理.
而且, 你會見到雀仔街有d會更平, 但係要衡量健康狀況及年齡, 年紀越細, 免疫力越弱就越容易病, 就算好平買返黎, 但要使一萬幾千睇醫生就得不嘗失.

慢慢揀, 唔好心急, 爬多d文, 灰鸚同藍頭時時都有得賣.

作者: jackyvanno 時間: 2010-7-26 22:31

我都覺得你可以去雀街睇下

作者: yokojune 時間: 2010-7-27 01:57

其實係咪好難找到成鳥呢？

作者: BABYPAPA 時間: 2010-7-27 02:14

通常都有八折的.灰鸚ハ折都 $7200,貴啦,可能見你新仔一名，我覺得灰鸚 $6000 ,可上手又講野合理些<個人認為>

作者: joejoe 時間: 2010-7-27 10:46

DON'T RUSH TO BUY...

Try to understand their characteristic
Good luck!

作者: sonic 時間: 2010-7-27 11:00

如購買房子一樣，一個決定影響30,50年！

作者: veniaxinfu 時間: 2010-7-27 11:13

其實比折呢樣野都係玩心理, 明碼實價最實際.

作者: sonic 時間: 2010-7-27 11:43

建議推出"9招12式" 增售鸚透明度!

作者: gilgil 時間: 2010-7-27 11:51

講真，本人就係於xx店買過兩隻鸚鵡，一隻養左個幾月突然死亡，我當時咩都唔識，又冇磅，初時都好怪自己唔識養，點知第二隻養左四日，呢隻都已經係佢鋪頭住左兩個月，本以為好安心，點知四日唔食野體重急降我就去大團搵peter醫生，同佢驗血留院都係唔食，仲要white cell好高，懷疑鸚鵡熱要食抗生素，睇左成三千蚊醫生，我最後就比返佢退返隻雀錢。唔換雀喇，因可能其中有雀有問題，一唔食幾日，低抗力差就病發。仲有之前去佢灣仔舖，佢見我鐘意邊隻就會開你天價…隻藍頭黃翼要萬八，（已折）原價二萬一，另雙黃頭要十八萬，普通藍頭要八千八（已折），知我唔會揀灰鸚，但我先生問下佢咩價反而六千零…可能真係隻隻雀智商有別唔同價啦，不過就一定唔會老實價，心中有數喇。仲要士頭婆價唔同阿叔價先討厭。真係鸚鵡海鮮時價！

作者: cccyan0105 時間: 2010-7-27 13:19

我係新新手，今日去左灣仔鸚X店睇下，藍頭亞馬遜佢開價6800，灰鸚佢開9000，請問價錢是否合理，麻煩各位俾下意見
Keeperloklok 發表於 2010-7-26 22:02

你問果隻灰鸚應該係細種黑化BII...................所以貴D

作者: BABYPAPA 時間: 2010-7-27 13:31

本帖最後由 BABYPAPA 於 2010-7-27 13:34 編輯

你問果隻灰鸚應該係細種黑化BII...................所以貴D
cccyan0105 發表於 2010-7-27 13:19

may be a timneh african 提姆那灰鸚

作者: 楚峰 時間: 2010-7-27 13:41

講真，本人就係於xx店買過兩隻鸚鵡，一隻養左個幾月突然死亡，我當時咩都唔識，又冇磅，初時都好怪自己唔識養，點知第二隻養左四日，呢隻都已經係佢鋪頭住左兩個月，本以為好安心，點知四日唔食野體重急降我就去大團 ...
gilgil 發表於 2010-7-27 11:51

事頭婆有價講~可以平d!!

作者: yokojune 時間: 2010-7-27 14:25

6# jackyvanno
為甚麼xx店肯返佢退返隻雀錢?

作者: joejoe 時間: 2010-7-27 14:29

我三年前於xx店買過隻一隻灰鸚鵡，養左五日突然死亡!

........
所以慢慢揀, 唔好心急

作者: yokojune 時間: 2010-7-27 14:45

看來灰鸚鵡，死亡率好高

作者: 1300cc 時間: 2010-7-27 19:19

看來灰鸚鵡，死亡率好高
yokojune 發表於 2010-7-27 14:45

係响鸚x店賣鸚鵡，死亡率好高 ,

作者: Keeperloklok 時間: 2010-7-27 19:48

你問果隻灰鸚應該係細種黑化BII...................所以貴D
cccyan0105 發表於 2010-7-27 13:19

我都留意到有隻黑色尾，不過我諗e d 古怪品種一定好貴下，所以問都冇問。佢話9000個d 灰鸚都係紅尾ge，比較貴係因為係菲律賓繁殖場個喎。

作者: Keeperloklok 時間: 2010-7-27 19:52

通常都有八折的.灰鸚ハ折都 $7200,貴啦,可能見你新仔一名，我覺得灰鸚 $6000 ,可上手又講野合理些
BABYPAPA 發表於 2010-7-27 02:14

其實我都未諗住咁快買，放工行過入去問下。不過得燈同佢講我係新手，睇下佢開個咩價，試探一下佢會「湯」幾多

作者: Mr_fran 時間: 2010-7-27 22:10

雀街盧X記D三個月灰鸚BB都開我$6000,不過跟住好friend 話比過九節我啦!
真的馮人..........

作者: gilgil 時間: 2010-7-27 22:56

17# yokojune
呢層可能佢一早知隻雀有問題瓜？我真係唔知。不過我就自費同佢驗齊血，有齊報告可能係咁啦！起初都唔肯，話就算係都退返一半，後尾搵大老世理論，死完一隻又一隻，佢咪肯退。因鸚鵡熱有潛伏期，如果抵抗力弱就好大機會加快病發，所以換左又有事點算，我堅持退錢，佢唔肯退我最多當跌左，不過有證據懷疑其他都有感染，一定call漁戶署驗雀。佢就即退。唔知有冇可能佢地近排死雀多左又或者佢地明知架？點都好，原本一心一意醫好都會自己care，但手尾可能好長，加上留院後病情有壞無好，個醫生又……所以最後決定退！
最好笑係事頭婆話佢果度隻隻都有鸚鵡熱架啦，有咩問題先…我即刻答佢，你知唔知你講緊咩呀？佢都唔知識唔識？所以信心指數…負一百！
仲有我第一隻係無啦啦朝早仲識叫同上手，但三個鐘後就突然跌落籠底死左，我好傷心咁拿去店問點解、咩原因同要點處理，事頭婆話突發性心臟病，無法啦我又冇嚇佢又冇惡佢，可能真係自己唔識養唔會日日同佢磅同佢地死撐呢種特性，錢都係其次，見佢張相我足足喊到今時今日。
最離譜係問佢點處理屍體，我當時有盒放住同有花同糧食放埋一齊，佢竟然話同我入袋掉去垃圾筒得啦！我而家知道要先灑消毒粉再包起同label已處理。你話如果唔係心臟病死，d virus四處擴散，對邊個都唔好啦！唔變種就奇羅。好心呢d牲口就管理得好d啦，仲要呢d係珍貴動物，無論商人同政府都唔好草草了事，亂咁處理，呢d態度真係好唔岩，到真係出事先黎問責，有咩用呢？
無良商人，懶爆管理，唸起就怒！

作者: yokojune 時間: 2010-7-27 23:05

24# gilgil
無法，商人就必定這樣，但是事頭婆話佢果度隻隻都有鸚鵡熱，就真係傻先會甘講，你係咪雀街果間？另外你有無看你另一個post，我看過燒賣呀~

作者: Cozzy 時間: 2010-7-27 23:12

17# yokojune
呢層可能佢一早知隻雀有問題瓜？我真係唔知。不過我就自費同佢驗齊血，有齊報告可能係咁啦！起初都唔肯，話就算係都退返一半，後尾搵大老世理論，死完一隻又一隻，佢咪肯退。因鸚鵡熱有潛伏期，如果 ...
gilgil 發表於 2010-7-27 22:56

香港的鳥店就係gum,唔係好pro....
好多野都係老吹.....
信唔過...
做主人的真係要學多d

作者: BABYPAPA 時間: 2010-7-27 23:14

19# yokojune

HELLO YOKOJUNE ..I RECEIVED YOUR PM..YES ..YOUR TELE.NUMBER LA..MY COMPUTER VERY SLOWLY..SO PM ME LA..YOUR TEL.NUMBER..

作者: Louis 時間: 2010-7-27 23:55

香港的鳥店就係gum,唔係好pro....
好多野都係老吹.....
信唔過...
做主人的真係要學多d
Cozzy 發表於 2010-7-27 23:12

做得 Pro, 又人道, 自然要增加成本, 到時要賣 $1000 隻普通彩鳳先可以做到收支平衡, 可能一個月後就關門大吉.
你知唔知好多年前太平道寵物城都賣過鸚鵡? 最平一隻特別色LB都要二千幾蚊? 而同一種色, 鸚鵡店賣五百幾, 當年寵物城既雀鳥部就好似外國鳥店既陳設.

作者: Cozzy 時間: 2010-7-27 23:56

做得 Pro, 又人道, 自然要增加成本, 到時要賣 $1000 隻普通彩鳳先可以做到收支平衡, 可能一個月後就關門大吉.
你知唔知好多年前太平道寵物城都賣過鸚鵡? 最平一隻特別色LB都要二千幾蚊? 而同一種色, 鸚鵡店賣五百 ...
Louis 發表於 2010-7-27 23:55

我唔要求佢地pro....
我只求自己多學......
跟你學多d野先得

作者: leoyys 時間: 2010-7-28 00:01

提示: 作者被禁止或刪除內容自動屏蔽

作者: Louis 時間: 2010-7-28 00:04

我唔要求佢地pro....
我只求自己多學......
跟你學多d野先得
Cozzy 發表於 2010-7-27 23:56

好多時齋睇書係唔夠, 要親自養過去實證書本上既知識.

作者: Cozzy 時間: 2010-7-28 00:13

好多時齋睇書係唔夠, 要親自養過去實證書本上既知識.
Louis 發表於 2010-7-28 00:04

我已經用我最大的努力去養.....
可惜能力有限...
唔可以養太多...
因為知識不知我都下不定決心買雀

作者: aegean 時間: 2010-7-28 00:16

事頭婆唔係坐緊監?

作者: 1300cc 時間: 2010-7-28 00:34

雀街盧X記D三個月灰鸚BB都開我$6000,不過跟住好friend 話比過九節我啦!
真的馮人..........
Mr_fran 發表於 2010-7-27 22:10

鸚X店 , 盧X記都係""表表者"""

作者: gilgil 時間: 2010-7-28 01:19

我知道燒賣既消息啦！多謝！
其實唔係話要好pro，陳設好靚，起碼有良心，有唔妥就唔好賣
仲有要好好處理d雀，講真比得起咁既價錢買雀，隻雀又咁難得咁多心機培育出黎，都唔爭在做好d企理d管好d，老實d啦！我情願保證隻雀健康，比多一兩千好過醫佢喇！不過可能唸就易做就難啦！

作者: Cozzy 時間: 2010-7-28 01:29

我知道燒賣既消息啦！多謝！
其實唔係話要好pro，陳設好靚，起碼有良心，有唔妥就唔好賣
仲有要好好處理d雀，講真比得起咁既價錢買雀，隻雀又咁難得咁多心機培育出黎，都唔爭在做好d企理d管好d，老實d啦！我情願保 ...
gilgil 發表於 2010-7-28 01:19

如果唔係有樹樹...真係會小好多情報架

作者: john 時間: 2010-7-28 02:02

我好認同gilgil :寫信心指數…負一百！
我之前都係灣仔XX店買過雀...跟住一個星期都無就爛咀出針毛...然後揾大夫...大夫話先驗血後比大寶丸頂住先...等大報告...經過唔知幾個星期後...聽報告...大夫話係愛滋病...後他身邊嘅(劉囉)話咩你唔知咩過度成日都出是...重叫我比D心機去定時定後番來買大寶丸...我用咗...已收藏屋內好耐的良心&大寶丸去關照牠...最後...地下急CALL...!所以買雀前真係要停一停,想一想...去D有信譽嘅鋪頭...&千其唔好心急...多口講句愛滋病係全播力強一全十,十全百&用普通消毒藥水如滴X,藍X寶,強水等等都唔得或者找第二間新屋可能會得!....小第就此路過...

作者: Keeperloklok 時間: 2010-7-28 13:23

我好認同gilgil :寫信心指數…負一百！
我之前都係灣仔XX店買過雀...跟住一個星期都無就爛咀出針毛...然後揾大夫...大夫話先驗血後比大寶丸頂住先...等大報告...經過唔知幾個星期後...聽報告...大夫話係愛滋病 ...
john 發表於 2010-7-28 02:02

愛滋都有!!!!???

作者: yokojune 時間: 2010-7-28 13:25

37# john
一驗到，甘就真係唔知停幾耐先可以買雀

作者: BoBoBoBo 時間: 2010-7-28 14:03

本帖最後由 BoBoBoBo 於 2010-7-28 14:04 編輯

我都留意到有隻黑色尾，不過我諗e d 古怪品種一定好貴下，所以問都冇問。佢話9000個d 灰鸚都係紅尾ge，比較貴係因為係菲律賓繁殖場個喎。
Keeperloklok 發表於 2010-7-27 19:48

你講我呀? 我確實幾古怪ga!

作者: gilgil 時間: 2010-7-28 14:44

38# Keeperloklok
鸚鵡愛滋係咪即鸚鵡熱，會免疫力越來越降低，白血球高，最後都係死。所以我覺得起碼要定期驗雀，唔係淨係驗屎，仲有死雀要匯報，同埋唔應該比到
麻雀白鴿自出自入同賣既鸚鵡接觸。竟然話人既手污濁，野雀咪仲污？大隻既成鳥就話抵抗力好，bb點攪呀！最後就係個來源問題，口講南非，非律賓返，點解張證書又唔寫明先，有入口紙鳥有腳環又唔駛mark number，呢d咩監管呀？講真幾千幾萬可能鐘意雀既未必計較，但感情係無價架，仲有雖然唔係叫好多錢，但幾蚊既食物幾百幾千既電器都要幾重測試，點解咁貴既絕種動物就冇好的銷售商呢，我唔知其他人認唔認同我講法，但最終受害都係自己同隻雀。我情願比多一千幾百買隻品質同質量都清楚健康既好過咁多手尾跟。仲有話哂呢d仲要一傳十、十傳百…我比返感染既佢佢就放返入籠，仲要又嘔又噴，最衰就係仲要死撐反初同嘔係問佢羅野食喎…真係我錄底佢講既野，播出黎，愛雀既人都想x佢。

作者: john 時間: 2010-7-28 14:52

唔好....意思大夫話的愛滋病=PBFD

作者: gilgil 時間: 2010-7-28 15:12

哦…咁呢樣好似係先天既，雀鋪係咪要負責呢？

作者: Louis 時間: 2010-7-28 15:40

鸚鵡愛滋係指PBFD, 由鸚鵡環狀病毒感染所致, 此病毒可潛伏3星期至幾年時間, 病發既鸚鵡, 免疫系統及生長角質既細胞受病毒影響, 咀部爪部及羽毛會畸形生長, 軟弱, 容易折斷, 身體缺乏免疫能力, 容易感染其他細菌性及病毒性疾病. 此病毒可依附在羽粉上, 經空氣傳播, 防不勝防, 患者多數係免疫力低既鸚鵡, 如兩三歲以下幼鸚, 老鸚, 及正患慢性疾病既鸚鵡, 此病唔會傳染俾人類, 但可傳染俾鴿類. 暫時此病並無有效疫苗預防, 或藥物可以醫治, 所以俾人叫做鸚鵡愛滋.

鸚鵡熱係由衣原體細菌感染所致, 感染途徑可經由羽粉, 糞便, 及飛沫傳播, 此病同樣可以感染哺乳動物, 包括人類, 病徵似感冒, 可以用抗生素治療, 但如果被忽視, 可感染併發症, 如肺炎, 心肌炎, 腦炎等而致命.

要鳥店定期驗雀可以話作用不大, 要病發先可以確實驗到, 而d病菌病毒又已經存在於環境之中, 可以污染樣本影響結果, 而且雀鳥數目眾多, 會大大增加成本, 從而影響每隻鳥售價, 到時可能一隻普通彩鳳都要賣到幾百蚊, 灰鸚鵡要過萬, 而且依家乜都可以造假, 話唔定到時d化驗報告都係假, 但隻雀既售價已經加左化驗費在內.

每年有數以千隻寵物鳥進口, 技術上無可能每個品種每隻雀都有腳環或晶片號碼, 而且d號碼又有機會重復, 腳環又可以除落, 掉換, 或剪去, 可以話難於監管, 所以唯有靠各鳥店自律, 儘量做好衛生, 鳥籠內外被免過於擠迫, 病鳥要隔離處理, 及提防野鳥進入, 仲要教育下d人, 唔好亂甘摸, 將病菌病毒周圍傳播.

作者: gilgil 時間: 2010-7-28 17:15

讚同！

歡迎光臨 PARROT-TREE (http://forum.parrot-tree.com/)