PARROT-TREE - Powered by Discuz! Board

標題: 小心此人 [打印本頁]

作者: chuiyee0307 時間: 2010-8-18 13:51 標題: 小心此人

請大家小心網名為SUPER4MIC的人仕, 當我想要幫女女搵老公時開左個''如何同鸚鵡相親''的主題(係hkipa開的), 之後佢PM我, 詰佢自己仲有一隻有雞尾男, 有冇興趣, 比我養, OKAY沒有問題!
交換電話後約左星期日在葵芳MTR交收, 約早上11點, 來電說遲起身, OKAY我等~等左差唔多3個鐘, 電話又冇人聽, 冇尾飛陀咁。其間我不斷發短信比佢,但冇回覆。
晚上11點幾先打黎話唔記得帶電話, 仲搞到我以為有麥意外發生(因為佢話會開車的)。
好喇,約多一次, 今日下午6:30雀仔街, 5點半話去大圍做D野, 電聯, 點知, 電話又唔開,短信又唔覆又冇冇尾飛陀!!!
我在此發表此篇言論不是想中傷人, 只是想跟大家分享此不開心的事。本人真係再受唔到第3次的打擊, 比個希望, 又要我失望, 請大家小心小心!!!
此人的MSN是hello_chun作開端的, 這人說由於佢家里買了灰鸚, 雞尾之前養左4隻, 但有3隻送左比人, 宜家餘下一隻雞尾男, 有興趣的話比我養。
還說佢家有亞歷山大, 太陽, msn仲比相我睇tim~點知.....唉....

作者: Louis 時間: 2010-8-18 14:45

Super4mic 此人都有在鸚鵡樹發言, 如不欲被他人誤會, 請儘快自行解釋及處理事件.

作者: 楚峰 時間: 2010-8-18 18:12

佢呢隻係珍達...

作者: ching924 時間: 2010-8-18 18:36

同人交收好多時都要預左比人放飛機

作者: super4mic 時間: 2010-8-18 18:39

翠怡小姐你要周圍唱我我都無辦法.我只係一個鐘意鸚鵡既人,我唔會同你嘈亦都唔會解釋咁多.首先我失約我係唔岩我同你講句對唔住.但同時希望你能夠尊重下人, 我公司有事要我去沙田個邊做野,我有比SMS你 "我話我做完野打返比你先車比你".但我工作其間你三番四次打黎同SMS夾攻,我跟本唔方便聽電話只有關機.你話我唔付責任又好避你都好.我都要保住我既飯碗.我欠人野都未試過比人吹到咁.無錯係HKIPA係我PM你.因為我見到你話想幫你的雞尾找個伴侶.我得返一隻係度見自己個隻日日都好似好悶咁難得有個有心人想要.我當然搵你.同時間,我失約之後.我朝朝早接到無來電既電話打黎收線.我除左關手提仲可以點?8月18日早上有個自稱你家姐的人打黎留言,話我整到你唔開心.話如果你有咩事.佢會搵我出黎..我唔明咩意思囉句野..係咪叫恐嚇?你要唔要聽返段留言?你周圍唱我有咩意思姐?我都係上黎睇下關於鸚鵡既資訊,我又唔多留言出聲既.當我想搵你約你既時侯.開HKIPA睇就見到個同呢個一樣既POST 我己經唔出聲回你.你仲想我點約你.再加埋你家姐既留言..我只係一個普通市民.我唔敢出黎見你了..我真係無諗過一隻雞尾可以攪到咁,呢三日發生既事我只能講句對唔住,打擾哂!SOR

作者: 昇昇仔 時間: 2010-8-18 19:25

無言......

作者: BABYPAPA 時間: 2010-8-18 20:30

翠怡小姐你要周圍唱我我都無辦法.我只係一個鐘意鸚鵡既人,我唔會同你嘈亦都唔會解釋咁多.首先我失約我係唔岩我同你講句對唔住.但同時希望你能夠尊重下人, 我公司有事要我去沙田個邊做野,我有比SMS你 "我話我做完野 ...
super4mic 發表於 2010-8-18 18:39

四周出 post 去吹人是很敗德的行為，又不是有金錢上的交易，女仔人家為了一隻雞尾就出去見陌生人，容乜易先 x 後 x 呢！送出的男生也在這裡說出因由....這

作者: cccyan0105 時間: 2010-8-18 20:37

就本人黎講,比我係chuiyee都會好嬲,雖然係無錢銀瓜葛,但係不斷比人放飛機,真係好激氣(因為我好憎唔守時),情願你冇應成過話要比我好過.

作者: ParrotTreeAdmin 時間: 2010-8-18 21:00

雙方已表立場, 此post無再討論之必要.

歡迎光臨 PARROT-TREE (http://forum.parrot-tree.com/)