PARROT-TREE - Powered by Discuz! Board

標題: 青綠色幸福的終結 [打印本頁]

作者: 養鳥新丁 時間: 2011-1-25 01:37 標題: 青綠色幸福的終結

本帖最後由養鳥新丁於 2011-1-25 01:40 編輯

表情符號唔多用了~反而想講一下標題前的綠葉icon~綠葉代表什麼?青綠色的幸福....
上樹應是一件好事~剛剛去睇左少少野~真係好少~
諸位的說話完全明白~我令到樹樹變質~係小弟唔好
的而且確~我阻住大家分享養鸚鵡的心得~
仲令某d會員連樹都唔想上...
長話短說....唔多講廢話了...
我發左一個夢~呢個夢影響左好多人...
夢醒之後..要回復正常了...受影響左ge樹友雀友們~
希望你地上返樹......上黎傾下偈..分享心得..
小弟真心咁同你地講一句..對唔住..
希望你地原諒~
不過...夢醒後我又睇到少少野...
係兩個版本的故事...先前聽到的..同現在睇到的...略有不同..
估唔到會係咁......真的心淡了~不過都唔重要了
不過...呢個夢會變作一個小小的遺憾..美好的回憶..
最後~先在此帖向各位說再見...
缸起之時,我會返黎開帖...作為一個終結...
因為...講過就要做到..
呢一刻心情真係好差~唔係因為網友鬧我...某某鬧我...
呢種時間連我啊爸啊媽都鬧我~點解?
原因:佢地睇唔到戲...唔識整~搞唔掂叫我~睇唔到就係睇唔到...
結果就係要比佢地鬧...我唔知點解要比人鬧..亦都心死...
我只係一個出氣袋...心情唔好就鬧...借題發揮..鬧到我一文不值..
我以前錯過..我改好..永遠都唔會有機會返身..因為錯左就等於我以後都會再錯..
呢d只係閒話....總結閒話...比人標籤左就係一世...
亦都講多次個故仔...
比人標籤係衰仔永遠就係衰仔..
唔單止親戚...連老師..任何人都係...
記得以前小弟係好壞好壞的一個學生...
每堂都要記缺點...做好多衰野..
有一次英文的默書..終於決定要認真..
做返好學生..結果真係好傻好天真咁溫書..
最後默書當然係無問題...默完後...
老師當住全班面~指我出貓...
我喊....全部人以為我係因為比人捉到出貓而喊..
其實...只係好委屈..果種委屈真係令我覺得好難受...
由果一日起...我同自己講..我永遠唔學好..我學壞..
點解?..因為好人無好報...好人都係早死..好人永遠無好收場..
當然..呢個係一個扭曲左ge價值觀...
一直都係做壞人角色~今時今日....亦都知道壞人一樣唔受歡迎..
一樣無好下場....但我決定變得更壞...
sorry...講得太遠了....
最後總結...衷心向各位樹友雀友講一聲對唔住..真係好對唔住...
另外多謝大仙....無大仙你陪住我...我諗我一早就要離開樹樹...
再見各位

新丁字

作者: catcat6703 時間: 2011-1-25 01:42

我都吾知講咩好

作者: Amazonshan 時間: 2011-1-25 07:35

新丁返唻呀

作者: 楚峰 時間: 2011-1-25 08:09

其實我就不嬲咩都夠膽講，乜都夠膽做...
我都鐘意過樹樹會員@@”
問題係每個人既做法唔同，
你可以唔需要理會其他人，
但最少你都要顧下你鐘意既人既感受，
你既做法會令你目標對象討厭，就應該適可而止，
關心係限於佢受落...當佢唔受落但你仍然過度關心，
對佢黎講就會變左騷擾...你要明白自己而家情況，
正如我上次同你講，你應該要知道，你要吸引異性，
你都要有某啲特質可以吸引到人先得架...
有無錢？
有無學識？
有無才華？
有無樣貌？
呢啲野講俾你知唔係話你、踩你...
因為我都無...呢啲野真係好現實，
我學歷可能比你更低...
又唔好睇...
但我唔會死纏爛打，佢既然一早講左唔鐘意，
自己有去試過，努力過，就算失敗左，都對得住自己...
重新黎過就可以...
唔需要每次有問題就話走，走左唔代表你無做過、無認識過呢度既人，
走，走得幾多次？

作者: carmenwong 時間: 2011-1-25 09:46

新丁你攪乜鬼?

作者: 楚峰 時間: 2011-1-25 10:01

俾小草炳左獲甘甘地既

作者: coletrain 時間: 2011-1-25 11:06

1# 養鳥新丁

我估到少少!
朋友仔!...人生不如意事十賞八九!
又何需咁介懷呢!
我相信你係一個EQ和轉數好高的人,
你會handle到既!
我細個果陣咪又係俾父母閑鬧到pat care咁!
唔洗咁認真喎,我周不時到省到個仔"立立令".

作者: catcat6703 時間: 2011-1-25 11:18

唉...女姐,使咩甘?? 行到度雀仔街,咩國籍ge女仔都有啦,睇你有冇勇氣去溝姐!! 根本吾需要吾開心,你仲細,好多野你可以慢慢改,慢慢試,吾似我地D老餅bo!! 如果有小小事就冇晒氣,你條路仲點行牙?? (吾需要理人地點睇)<尼句野你同我講過架,所以你自己都一定要做到!! 加油

作者: ching924 時間: 2011-1-25 18:01

毫無疑問
有陣時你的確係煩左少少
但係你ge價值觀真係好有問題
比人標籤=你需要時間去心血去remove tag
唔代表因為冇人信你就將自己愈描愈黑

你而加好比一張白紙被一點墨汁滴到 d墨係會化開
你唔可能去擦拭佢但更加唔應該因為一個小黑點直接油黑晒成張白紙
你可以做ge就只係盡力用其他顏色去遮蔽黑點
比起就咁畫野上白紙更困難...因為你有一個污點
但係只要你有技巧有心去救呢一張有污點ge白紙
油更多漂亮ge顏色上去一定可以遮蓋到個污點
只係在乎你有冇心去救呢幅出過錯ge畫

作者: 真正 時間: 2011-1-25 18:05

毫無疑問
有陣時你的確係煩左少少
但係你ge價值觀真係好有問題
比人標籤=你需要時間去心血去remove tag
唔代表因為冇人信你就將自己愈描愈黑

你而加好比一張白紙被一點墨汁滴到 d墨係會化開
你唔可能去擦拭 ...
ching924 發表於 2011-1-25 18:01

講得好﹗
樹樹係一個包容能力高、有人情味既地方，
有好多成年人同新丁你分享經驗，係一個寶庫，
新丁呀，你成日講到自己點點點，
其實你做左反省呢個第一步架喇，
差在係你做得未夠好既野，反省完，引以為鑑，唔好再做，係好緊要架﹗

作者: tsw 時間: 2011-1-25 19:56

本帖最後由 tsw 於 2011-1-25 20:16 編輯

.......................俾心機讀書啦!小朋友

作者: sodagreensimon 時間: 2011-1-25 23:53

9# ching924

你手寫我心, THANKS~

去與留都係個人決定, 件事點睇亦係你個人決定, 唔係人哋睇死你, 你就一定要去死~~~

TAKE CARE~~

作者: terboi 時間: 2011-1-26 21:34

Existentialism 存在主義
其最著名和最明確的倡議是沙特的格言：「存在先於本質」（法語：l'existence précède l'essence）。他的意思是說，除了人的生存之外沒有天經地義的道德或靈魂。道德和靈魂都是人在生存中創造出來的。人沒有義務遵守某個道德標準或宗教信仰，卻有選擇的自由。要評價一個人，要評價他的所作所為，而不是評價他是個什麼人物，因為一個人是由他的行動來定義的。

存在主義否認神或其它任何預先定義的規則的存在。沙特反對任何人生中「阻逆」的因素，因為它們縮小人的自由選擇的餘地。假如沒有這些阻力的話，那麼一個人的唯一的要解決的問題是他選擇哪一條路走。然而人是自由的；即使他在自欺中，仍有潛力與可能。沙特也提出：「他人是地獄」。這一觀點看似與「人有選擇的自由」觀點相矛盾，其實每個人選擇是自由的，但對於選擇後的結果，每個人有無法逃避的責任，人在選擇的過程中，面對的最大問題就是他人的選擇，因為每個人都有選擇的自由，但每個人的自由就可能影響他人的自由，所以稱「他人是地獄」。

作者: 風中飛鸚 時間: 2011-1-27 14:24

我夠中意陳法拉啦~(住粉嶺除外~)我又喜歡李嘉欣/鐘嘉欣/林嘉欣囉~發下夢咪算囉~

至於喜歡鸚鵡樹女會員~全世界都知道~鸚鵡樹出名靚女多~(大家讚成/認同嗎?)有乜出奇姐~

如果有件65歲豬扒暗戀你~你又必要接受嗎?

(大家跟我唱一次~)

莫道你在選擇人~人亦能選擇你~ 何故......仲唔快d...交銀..(會費)

作者: mavisweet 時間: 2011-1-27 14:43

主席,你哩番說話簡直係至理明言~

作者: lam_ot 時間: 2011-1-27 15:28

講得太好了

作者: tsw 時間: 2011-1-27 20:05

新丁

[youtube]_ZCJGL5ZVVY&feature=related[/youtube]

歡迎光臨 PARROT-TREE (http://forum.parrot-tree.com/)