PARROT-TREE - Powered by Discuz! Board

標題: 唉今日又未夠7點嘈, 終於比人投訴 [打印本頁]

作者: optiett 時間: 2010-7-29 07:57 標題: 唉今日又未夠7點嘈, 終於比人投訴

灰鸚 3個幾月大, 夜晚有圍布訓..初初買返黎餵奶都唔嘈, 漸漸依家先係未夠7點就係到叫, 一餵奶仲無停咁叫, 由開始餵到餵完蓋左布先肯收聲, 再係咁樣, 遲早無得養

其實佢係咪唔飽? 依家基本上我早晚7點餵奶, 下晝食d新鮮水果, 其餘時間擺合成糧...有無其他好方法提供? 夜d先餵等佢朝早唔好嘈? 唔好比佢咁早訓? etc?

作者: BoBoBoBo 時間: 2010-7-29 08:16

本帖最後由 BoBoBoBo 於 2010-7-29 08:17 編輯

食邊個牌子嘅合成糧? 3個幾月大未必有力咬開大粒的合成糧，你有無見佢食? 每天食幾多? 做個記錄。

大粒的合成糧要拓碎到半粒 tic tac 咁細粒比佢食。我隻灰鸚初到家，朝朝要用45-60mins，一粒仔一粒仔餵佢先肯食。一邊餵一邊親子，佢會黐你d ga！

未夠7am起身~正常時間啦。夜晚有無比水同糧? 半夜肚餓會食消夜ga！

比人投訴? 喪叫之時閂窗得嗎?

作者: optiett 時間: 2010-7-29 08:22

本帖最後由 optiett 於 2010-7-29 08:26 編輯

食邊個牌子嘅合成糧?
Roudybush mini size既糧, 都有見佢自己食.

未夠7am起身~正常時間啦。
我想問下有無方法令佢可以遲幾個鐘先起身, 唔洗多, 只係幾個鐘就得.

夜晚有無比水同糧? 半夜肚餓會食消夜ga！
我夜晚有放糧同水的.

比人投訴? 喪叫之時閂窗得嗎?
閂左都係嘈(仲維持成個飲奶時間), 最大問題仲會嘈埋屋企人

如果夜晚遲d餵, 朝早早d餵, 情況其實會唔會好d?

作者: vanessachan 時間: 2010-7-29 08:39

其實E個時間開始叫都正常,我果隻早上6:30前一定叫,晚上我地訓佢先訓,可能我住近山,D野鳥叫佢就叫..仲有我果隻灰鸚都係3個大開始養,但我係餵比佢食ZuPreem e隻糧加新鮮生果比佢食(係獸醫教我),仲好快大添...

作者: optiett 時間: 2010-7-29 08:40

其實E個時間開始叫都正常,我果隻早上6:30前一定叫,晚上我地訓佢先訓,可能我住近山,D野鳥叫佢就叫..仲有我果隻灰鸚都係3個大開始養,但我係餵比佢食ZuPreem e隻糧加新鮮生果比佢食(係獸醫教我),仲好快大添...
vanessachan 發表於 2010-7-29 08:39

師兄你隻灰鸚會唔會一路餵奶一路狂叫?唔怕嘈到其他人?

作者: BoBoBoBo 時間: 2010-7-29 08:54

本帖最後由 BoBoBoBo 於 2010-7-29 08:56 編輯

只係比屋企人投訴? 唔係鄰居? 咁就易搞得多！隻灰鸚幾時買ga? 佢未熟習環境，大家都要時間了解對方習性。

隻隻灰鸚bb都會一路餵奶一路狂叫

要忍耐！養灰鸚頭一年可提升EQ。
灰鸚已經係好靜的品種，等佢大d 住耐 d 就唔嘈。

作者: optiett 時間: 2010-7-29 09:03

本帖最後由 optiett 於 2010-7-29 09:06 編輯

只係比屋企人投訴? 唔係鄰居? 咁就易搞得多！隻灰鸚幾時買ga? 佢未熟習環境，大家都要時間了解對方習性。

隻隻灰鸚bb都會一路餵奶一路狂叫要忍耐！養灰鸚頭一年可提升EQ。
灰鸚已經係好靜的品種，等 ...
BoBoBoBo 發表於 2010-7-29 08:54

買左一個禮拜到. 自從今朝餵完之後到依家9點佢都好靜, 見到人都唔叫. 我依家懷疑佢尋晚一係太早食(19:00), 一係食得太少. so我今朝餵多左佢食完好似靜左. bb呀你乖d啦

作者: mmchu 時間: 2010-7-29 09:26

我個隻都係幾個月大開始養，
岩岩返屋企個時都要餵奶，
但係兩年多來都未試過響屋企大叫，
甚至出街都唔會大叫…

我個隻平時九點零十點鐘就要嬲布瞓覺，
朝早天光就開始細細聲講野，
好似講下早晨，hello咁，
直到我老竇起身拎佢出廳，
等佢all左篤早屎就開始bilibala咁講野…

點解你個隻會大叫？
你要研究下先得，
大叫係因為已經天光？
因為太肚餓要食野？
因為太悶要搵人陪玩？
因為見唔到主人？

而家係屋企人投訴你，
如果遲下係隔離屋投訴你，點算好？

作者: optiett 時間: 2010-7-29 09:31

唉, 我都怕比鄰居投訴, 因為真係好大聲下, 仲要維持3-4個字.

我都研究緊點解佢會大叫, 基本上我放左佢係廳, 無時無刻都見到人, 夜晚又有固定時間同佢玩, 又有圍布訓, 但有時連夜晚餵完放埋出黎玩完都叫, 食到中段仲越黎越惡, 可能真係肚餓

作者: mmchu 時間: 2010-7-29 09:46

如果佢太肚餓，
可能佢真係晏晝食唔到幾多合成糧，
有時食一粒，玩一粒，跌三粒，
所以你以為佢食飽，
其實佢仲未夠…
你可以試下手餵合成糧，
睇下佢究竟一粒可以食到幾多，
又或者可以試下加埋生果糧兩溝…

朝早七點鐘餵一餐，
晏晝有無可能多餵一餐呢？
晚上可以的話唔好太早餵，
你咁早食飯第二朝你都一早肚餓啦…

平時食奶大叫，咁佢其實肯唔肯食？
食得快嗎？有搶住要食嗎？

作者: optiett 時間: 2010-7-29 09:48

平時食奶大叫，咁佢其實肯唔肯食？
食得快嗎？有搶住要食嗎？

肯食直頭衝去我到

作者: carolee 時間: 2010-7-29 09:59

會唔會因為唔夠飽?

會唔會係早上肚餓? 我家吉吉初回家時早上6時多也會叫, 跟住喂飽奶就唔再嘈; 於是我臨瞓(大概12點)再喂佢食嘢, 朝早唔餓就冇再叫, 另外除咗harrizons, 我一日仲會比一匙 XtraVital作零食, 見佢朝早大家未起身佢會食埋昨日剩下佢冇咁鍾意食嘅, 食完會又瞓過

http://www.24parrot.com/XtraVital-Parrot--2-sizes-P5486a/

作者: mmchu 時間: 2010-7-29 10:05

咁就假設佢因為肚餓，所以會大叫…

由今晚開始，認真咁將佢食奶時間延後個零兩個鐘，
平時七點食夜奶就手餵合成糧兼同佢玩，
到佢瞓之前先餵奶，
睇下第二朝情況有無改善丫…

作者: optiett 時間: 2010-7-29 10:06

好啊, 先謝謝咁多位師兄師姐既tips, 我今晚試玩聽日再同大家share, THX

作者: Louis 時間: 2010-7-29 10:41

請問每餐餵幾多奶? 係餵到飽唔食, 定係你有限制食量?

至於夜晚餵奶時間, 可以餵遲d都唔緊要, 只要隻雀未訓而又肯食就得.

作者: Mr_fran 時間: 2010-7-29 10:53

灰鸚 3個幾月大, 夜晚有圍布訓..初初買返黎餵奶都唔嘈, 漸漸依家先係未夠7點就係到叫, 一餵奶仲無停咁叫, 由開始餵到餵完蓋左布先肯收聲, 再係咁樣, 遲早無得養其實佢係咪唔飽? 依家 ...
optiett 發表於 2010-7-29 07:57

Ching 你的灰鸚BB,是否從雀街十XX 來,可否告知大約價錢呢?

作者: optiett 時間: 2010-7-29 11:39

請問每餐餵幾多奶? 係餵到飽唔食, 定係你有限制食量?

至於夜晚餵奶時間, 可以餵遲d都唔緊要, 只要隻雀未訓而又肯食就得.
Louis 發表於 2010-7-29 10:41

買返黎頭幾日都有跟刻度餵, 依家餵到飽先停

作者: optiett 時間: 2010-7-29 11:40

Ching 你的灰鸚BB,是否從雀街十XX 來,可否告知大約價錢呢?
Mr_fran 發表於 2010-7-29 10:53

老闆肯$4XXX

作者: yokojune 時間: 2010-7-29 12:11

bb grey佢開我$4800

作者: 風中飛鸚 時間: 2010-7-29 12:44

我隔離屋主是基督徒買給耳聾的媽媽養老~每日只得老婆婆及工人住~我曾經問過老婆婆:我的鸚鵡嘈嗎?老婆婆冇法聽到我講乜~

自小開始飼養鸚鵡~一開始大叫就要嚴厲叫停~久而久之只要手號一出~立即停止~

作者: vanessachan 時間: 2010-7-29 13:03

我果隻買返黎3個月左右,但我未餵過佢食奶,只係新鮮生果+ZePreem糧,個獸醫話我地唔識餵好易整親佢喎.d生果有水份(果汁)整到d糧可能"林林地",佢咬咬下都食到.但要留意份量,因為太多食唔晒,會變壞(因為夏天).我一直都係咁餵佢,唔知係唔係e個原因還是佢個品種問題,佢個身型係比雀街(星期6,日d人帶出黎果d)的灰鸚大.

作者: cccyan0105 時間: 2010-7-29 13:15

我覺得係自然反應, 佢狂叫唔停就好似同媽媽講: 喂我先,喂我先,得未呀,得未呀............................

作者: leoyys 時間: 2010-7-29 13:51

提示: 作者被禁止或刪除內容自動屏蔽

作者: tsw 時間: 2010-7-29 19:34

新地方未習慣

遲D會好!

作者: BoBoBoBo 時間: 2010-7-29 21:03

本帖最後由 BoBoBoBo 於 2010-7-29 21:14 編輯

我隻灰鸚女初來時不肯吃合成糧，只比好多生果佢食，兩曰後臨睡前不停喪叫，原來佢好肚餓。
之後幾天開始慢慢餵她吃碎粒合成糧，見過佢半夜都肚餓起來吃糧飲水，幾個月大BB好大食ga!

作者: Louis 時間: 2010-7-29 23:33

係好好大食, 我試過湊隻大食灰鸚b, 一餐可以食 90ml 奶, 唔夠飽會"chok"其他bb嗉囊d奶出黎食, 即係打劫人地d奶.

作者: optiett 時間: 2010-7-29 23:41

本帖最後由 optiett 於 2010-7-29 23:42 編輯

我今晚11點到又餵左次奶, 仍然一路食一路叫, 最令我費解係食到咁上下係完全失控喪叫, 唔知咩事, 已經唔係第一次, 每次食到咁上下就發癲, 搞到我要搵黑布蓋住, 叫多幾分鐘先肯停

作者: Louis 時間: 2010-7-29 23:44

開心大叫好正常...

作者: Mitchell 時間: 2010-7-30 00:23

唔好咁對佢la>..<
佢仲咁細, 好似d bb喊咁, 可能真係佢開心呢....

希望你好好珍惜

作者: shairley 時間: 2010-7-30 00:34

我今晚11點到又餵左次奶, 仍然一路食一路叫, 最令我費解係食到咁上下係完全失控喪叫, 唔知咩事, 已經唔係第一次, 每次食到咁上下就發癲, 搞到我要搵黑布蓋住, 叫多幾分鐘先肯停
optiett 發表於 2010-7-29 23:41

或者試下抱下摸下頭仔,安撫它的興奮心情

作者: carolee 時間: 2010-7-30 00:43

其實問題係你直情唔想佢叫? 定係唔想佢早上太早叫?

叫幾分鍾係好平常嘅事, 你又未瞓, 晚上比佢叫一陣都唔緊要啦!

作者: miumiu 時間: 2010-7-30 09:14

Parrot nature instinct, If I not mistaken screaming could be very happy too

作者: madcat 時間: 2010-7-30 09:56

係米你餵唔飽佢,鸚鵡BB基本一食飽就唔叫,你講下你餵食方法同分量出來睇下...

雀鳥係跟大自然生活,佢地日出同日落時都會叫...所以點解我地要蓋黑布,就係想俾假像佢地覺天黑,唔好叫啦...

灰鸚已經係"靜"的一個品種,你要同家人溝通下,講解下...唔係佢大D唔叫不停講野你都話佢嘈就慘...

睇多D資料了解佢地叫原因,動物有佢地表達形式,唔好only覺係動物問題,好多時係主人出錯做成問題...

請珍惜和動物一齊關係,佢只有你一個朋友同親人乍...

作者: pigpig 時間: 2010-7-30 10:35

7點嘈未好囉~我個囡 6 點就叫起身要食早餐啦!

作者: GumGum 時間: 2010-7-30 10:50

買左一個禮拜到. 自從今朝餵完之後到依家9點佢都好靜, 見到人都唔叫. 我依家懷疑佢尋晚一係太早食(19:00), 一係食得太少. so我今朝餵多左佢食完好似靜左. bb呀你乖d啦
optiett 發表於 2010-7-29 09:03

夷!同我果隻差唔多大，我又係買左1個星期倒。
我果隻就ok乖喎，係幫旁晚會叫，叫到我反home餵完奶奶先肯停。
下午完全乖，會訓晏覺，食生果糧(唔like合成糧)。
早上就唔會叫，除非肚仔餓就叫食奶奶。

歡迎光臨 PARROT-TREE (http://forum.parrot-tree.com/)