PARROT-TREE - Powered by Discuz! Board

標題: 致:[風中飛鸚] [打印本頁]

作者: kim23 時間: 2010-9-25 01:44 標題: 致:[風中飛鸚]

啱啱睇完閣下嘅回覆,有啲嘢想問你.你答嘢我真係唔明,係我蠢所以唔明,定係你同我講笑呢?或者你覺得我係傻仔唔玩好嘥,所以喺度耍我呢?我希望你食飽飯幾唔得閒,或者呢排便秘多喺度等屎疴都好,無論如何都希望你抽時間答我,不過唔急,幾時覺得無聊就幾時答,唔該晒!
另外我真係要講句sorry!我發帖真係唔經大腦,再加上知識水平低,問嘅嘢可能好無謂,或者重覆再問.但係我好似無指定你答我,你都無責任一定要答我,估唔到仲答得好詳細,不過下次真係唔好,你有更加有意義嘅事做,唔好浪費時間喺啲無謂人到,我驚折福.最重要1點,你如果覺得我發嘅帖有問題,你就删除佢,通知我1聲,我一定會改會好好反省,就好似今次咁,我唔會再亂發帖.Bye!

作者: 風中飛鸚 時間: 2010-9-25 10:46

1令你誤會~先說聲SORRY~我們是養鸚鵡一群~不是政黨~所以都以輕鬆心情去面對~

2我正因為見你的POST無急切性~所以先可以咁放心回答~
舉個例~你希望醫生叫你戒口好丫~定係醫生叫你隨便食~不用戒口~食得幾多得幾多~盡量享受下人生~有乜未做好快D做~(只是講笑舉例)
當有朝一日~你的POST我非常認真緊張回答~就唔係好事啦~所以放鬆D~要記得唔係痴線唔做到鸚鵡樹主席~好快俾人激走~

3另外本人因為工作關係~所以一分鐘打超過百字~以至只能聽到鍵盤上的風聲~肉眼根本睇唔到隻手打落鍵盤~所以大家覺得我好無聊打咁字~其實我只用左幾秒~

4每日都會有不同的人重複發問同一樣問題~我也曾經問過你同樣問題~

5大家有冇發覺我經常回答都以1,,2,3,4,5,一條條去答~因為仇家多~會將我的字抽頭抽尾去搬事非~
所以我分段去答~令文字不能接上上一段而做成另一個意思~

6最令人失望~是我由出生到現在~未曾正常過~你也不要花時間去研究我~我在青山醫院已經做左好多年研究工作~(俾人研究)

作者: ching924 時間: 2010-9-25 14:57

6最令人失望~是我由出生到現在~未曾正常過~你也不要花時間去研究我~我在青山醫院已經做左好多年研究工作~(俾人研究)
風中飛鸚發表於 25-9-2010 10:46 AM

主席你份工都好特別

作者: tsw 時間: 2010-9-25 15:26

[我在青山醫院已經做左好多年研究工作~(俾人研究)]點養鸚鵡咁叻,仲加上有咁多仇家

作者: 風中飛鸚 時間: 2010-9-25 15:45

1以前鸚鵡樹各委員~見到此post會內心笑出黎~
原來真係要交俾一個痴線先管理到~老寊講~有些微自尊心都做唔到e個位丫~

2在討論區要吃得開~條件先要面皮夠厚~本人面皮正在比美地球表面地殼~

3恨我入骨仇家雖然多~但支持者更多~所以我會堅持~

4養鸚鵡係消閒作樂好方法~唔洗太緊張~

作者: sodagreensimon 時間: 2010-9-25 22:57

主席呢個人, 幾十歲腦囟都仲未生埋, 識佢既人就俾佢笑死, 唔識佢既人就俾佢激死~~

放鬆D喇香港人~~~

作者: William 時間: 2010-9-26 01:45

風中飛鸚 is a nice person but I have never meet him! I called him a few times for help & advise! he is a very helpful & friendly man! I think we need that kind of person to share experience in this forum!

作者: 迪迪仔 時間: 2010-9-26 07:26

主席呢個人, 幾十歲腦囟都仲未生埋, 識佢既人就俾佢笑死, 唔識佢既人就俾佢激死~~

放鬆D喇香港人~~~
sodagreensimon 發表於 2010-9-25 22:57

好同意.... 多謝風中飛鸚

唔理. 照打

作者: 真正 時間: 2010-9-26 11:56

或者我爬樹無耐，養鸚鵡無耐，可能無kim23你咁有經驗，又可能有d多事，
但我都想分享下，我都唔識風兄，
老實講，我初初爬樹第一個觀感都覺得風兄言論有少少無聊，仲係度諗做咩有咩既人﹗(風兄，請願諒我~)
但當爬文爬到廿幾版，就會發現風兄有好認真解答既時候，而且解答都好有point~
不過大多數時候都係無厘頭~我都相信風兄無惡意~
kim23你經歷左咁辛苦既過程，大家都好支持你，
我諗風兄都係見到上面已經有人認真答左你，而佢又想你放鬆d0者﹗
希望你會揾到同你投緣既新既小鸚鵡啦﹗﹗﹗

亂up完畢~~

作者: ★B♀B♂★ 時間: 2010-9-26 19:53

鸚鵡樹呢個平台,根本冇分高低.任何人都可以比意見既,只係可能你會覺得做主席要嚴肅d咁姐.都係你未慣呢個攪笑主席姐,好笑既,迷笑下羅,唔好笑既迷熄機睇電視沖涼洗頭打藍球羅,香港有19幾百人養鸚鵡,各有唔同.有2千幾十萬種養法.吸收幾多得到幾多好睇你自己既.反而要注意既係,主人好易患上過度焦慮愛鳥日常生活間歇性腦細胞自然抽搐活性過度幻想咬毛証..係主人自身咬毛証.而家樹樹好多人都有呢種徵狀.大家都著力研究緊有冇疫苗可以防止.暫時只可以用放鬆d黎防禦.另一方面,主席已著力咁攪攪氣氛黎幫各樹友減低患病危機.所以希望你明白.佢之所以係樹樹咁多人撐,係因為佢所做既,唔係為自己,唔係懶有型.佢為樹樹所有雀友所做過既,又何止打幾隻字攪攪笑咁簡單.佢唔單係只會愛鍚自己既鸚鵡.唔發言既唔打緊,去往日尋雀區see..see再講.有時唔係打幾隻字爆下就一定係羸左既,得著幾多睇你自己喇.係為雀雀著想既,多d睇下有關既文字教才,冇人會有必嬴既秘笈既,鸚鵡唔係死物.人既體質都各有唔同啦,係呢度,大家都係半桶水.主人可以做既,係盡量吸收對寵物有益既知識,唔好比意外發生,而唔係因三倆句說話而執著.放輕鬆去同你既愛雀去享受養鸚鵡既樂趣啦

可以幫到你既,樹樹入面既人都樂意為你解答架

作者: kinsun2k 時間: 2010-9-26 20:31

或者我爬樹無耐，養鸚鵡無耐，可能無kim23你咁有經驗，又可能有d多事，
但我都想分享下，我都唔識風兄，
老實講，我初初爬樹第一個觀感都覺得風兄言論有少少無聊，仲係度諗做咩有咩既人﹗(風兄，請願諒我~)
但當爬 ...
真正發表於 2010-9-26 11:56

SUPPORT
唔話得ga啦
試問有邊果可以俾個電話人24小時任打

作者: BoBoBoBo 時間: 2010-9-26 21:22

本帖最後由 BoBoBoBo 於 2010-9-26 21:37 編輯

呢個攪笑嘅主席~係無厘頭始祖周星星嘅fan屎~攪笑得嚟又有料~主席其實好有心~只喺有時無呢認真！
上樹樹~大家開心~有咩唔好擺喺心！擺喺心！

(主席~~我好等錢洗呀!

)

作者: kim23 時間: 2010-9-28 02:11

本來無想過呢件事再講任何嘢,因為只係1件過去咗嘅小事.我又唔係想同佢鬥,亦非同佢有仇,之前發帖只係針對嗰次佢回覆嘅單1件事,而唔係針對佢本人.所以我只係發過1次帖去回應,之後一直到依家我亦隻字不提,由始至終我都無再做過1啲報復性行為(用粗口發帖問侯佢,或者亂發帖去攻擊佢等等,我都無做過.)可想而知我係咪好憎佢,而件事又會唔會令我咁上心?你哋可以話我依家死撐,話我嗰次發帖已經句句有骨,我承認.但係之前我講過針對單1件事,每人各1次,完結.
最後1點,我知好多人支持佢,認為佢一直都係好幽默,肯幫人(我亦無話佢差).認為我唔清楚佢,甚至會覺得我(小氣)我無品.不過我覺得自已無錯,講笑都要分時候,我張帖講過點解要再問LB啲大便問題,係可能同我嗰兩隻LB突然同時死咗有關,咁仲應唔應該講笑呢?講完.

作者: cool 時間: 2010-9-28 03:42

首先我表明不是幫任何人!其實如果這網不是飛鸚做主席本人一定不會做會員..........
原因就是他.........做得主席不是喔飯食,答親問題一定大大力,當菜食...............
其實身為一個寵物的好主人,當寵物有事(不論大小)應盡快看醫生,可能有人會話"下下看醫生好多錢咩!
如果連這開支都無預不如不養好過...................".
上網問人,答到你的高人又有幾個??????????

作者: 風中飛鸚 時間: 2010-9-28 11:00

sorry呀~kim23~請你唔好介意~平衡幾百人的討論區~過往已經好多有識之士~大學教授~特區首長~都冇法長遠做得好~先至迫於無奈搵個痴線出黎做~沖喜下~睇下得唔得咋~
如果太介意唔正經~我有一個好介紹~可以試下加入我舉辦0既"國際保衛釣魚台平反64美國911之回憶過去之莎士比亞與杜比亞分享會"非常正經架~
回答都是以泰文混英文作出既日文板~

好啦~正正經經講一次~真係唔好咁認真對我~之前已經激死好幾位~

作者: sodagreensimon 時間: 2010-9-28 12:41

咁多個post入面，大家都係叫你放鬆d，冇人指責過你，亦冇人話過你d乜，冇人話過你講野句句有骨，冇人話過你冇品，請不要走進自我感覺不佳引發被陷害妄想的迷思當中。
大家既回應，都係想講主席呢個人講野不嬲都百無禁忌，唔分輕重，佢去游渡海泳都可以係咁叫人買定西瓜，如果佢失踪既話就掉個西瓜落海搵佢條C，一個人可以將自己既生死講到咁盡，更何況係你對LB呢件事。係呢件事上你感到冒犯，的確情有可原，而大家都係叫你唔好將佢放上心啫。
講完。

作者: 亞賢 時間: 2010-9-28 13:14

1# kim23
心愛的lb走了對你是一個很大的經歷，你的傷心是可以理解。
至於主席的回覆我本人也＋分受落，原因平日咁辛苦工作，上樹見到飛鸚的回覆輕鬆下、笑下都幾好丫。其實我也只join了幾個月罷了，我覺得呢度舒服。放鬆d你又有新dd要take care，加油吧

作者: 亞賢 時間: 2010-9-28 13:17

咁多個post入面，大家都係叫你放鬆d，冇人指責過你，亦冇人話過你d乜，冇人話過你講野句句有骨，冇人話過你冇品，請不要走進自我感覺不佳引發被陷害妄想的迷思當中。
大家既回應，都係想講主席呢個人講野不嬲都百無 ...
sodagreensimon 發表於 2010-9-28 12:41

300％認同

作者: gameijk 時間: 2010-9-28 15:55

條死肥佬講野,一向都吳分輕重

我本人身染絕症,條死肥佬都成日叫我吳好甘快死,未有錢比帛金、又經常在家母面前話要幫我付靈。
如果生氣於他的廢人廢語,

甘咪好吳得聞

放開D啦,香港人

作者: 小雲 時間: 2010-9-28 17:25

條死肥佬講野,一向都吳分輕重
我本人身染絕症,條死肥佬都成日叫我吳好甘快死,未有錢比帛金、又經常在家母面前話要幫我付靈。
如果生氣於他的廢人廢語,甘咪好吳得聞
放開D啦,香 ...
gameijk 發表於 2010-9-28 15:55

你在講笑嗎?

作者: 啤梨 時間: 2010-9-28 17:55

20# 小雲

他真是有重病 ~

不過佢睇得好開

作者: layer 時間: 2010-9-28 17:56

你在講笑嗎?
小雲發表於 2010-9-28 17:25

gameijk 講得笑既程度, 跟飛鸚不相伯仲~~

作者: 風中飛鸚 時間: 2010-9-28 18:43

1係要死就講唔講都死~係唔死就講唔死~人生苦短~不如開開心心過~

2本人可能年少無知~先會得罪人多~將來長大成人就會好好多~

作者: 小雲 時間: 2010-9-28 19:17

1係要死就講唔講都死~係唔死就講唔死~人生苦短~不如開開心心過~

2本人可能年少無知~先會得罪人多~將來長大成人就會好好多~
風中飛鸚發表於 2010-9-28 18:43

作者: Cozzy 時間: 2010-9-28 20:26

1係要死就講唔講都死~係唔死就講唔死~人生苦短~不如開開心心過~

2本人可能年少無知~先會得罪人多~將來長大成人就會好好多~
風中飛鸚發表於 2010-9-28 18:43

以我睇你都做左起碼14600日人.....我相信係長唔大的......

作者: 風中飛鸚 時間: 2010-9-28 20:55

1460.0日人?

歡迎光臨 PARROT-TREE (http://forum.parrot-tree.com/)