PARROT-TREE - Powered by Discuz! Board

標題: 報到﹐好新手問題多多﹐ [打印本頁]

作者: terboi 時間: 2010-10-2 21:53 標題: 報到﹐好新手問題多多﹐

各位好﹐兩星期前我剛買了一隻灰鸚﹐4個幾月大﹐想問到現在佢都仲要食奶﹐我每日喂兩餐﹐一塊蘋果﹐小小瓜子﹐佢就咩野都唔食﹐平時我比D合成糧同生果糧佢就全部玩晒﹐同喂狗﹐全部唔食﹐瓜了仲要手喂﹐超惡死﹐比慢D都想殺左我﹐隻撐雞鸚惡起上黎會樹起晒D毛同翼﹐跟住狂叫。佢食完奶之後呵D屎係又多水又希﹐但係唔食奶又正常﹐在係甘落去我就有咬毛病。雀雀唔食野時都好好﹐成日要我摸佢﹐唔理佢佢又會飛黎我到﹐請各位幫幫手﹐心急人上。。。。。

作者: cccyan0105 時間: 2010-10-2 23:21

聽起黎好似都幾正常,無咩唔妥,只不過係簡飲擇食同熱情左小小姐,放鬆d啦香港人...................

作者: TABO123456 時間: 2010-10-3 00:42

肯比人模已經係好易湊喇, 比D耐性+心機喇~
加油

作者: 真正 時間: 2010-10-3 00:46

聽起黎好似都幾正常,無咩唔妥,只不過係簡飲擇食同熱情左小小姐,放鬆d啦香港人...................
cccyan0105 發表於 2010-10-2 23:21

對於養開玫瑰葵花既我黎講....
聽落一d都唔正常....
我覺得有少少打冷陣.................
灰鸚...真高難度...

作者: Cozzy 時間: 2010-10-3 02:43

好正常WOW....

作者: BoBoBoBo 時間: 2010-10-3 06:56

本帖最後由 BoBoBoBo 於 2010-10-3 07:01 編輯

歡迎加入灰鸚幫

樹樹有很多雀鳥分享，新手問的，以前d 新手大概都會問過

可以先去"搜索"標題一處找舊post "生、病、死、灰鸚、灰、鸚鵡、走、走雀、救命、求救、咬毛、醫、食、毒、糧、玩具、便便、屎...." 會有好大得益!

作者: OnOn 時間: 2010-10-3 08:42

食奶 -
佢願意食, 食到一歲過後都得.  4個幾月大係仲要食奶, 因為要確保佢有足夠食物落肚.  除咗食奶, 仲要食綠色蔬菜及生果 (如西蘭花、菜心、芥蘭, 木瓜、哈蜜瓜、南瓜、士多啤梨等). 食完奶之後呵D屎係會多少少水, 但不應太希.

D合成糧同生果糧佢就全部玩晒 -
正常. 4個幾月係學習階段. 見意不要放太多, 而放糧時間要在兩餐中間後段時間, 避免浪費太多.  餵蔬菜及生果時間亦相同.  試想想, 一個小朋友食飽後, 你再比個漢堡飽佢, 佢係唔會食.

瓜子仲要手喂﹐超惡死﹐比慢D都想殺左我 -
正常.  因為係佢地最鍾意食物.  不見意平日餵葵花瓜子, 葵花瓜子= 人類小朋友的糖果及炸薯條.
一般作獎勵用途.  佢惡, 你更加唔可以比佢. 見意可改用新鲜水果等.

成日要我摸佢﹐唔理佢佢又會飛黎我到 -
一句講晒........... 家教.
養鸚鵡就如養小朋友............要教.
摸唔摸佢, 同唔同佢玩, 幾時玩, 係你決定, 唔係佢.
佢乖時先比少少佢鍾意的食物(如:葵花瓜子)佢食.

最後一句..............養鸚鵡,尤其係灰鸚. 絕不能痴身, 除非你確保日後生活模式不變.  否則, 有咬毛病就不只是你了.

作者: terboi 時間: 2010-10-3 08:50

多謝各位教路﹐我都睇左好多舊post 嫁喇﹐但係都比佢玩殘。。。
我隻雀雀好似D80後甘憤世﹐成日罵我﹐好鬼撐雞﹐又似D富3伐﹐間野黎食不單只﹐仲要浪費﹐唔食仲要玩晒佢﹐又有公主病﹐一唔見我就發顛﹐佢好痴身﹐實在太難教﹐我覺得好似生左個小朋友甘呀﹐我仲要對住佢幾十年嫁﹐我最驚寵壞佢就慘啦﹐各位有咩好橋呢。。。點樣介奶好呢﹐我以經唔比瓜了佢食﹐同佢介左鋪引﹐佢可以硬頸到除左奶同蘋果就咩都唔食﹐比小D佢就食小D﹐係唔係要再強硬D呢﹐

作者: terboi 時間: 2010-10-3 08:55

多謝ONON﹐同各位﹐我應該知我點做嫁喇

作者: Cozzy 時間: 2010-10-3 13:20

多謝各位教路﹐我都睇左好多舊post 嫁喇﹐但係都比佢玩殘。。。
我隻雀雀好似D80後甘憤世﹐成日罵我﹐好鬼撐雞﹐又似D富3伐﹐間野黎食不單只﹐仲要浪費﹐唔食仲要玩晒佢﹐又有公主病﹐一唔見我就發顛﹐佢好痴身﹐實 ...
terboi 發表於 2010-10-3 08:50

養鸚鵡,尤其係灰鸚. 絕不能痴身.....好認同.....生活就係有改變,唔好比佢地有習慣係好重要.....

作者: terboi 時間: 2010-10-3 13:43

我會強硬D對佢嫁喇COZZY

作者: layer 時間: 2010-10-3 15:12

教灰鸚,
唔可以寵壞佢, 唔係之後會得吋進呎
亦唔可以俾佢太多固定習慣

作者: terboi 時間: 2010-10-3 15:45

教灰鸚,
唔可以寵壞佢, 唔係之後會得吋進呎
亦唔可以俾佢太多固定習慣
layer 發表於 2010-10-3 15:12

我已經感受到喇

作者: miumiu 時間: 2010-10-4 09:13

Anyway keep on going, your action must let the parrot know it, your are the head of the leader.

作者: 風中飛鸚 時間: 2010-10-4 11:52

每一段時間~都會有新人開始養鸚鵡~遇到的問題大同小異~
俾到我最大啟發~

新雀回家~環境轉變~會有一個危險期~只要小心渡過~好快人雀都會適應對方~

作者: kittychu 時間: 2010-10-4 13:05

加油

作者: terboi 時間: 2010-10-4 16:42

多謝各位‘’十卜‘’ 呀我隻雀雀睇黎就好適應﹐不過我要學下點教佢﹐因為佢實在好似細路仔甘﹐好痴身﹐一星期未到就上手﹐唔理佢仲會飛埋黎上身﹐好彩﹐佢仲明NONO同打打﹐不唔使2分中又黎過慘過教仔﹐好彩佢從來唔會勁亂呀﹐伊個係佢個優點

作者: Cozzy 時間: 2010-10-4 16:46