PARROT-TREE - Powered by Discuz! Board

標題: 每日求救電話 [打印本頁]

作者: 風中飛鸚 時間: 2010-9-13 11:08 標題: 每日求救電話

每日或每晚都會收到求救電話~試過到深入四時~
我唔介意幫忙解決問題~本人覺得香港非常需要有些飼養鸚鵡/營養/健康的講坐~
最好是註冊獸醫講解~向政府申請場地,例如社區會堂/大會堂之類~
攪一次大型宣傳活動~提高新人舊人對鸚鵡/飼養/營養/日常護理智識~

以下我誇張修改一些求助電話~

求救人a:主席求命~我上星期日買隻雞尾~現在呵水中~點算?
苦命人:有冇同佢沖涼呀?
求救人a:有丫~星期一沖過~

求救人b:主席求命~我上星期日買隻愛情鳥~現在眼仔合下合下~點算~?
苦命人:是常見的眼疾~要用眼藥水呀~
求救人b:眼睛反而小事~我見佢眼流眼水~同佢沖個涼~現在冇乜精神果下死~

求救人c:求命丫~剛剛買了一隻鸚鵡bb~未出毛~回家立即沖個涼~現在好似唔多郁~
苦命人:為什麼要沖涼?
求救人c:我每晚都沖涼~

求救人d:我爬晒文~睇晒你d分享~買隻鸚鵡bb唔同佢沖涼~現在呵水又打乞嚏~點算丫?
苦命人:沒有其他做過嗎?鸚鵡身上有屎嗎?
求救人d:身上有屎丫~我叫左家人唔好同佢沖涼~不過亞媽每晚會用暖水幫佢沬下先訓~
苦命人:為什麼要沬濕去訓?
求救人d:哦!因為第二朝就容易沖甩d屎丫嗎?

以上雖然是誇張的演繹~但事實也是差不多~好多主人對沖涼都難以忍手~
如果鸚鵡真的極需要沖涼~腳指上就有膜啦~我由每一個求助電話個案中~吸取經驗~
都差不多成為獸醫~(講笑~)

但衷心希望有獸醫能申出援手~提供飼養鸚鵡基本智識給大家~(包括我)

作者: Cozzy 時間: 2010-9-13 12:26

衷心希望有獸醫能申出援手教我訓練佢地飛過火圈~~~

作者: 風中飛鸚 時間: 2010-9-13 15:39

你又錯啦~獸醫係醫雀~唔係訓練雀~
你感冒會唔會叫醫生教你打關斗丫~