PARROT-TREE - Powered by Discuz! Board

標題: 未買鸚鵡需知~買左就更要留意~ [打印本頁]

作者: 風中飛鸚 時間: 2010-10-18 12:50 標題: 未買鸚鵡需知~買左就更要留意~

由於近日比較多求救電話~所以想開一個post~大家一齊提供意見~令新人在購買之前或初養之時~
都有個地方俾佢地了解更多~

由於一百個人養雀有一百個方法~所以大家不防提出意見討論~令初養主人有多個選擇~

大家未必係專家~未必係高手~但係大家可能有好多冷智識~可以記得幾多就分享幾多~

(此post只供初養者參考~會員提供只屬個人見解~請盡量不要討論文章對或錯~)

http://forum.parrot-tree.com/vie ... &extra=page%3D2

作者: 風中飛鸚 時間: 2010-10-18 12:55

等我先~

未買鸚鵡之前~最好先徵求家人同意~了解大廈是否准許飼養雀鳥~先得到家人認同~才去找鸚鵡特性資料~

緊記提及鸚鵡叫聲~是重點~
緊記提及鸚鵡叫聲~是重點~

作者: 風中飛鸚 時間: 2010-10-18 12:57

購買鸚鵡不要心急~年齡太細鸚鵡難養,太大難教

如果購買一歲以下鸚鵡~為保險計~最好每日餵食一餐奶~
(真的很多新手~活活餓死鸚鵡~或令到佢營養不良~)

作者: 風中飛鸚 時間: 2010-10-18 12:59

購買鸚鵡時~請即時索取出世紙.收據或單據~兩者內容都需要提到腳圈號碼~

作者: 風中飛鸚 時間: 2010-10-18 13:02

帶鸚鵡出街的8字扣~好多人認為不用上~將來再回店舖扣上~但我個人認為~鸚鵡受驚就一次過~
無謂分兩次嚇佢~二來幾個月後~沒有8字扣~都幾難捉出去整~
回家前扣上~回家後不要接觸鸚鵡~令他安心~

因為幾個月後可能鸚鵡已經長出很多蛋行羽~所以要多加留意

http://forum.parrot-tree.com/forumdisplay.php?fid=16&page=2

作者: kkkk007 時間: 2010-10-18 14:03

讚好~~~~~~~~

作者: Cozzy 時間: 2010-10-18 14:50

帶鸚鵡出街的8字扣~好多人認為不用上~將來再回店舖扣上~但我個人認為~鸚鵡受驚就一次過~
無謂分兩次嚇佢~二來幾個月後~沒有8字扣~都幾難捉出去整~
回家前扣上~回家後不要接觸鸚鵡~令他安心~
風中飛鸚發表於 2010-10-18 13:02

係.....哩點好重要

作者: Cozzy 時間: 2010-10-18 14:52

新手,老手都最好叫多d雀友去睇.....
多個人多對眼...
多2個多2對眼...

作者: littlecae 時間: 2010-10-18 16:47

圖書館有好多參考書,好有用(大部份係英文,都有d中文)
同屋企人/同住人一齊行下雀街, 等佢地知你想要個種係咩樣, 聽下雀仔有幾大聲
諗下如果隻雀病左, 有無錢同佢睇醫生

作者: 小草妹 時間: 2010-10-18 17:12

仲有緊記鸚鵡好長命由你比錢果刻就已經許下承諾照顧佢一生一世
無論佢病定健康都要不離不棄咁照顧佢付出你嘅真心 , 但唔求回報
唔好話佢唔識講野唔肯上手 , 有行為問題就輕易唔要佢
無論幾忙每日都要花時間陪佢要緊記 : 雖然佢唔係你嘅全部但係你卻係佢嘅全部
你嘅離棄將會造成佢最大嘅痛苦

作者: BoBoBoBo 時間: 2010-10-18 17:27

仲有...........

鸚鵡常見家居意外、危機....
http://forum.parrot-tree.com/viewthread.php?tid=11530

作者: GumGum 時間: 2010-10-18 18:22

圖書館有好多參考書,好有用(大部份係英文,都有d中文)
同屋企人/同住人一齊行下雀街, 等佢地知你想要個種係咩樣, 聽下雀仔有幾大聲
諗下如果隻雀病左, 有無錢同佢睇醫生
littlecae 發表於 2010-10-18 16:47

e加先見到。。。可惜太遲。。。岩岩晌amazon訂左3本。。。><

作者: GumGum 時間: 2010-10-18 18:34

新手，不過都有小小心得share。。。
1) 養得佢就唔好怕比佢咬，在混熟過程係必然會發生的。

2) 每日一定要抽時間去陪o下佢
3) 要考慮埋如果你去長線旅行，佢點算，所以最好就唔好比佢淨係跟你一個 (幫佢同家人建立友誼)，如果唔係就會好困身，你去左旅行佢會好慘。
4) 要預左你會好忙地幫不停執便便，掃跌落地既食物同羽粉。
5) 考慮埋養佢一世(幾十年)既資金，佢既日用品，居住環境，醫療和日常開支。

作者: OnOn 時間: 2010-10-18 22:43

購買鸚鵡時~請即時索取出世紙.收據或單據~兩者內容都需要提到腳圈號碼~
風中飛鸚發表於 18-10-2010 12:59

除了取出世紙.收據或單據外.

切記問店鋪取"政府的入口紙副本", 尤其係一級保護的.

此文件除了証明為合法入口外, 對日後要移民的更為重要.

作者: cheerios 時間: 2010-10-19 01:46

除了取出世紙.收據或單據外.

切記問店鋪取"政府的入口紙副本", 尤其係一級保護的.

此文件除了証明為合法入口外, 對日後要移民的更為重要.
OnOn 發表於 2010-10-18 22:43

onon好細心~

如果買合法嘅一級雀，記得取漁護處進口許可證副本呀~ 上面寫有隻雀嘅"學名"，可要求將學名寫在單據上. 如店舖已遺失，買之前可到長沙灣政府合署嘅漁護處瀕危物種牌照科詢問事宜.

世事難料... 好難擔保將來用不用離開香港..

作者: carolee 時間: 2010-10-19 08:42

未買鸚鵡之前~要考慮家人有沒有呼吸道敏感或疾病的問題，由其是葵花和灰鸚，　會產生好多羽粉，　會加劇病情　

作者: g1113lung 時間: 2010-10-19 09:39

當你不在家或唔得閑嘅時候
記得比D玩具佢哋玩,
玩具要每星期换一次

作者: 風中飛鸚 時間: 2010-10-20 11:02

緊記回家初期~不要同鸚鵡沖涼~

作者: Cozzy 時間: 2010-10-20 11:12

鸚鵡BB全部都好可愛,買之前要想清楚,自己有無能力養大佢.......

作者: vanessachan 時間: 2010-10-20 19:48

死啦,我除左出世紙之外咩都無攞.但我隻係灰鸚,應該唔會將來變左1級保護掛...

作者: Cozzy 時間: 2010-10-21 00:18

死啦,我除左出世紙之外咩都無攞.但我隻係灰鸚,應該唔會將來變左1級保護掛...
vanessachan 發表於 2010-10-20 19:48

唔怕灰鸚,臺灣朋友又叫灰雞......生產力強長生長有

作者: 風中飛鸚 時間: 2010-10-21 10:24

大家盡量分享需知~問題盡量另開post~因為新人到此閱讀時~可以盡快得到最多資料~

作者: 風中飛鸚 時間: 2010-10-21 10:40

鸚鵡身份證

我們為什麼要強調出世紙及收據/入口紙之類文件~

假如一隻鸚鵡賣5000元~而不能出示以上任何証明~即來路不明~我們以5000元為例~如果價錢是入口正價~

我們就不用購買來路不明鸚鵡~撇開道德問題~不能出示任何証明文件~就不能以入口市價出賣~

簡單d講到尾~(粗俗d講)唔好搬d道德問題.呃d傻仔攻擊網會~公公道道~客人買貴左條氣都順d~

例如一隻灰鸚~正式入口可以賣8000元都得~冇証最多4000元~

(以上沒有任何歧視或提昌購買任何鸚鵡~)

以市面上陸龜市場咁~咪當d客人傻~有証一個價~冇証一個價~客人自己決定道德問題~

作者: 風中飛鸚 時間: 2010-10-21 12:37

鸚鵡心理

好多新人覺得鸚鵡難養~其實未必~主要原因是運輸過程及進口前已經出現問題~以至主人手上才會出事~
一般養定一段時間~無啦啦好少出事~

而到新家庭時~鸚鵡本身有抵抗力~好多時都可以平安渡過~而主人因小事強行同鸚鵡沖涼~令鸚鵡冷到~
好易引發先前的疾病~

而雀鳥本身細膽~四周環境會好影響鸚鵡心理狀態~最好慢慢轉變~

而好多主人會在初期過於多時間陪伴鸚鵡~慢慢又開始冷落~令鸚鵡心理受到極大傷害~

所以新回家的鸚鵡~慢慢接觸~時間不要太長~要鸚鵡習慣獨立~

作者: 風中飛鸚 時間: 2010-10-21 12:47

鸚鵡食糧

一般鸚鵡適宜以合成糧餵飼為主~新鮮水果/果仁/可適量作為鼓勵~
而合成糧以天然成份~少色素/少防腐.多營養,市而有多種可以選擇~

注意事項
1要注意限期~
2不要購買散裝/非原廠包裝合成糧
3開袋後要留意味道~是否變壞~
4將所有糧用一個密封器具封好~只將一星期左右的糧分拆出來~令原裝糧盡少接觸空氣~
5最好能以定時餵食~不要24小時任食形式~
6水及糧兜必須每次清洗~而水每日最少更換兩次~

而我本人就喜歡將合成糧打成粉狀~開水成為糊狀~用湯匙餵食~一可增進鸚鵡與主人間感情~
二來又節省金錢~(一包打粉的合成糧~耐食好多)

作者: vanessachan 時間: 2010-10-21 16:01

其實我想問,鸚鵡識唔識用倉鼠仔用果D飲水樽?因為我見我隻灰鸚成日放D水果落水整特飲,攪到核核突突,又唔比人攞走.

作者: 風中飛鸚 時間: 2010-10-21 16:06

當然識~仲好快識整爛~

鸚鵡好喜歡將食物浸在水兜中~是好多主人頭痛問題~

作者: vanessachan 時間: 2010-10-21 16:40

飛鸚我仲有個問題問,我的灰鸚的爪又尖又利,但我已經有枝不秀鋼磨瓜棍.是不是要換過其他磨瓜棍呢?

作者: 風中飛鸚 時間: 2010-10-21 16:50

鸚鵡的用品

磨爪棍的粗幼~好影響效果~不過一般鋼棍都不能做到磨爪效果~只有防滑功能~

以往鋼磨爪棍~是用車床將紋車出~現在的磨爪棍只是壓上~完全沒有磨爪能力~

偶然會發現一支是正車床直出~非常有磨爪力~我會唔理有冇用~買左先講~

玩具或水樽之類~都是額外用品~視主人經濟能力而購買~(冇買唔會死)

不過電子磅~就是不可缺少的主要用品~

作者: 風中飛鸚 時間: 2010-10-21 18:10

鸚鵡飲食習慣

鸚鵡回家後~主人應該再幫鸚鵡建立過新的飲食習慣~早晚一餐~半小時食完收兜~只得水兜24小時安放~
而果仁之類副食品~應該在訓練期間才出動~
主人可以選擇其中一餐餵水果~食完要將盛水果的器具取出洗淨~

(瓜子脂肪含量極高~只適宜有飛行的鸚鵡~)

如果是新回家的鸚鵡~(未夠一歲)最好能夠有時間餵一餐奶~(鸚鵡奶粉)或合成糧糊~以免鸚鵡營養不良~
好多時幼鳥未學識食~只是模仿成鳥進食樣子~而大意的主人~往往以為鸚鵡會自行進食~而活活餓死鸚鵡~
(本人已經見過幾十個案)所以點都補多少落去安全d~

作者: 風中飛鸚 時間: 2010-10-21 18:20

鸚鵡保暖問題

一般鸚鵡(已出齊毛)在香港的冬天~是不用太擔心~(室外飼養除外~)

如果飼養在室內~冬天晚上罩好布~加上輕微發熱裝置就好足夠~

如果出動鸚鵡暖燈~就緊記將燈打斜射向磨爪棍位置~(不要在籠頂直射入籠~)

因為在籠頂直射入籠~整個籠的暖度就變成一致~萬一過熱~鸚鵡走投無路~

反之打斜特向磨爪棍~近棍的位置最熱~離開就相對冷~鸚鵡就可以自己決定企的位置~選擇最適合自己溫度~

而一般家庭用充油式暖爐就更易辦~因為冇乜料到~只要放在廳中間~凍唔死又熱唔親~

作者: vanessachan 時間: 2010-10-21 22:50

飛鸚師兄,請問那種磨爪棍好?請介紹

作者: 風中飛鸚 時間: 2010-10-22 10:57

鸚鵡磨爪棍

如果太銳利~會將腳底的皮也磨薄~什至磨到流血~唔利又磨唔到~
而棍身太粗~鸚鵡不能握緊~又不能發揮功能~太幼指甲又扣不到棍身~

所以要選擇棍身適合鸚鵡掌握~指甲要扣正正在棍身~而磨爪棍最好能郁動~模仿樹枝遙動~鸚鵡被迫要握實棍身~

當知道自己需要的尺寸之後~就可以選購磨爪棍~一般石做磨爪棍~主人購買時可以用自己指甲磨一下~親身感受表面粗陋程度~而選擇心頭好~

本身用開果支磨爪棍~唔需要放棄~可以留作將來用~(因為磨爪棍需要定時清洗)

另外市面有些金粉或銀粉的沙紙棍~品質非常參差~要自己諗啦~

作者: vanessachan 時間: 2010-10-22 16:46

石棍係唔係好短果D?

作者: 風中飛鸚 時間: 2010-10-22 17:03

石棍的長短

石棍有約九千多個款式~有長有短~主人要自己作出判斷~而長短對鸚鵡不會做成生命危險~屬於小事~

作者: vanessachan 時間: 2010-10-23 09:05

飛鸚師兄,鸚鵡可唔可以食龍珠果,石榴,look柚之類?還是除左牛油果,朱古力,茶葉,含酒精東西唔食得之外,基本上所有生果都可以食呢?獸醫就提議過我買熱情果比鸚鵡食,話食左D毛會生得靚D同有光澤,師兄你或者有無聽聞其他雀友比熱情果鸚鵡食呢?

作者: 風中飛鸚 時間: 2010-10-23 11:01

鸚鵡與生果

獸醫曾經提及人參果和朱古力含有對鸚鵡有害毒素~建議不能食用~(而我就將貌似以上兩款~都唔俾鸚鵡食~以防萬一)
而獸醫建議多食維他命A水果~而維他命A水果以果肉為紅色或橙紅色/黃色~含量最高~
當中以蜜瓜標榜數字比較高~其他有芒果/士多啤梨/之類橙紅色肉生果~

食生果對鸚鵡有益~但需要配合晒陽光~才能發揮最佳效果~

作者: BoBoBoBo 時間: 2010-10-23 13:32

http://forum.parrot-tree.com/vie ... &extra=page%3D1

對雀鳥有毒的蔬果及種子:
1. 薔薇科植物果實的果核及種子, 例如:蘋果,梨,桃,杏,櫻桃等, 果核或種子中含有氰化物(俗稱"山埃"). 果肉本身無毒, 而且有益, 但餵食前請除去果核或種子. 中毒症狀可在數分鐘內出現, 包括喉道收窄, 噁心, 嘔吐, 頭痛等; 嚴重者可導致死亡.

2. 牛油果的果皮及果核中含有一種稱為"Persin"的有毒物質, Persin 可引致雀鳥心跳加速, 呼吸困難, 心肌受損, 羽毛生長失調, 情緒不安, 虛弱, 精神呆滯; 如大量吸收 Persin 可引致窒息, 以至死亡.

3. 茄科植物, 例如: 蕃茄, 薯仔等, 其葉, 莖, 藤, 芽等綠色部分, 含有茄鹼; 茄鹼可使雀鳥嚴重胃痛, 噁心, 嘔吐.

4. 蔥含有硫代硫酸鹽(Thiosulfate, 刺鼻氣味成份之一), 蒜含有蒜素(Allicin); 雀鳥少量進食不會引致中毒, 如大量進食可以引致腹瀉, 嘔吐, 及其他消化系統疾病. 如經常進食或大量吸收硫代硫酸鹽或蒜素, 可以引致溶血性貧血(大量紅血球被破壞), 體內器官因缺氧衰竭而致命.

5. 乾及生的豆類, 例如一粒粒經曬乾既豆, 新鮮豆角, 荷蘭豆, 四季豆等, 含有植物性血球凝集素(Haemagglutinin), 雀鳥吸收血球凝集素後, 1至3小時內會出現中毒症狀, 如頭痛, 頭暈, 呼吸急速, 噁心, 嘔吐, 腹瀉, 四肢麻痺等, 嚴重可致命. 高溫可分解血球凝集素, 煮熟豆類後, 可放心餵食.

對雀鳥有毒的飲品:
6. 含咖啡因飲品, 例如: 咖啡, 濃茶, 可樂, 某些運動飲品, 雀鳥飲用後, 可引致心跳過速, 精神亢奮, 心律不整, 甚至脈搏停止.

7. 酒精類飲品, 內含乙醇; 乙醇有鎮靜作用, 當血液內酒精濃度過高(人類, 0.5%; 動物可接受酒精濃度比率更低), 可使腦神經中毒, 引致昏迷, 呼吸停止而死亡.

其他對雀鳥有毒的食品:
8. 朱古力/巧克力含有咖啡鹼(Theobromide), 動物及雀鳥不能有效代謝此物質, 中毒後首先影響消化系統, 出現嘔吐, 肚瀉, 尿頻症狀, 繼而影響神經系統, 產生癲癇性痙攣, 內出血, 心律不整, 心肌梗塞, 急性冠狀動脈栓塞而死亡.

9. 食用菌(菇類)屬於真菌, 雀鳥對真菌非常敏感, 體內沒有可分解食用菌內多種不同化合物的酵素, 食用後可引致食物中毒, 出現消化不良, 腹痛, 肚瀉, 嘔吐症狀, 情況嚴重可導致肝衰竭而死亡.
其中一種成份: 阿拉伯醣醇(Arabitol), 不單可引致肚瀉及嘔吐, 而且可以改變蛋白質的作用力, 影響身體的生化代謝, 對身體產生不良影響.
除此之外, 食用菌內亦含有幾丁質(Chitin), 可能會引起食物敏感症狀, 導致痕癢, 紅腫, 腸胃不適, 呼吸困難, 嚴重可致窒息.
* 蝦殼, 蟹殼, 昆蟲外殼亦含有大量幾丁質, 參考醫療檔案時, 亦有鸚鵡因食過蝦蟹後, 因過敏而窒息死亡.
** 意式薄餅, 意大利粉, 好多時都加有洋蔥, 蒜粉, 蘑菇片/碎, 醫療檔案中亦提及過有鸚鵡懷疑因食過意式食品後而食物中毒.

10. 食鹽(氯化鈉), 所有動物均須要適量的鈉質維持身體機能正常運作, 過量吸收鈉質, 會影響健康, 會導致極度口渴, 脫水, 腎功能障礙, 甚至引致腎衰竭而死亡.

作者: 風中飛鸚 時間: 2010-10-26 14:26

多謝分享

作者: littlecae 時間: 2010-10-26 18:07

4將所有糧用一個密封器具封好~只將一星期左右的糧分拆出來~令原裝糧盡少接觸空氣~

我買HARRISON 1磅裝, 分開2-3個舊HARRISON袋放, 咁就無咁易接觸空氣~~

作者: 風中飛鸚 時間: 2010-11-1 12:17

鸚鵡身體狀況

買之前都需要留意腳指是否齊全~爪的方向是否正確~有沒有向外或內側~及向上或不正常的方向灣曲~

正面望向頭部~咀是否正向生長~有沒有過長~下咀也是一樣~兩者是否配合~

翼尖有否齊全~肩膀有沒有下惰~全對翼在靜止狀態下~是否可以收復得緊閉~沒有半張或左右不對秤的現象~

眼睛是否明亮~不要有半合或不斷"閃斬"情形~

用鎖匙發出聲音~試驗聽覺~

作者: BoBoBoBo 時間: 2010-11-6 00:49

本帖最後由 BoBoBoBo 於 2010-11-6 00:56 編輯

仲有...........

鸚鵡 videos

Marc哥介紹鸚鵡
http://forum.parrot-tree.com/vie ... &extra=page%3D2

eg:
[youtube]XpMy0O8WQI0&feature=player_embedded[/youtube]

作者: Amazonshan 時間: 2010-11-8 18:19

灰鸚應該唔會變成 1級保護雀鳥,但國際以立了法例停止捕捉同買賣wild-caught parrots.以前的非洲土人捕捉一隻灰鸚人工是80港元

作者: 風中飛鸚 時間: 2010-11-13 14:03

鸚鵡小貼士

平日習慣用針筒餵食奶粉/果汁之類~令鸚鵡習慣針筒~將來萬一要食藥就方便得多~
因為主人不能餵藥~鸚鵡就可能要留醫~價錢就好貴啦~

作者: 旺旺 時間: 2013-2-6 22:31

緊記回家初期~不要同鸚鵡沖涼~

=> why??

作者: wingL 時間: 2013-4-1 00:00

我想請問一下，我剛帶咗一隻藍頭亞馬遜返到屋企，我見大大話初期唔好接觸太多，要比時間佢習慣，咁要等幾耐呢？
幾時先可以接觸佢呢？
點先睇得出已經適應咗呢？
適應咗之後第一步點接觸佢呢？

作者: pasu_hkman 時間: 2013-4-29 23:42

thx for share

作者: yytpinky 時間: 2013-10-21 22:04

好有用呀~~多謝分享!

作者: santo 時間: 2015-7-24 11:22

鸚鵡身份證

我們為什麼要強調出世紙及收據/入口紙之類文件~

假如一隻鸚鵡賣5000元~而不能出示以上任何 ...
風中飛鸚發表於 2010-10-21 10:40

呢個應該係重點哦~~~ 因為網上有D師兄係放得比較平, 但係佢話自家繁殖, 所以無證....

作者: yoman.gg 時間: 2016-4-23 22:58

非常好

謝謝你的寶貴意見,

作者: wts33 時間: 2016-6-6 10:51

請問如果在花園街雀仔街買鸚鵡有沒有單？謝謝

作者: angelann 時間: 2017-5-10 16:29

回復 23# 風中飛鸚

你好, 我剛買了一隻4個月的迷金.
店主說沒有出世紙, 鳥從東南亞進口, 入口證不能提供因是商業秘密
提供了收據, 性別卡, 入口證號碼: SP-xxxxxx
店說有有就可以從漁農處查到所有資料

請問這樣是正常的嗎? 有問題嗎?

作者: hang0925 時間: 2018-3-3 02:24

thx 板大，學習了，新鳥回家要多久先可以同佢玩？

歡迎光臨 PARROT-TREE (http://forum.parrot-tree.com/)