PARROT-TREE - Powered by Discuz! Board

標題: 終於搵到迪迪咬毛的原因 [打印本頁]

作者: 迪迪仔 時間: 2011-2-20 13:04 標題: 終於搵到迪迪咬毛的原因

過去里2年. 迪迪係咁咬毛.. 最勁係咬到條頸同心口無晒毛. D 針毛一出番黎只係見到有少少毛散開後. 佢又成條拔出黎搞到個毛孔有少少血. 見到佢咁, 我真係登佢痛. 而我個心更痛.

係里個新年, 朋友要出外旅遊, 咁我就帶左 MUTTON (灰鸚)返黎我屋企度假啦.
MUTTON 同迪迪的關係... 佢地由BB時就識大家到宜家. MUTTON 果時幾個月大, 迪迪就仲要人手餵奶的BB.
但係係里幾年裏面佢地見親面都好似當大家無到. 你行埋D.. 我就行開D 2個好似係陌生人咁. 身為主人的我地.. 當然希望佢地2個可以FD D 啦. 幸好，佢地唔會打交同嘈交. 如果一個有惡意行近, 另一個最多都係行開. 未見過 / 聽過佢地開片.

就係咁GAR情況，　今個年假我就擔粗粗將佢地２隻放埋係同一個籠入面養，　當然開頭就要試下先，　放埋一齊１，２個鐘後都唔發現佢地有唔ＬＩＫＥ　的情況．　咁我就開始安心Ｄ　同覺得佢地可以供處一室ＬＡ．

就係ＭＵＴＴＯＮ　黎我家住之前　迪迪仲係有拔毛情況出現，　但係自從ＭＵＴＴＯＮ　黎左後　（到宜家都差不多３個ＷＥＥＫ　了）　迪迪只係係某一天拔左２條毛出黎　（果日佢心情勁差，　一早起身無ＬＡ　ＬＡ　咬到我流血，　又係咁發脾氣）　　但係，　之後咁多日就無咬過ＬＡ．．　宜家　迪迪係無毛的地方，陸陸續續出番好多針毛，而有好多針毛都開始散緊Ｄ羽毛出黎　（即最易被拔出黎的毛）

宜係里幾個星期的相處，　佢地由當大家無到，　到宜家可以企埋Ｄ，　一齊食野，　一齊住，　有一次ＭＵＴＴＯＮ　仲反”初”　Ｄ野食餵迪迪食野，雖然只係一小口，但係都已經睇到佢地的關係有好大的改善．　　又有一次，迪迪無ＬＡ　ＬＡ　想走去　”吼”　ＭＵＴＴＯＮ．　一去到ＭＵＴＴＯＮ　身邊，　ＭＵＴＴＯＮ　就講　ＫＩＳＳ哥哥，　迪迪一聽完後，就掉頭走，行番去原本佢企緊的地方．

經過咁多日，　係我要返工的日子，ＭＵＴＴＯＮ　都陪迪迪度過，　係有　”人”陪的日子裏面，迪迪可以叫做無咬毛啦，　由此可見，原來本時我返工時，迪迪自已一個係屋企，所以悶到ＤＩＮ左，　係咁拔毛咬毛．　　所以　我諗，遲少少我真係要搵隻折囡黎陪下迪迪先得ＬＡ，免得佢又ＤＩＮ過

在此，好多謝ＭＵＴＴＯＮ　的媽媽，願意暫時留ＭＵＴＴＯＮ　係度陪迪迪，　多謝ＭＵＴＴＯＮ　解開　我隻ＤＩＮ佬的心結．

慢慢變番做靚仔迪迪．

ＭＵＴＴＯＮ　未黎之前．．　迪迪咬毛的情況　，　相中出番毛的地方，就係ＭＵＴＴＯＮ　黎之前已經再次被拔清光．

今日的迪迪，　雖則未全部出番晒Ｄ毛，　但係宜家出左的毛都好健在咁仲係度．

作者: mavisweet 時間: 2011-2-20 13:21

恭喜恭喜~

祝早日成功搵到隻女陪廸廸仔~

作者: mavisweet 時間: 2011-2-20 13:21

恭喜恭喜~

祝早日成功搵到隻女陪廸廸~

作者: jennymok 時間: 2011-2-20 13:26

You are lucky that you found out the reason! 我隻細葵咬毛咬到甩頭甩骨, 能做的已經做了... 但結果... 所以想請問有沒有一些營養補充劑可以幫助一下出多D針毛呢？

作者: littlecae 時間: 2011-2-20 14:01

朋友真系好重要
不如你養多隻折仔啦, 系野外佢地d男仔都系聚埋一齊玩, 又唔驚有卡蛋~

作者: 迪迪仔 時間: 2011-2-20 14:50

3# mavisweet

thx .

作者: 迪迪仔 時間: 2011-2-20 14:53

4# jennymok

唔係太清楚.. 里個要d 專家答你. 不過我見亦試過係parrot shop 度買左隻米餅係for feather picking 問題食的. 睇過個簡介, 係有助減壓力. 但係食的期間只可以食米餅. 其他的都唔可以mix 埋一齊食.

我就.. mix左其他food. course 如果連食幾日唔轉糧的話. 迪迪會唔食野. 所以里隻米餅最後的作用唔係太大. mutton 的作用大好多 :p

作者: 迪迪仔 時間: 2011-2-20 14:54

朋友真系好重要
不如你養多隻折仔啦, 系野外佢地d男仔都系聚埋一齊玩, 又唔驚有卡蛋~
littlecae 發表於 2011-2-20 14:01

想搵隻囡囡多d. 卡蛋多數係鈣唔夠.. or 身體有事

作者: 迪迪仔 時間: 2011-2-20 14:55

迪迪最靚仔果時係咁gar 樣... 宜家

... 希望佢快d 可以變番做靚仔啦

作者: OnOn 時間: 2011-2-20 22:24

咁就好啦!

希望迪迪仔快D好番晒

作者: tsw 時間: 2011-2-20 22:27

迪迪仔快D好番,迪迪仔真係好好靚喎!

作者: BoBoBoBo 時間: 2011-2-20 22:40

迪迪仔快D 變番靚仔, 好快就會找到女友!

作者: miumiu 時間: 2011-2-21 09:30

迪迪仔好快好番

作者: sallyyau 時間: 2011-2-21 09:49

希望迪迪仔快D好番晒

主人就HAPPY番晒

作者: 風中飛鸚 時間: 2011-2-21 10:51

我研究鸚鵡咬毛多年~已經成為鸚鵡咬毛專家小組訓練導師中的指揮官總長~

市面鸚鵡咬毛補充劑及用品有三百八十四種~冇一種完全有用~

不過唔洗傷心~經我多年辛苦研究~臨床實驗~及雀友提供~已經發現一隻鸚鵡糧內的含量~對咬毛行為極為收效~
而經有心雀有在外國訂回來的樣板測試中~已經証明非常有效~有鸚鵡直情完全康復~

而我本人因為家中有咬毛鸚鵡~所以無論結果如何~我都已經訂購那雀糧~到時只要轉食幾個月~

希望成功~我心諗比正常鸚鵡糧貴20%~又唔係食唔起~博一博啦~
如果能夠成功~以後轉食果隻糧啦~

作者: Ming 時間: 2011-2-21 10:59

提示: 作者被禁止或刪除內容自動屏蔽

作者: jennymok 時間: 2011-2-21 12:21

15# 風中飛鸚

How to order 那雀糧? So worry and sad now caused I have 2 咬毛鸚鵡, 細葵 & 黃頸金剛

作者: carmenbabe 時間: 2011-2-21 12:27

迪迪最靚仔果時係咁gar 樣... 宜家... 希望佢快d 可以變番做靚仔啦

http://forum.parrot-tree.com/uc_ ... 133&size=middle
迪迪仔發表於 2011-2-20 14:55

真係好靚仔bor...希望佢快d好返變返超靚仔la

作者: 迪迪仔 時間: 2011-2-22 09:31

主席... 你d 糧返左黎後可唔可以post俾大家睇ａｒ．．．雖然我唔希望有機會用.. 但係都想知下呀 thx

作者: 燉雪梨 時間: 2011-2-22 18:55

恭喜已找到廸廸咬毛原因，祝福早日康復, 同早日成家立室！

作者: GumGum 時間: 2011-2-25 14:41

Mutton 咁醒識得叫滴滴"Kiss 哥哥!"

作者: 迪迪仔 時間: 2011-2-26 22:51

Mutton 咁醒識得叫滴滴"Kiss 哥哥!"
GumGum 發表於 2011-2-25 14:41

係AR.. MUTTON 好叻仔GAR

作者: 迪迪仔 時間: 2011-2-26 22:55

諗住迪迪唔會再咬毛啦.. 點知就係星期四晚回家.. 就見到12條毛被拔出黎 + 拋左係地上

昨日就拔左1-2條.. 今日..無拔到出黎.. 不過迪迪又偷走左出黎 + 咬爛左一支新铅筆.. 成條铅筆芯唔知去左邊.. 迪迪個口腔入面就有铅的黑色..

即時幫佢抺咀 +洗咀... 係地下掃到的铅粉.. 只係好少的數目.. 但係迪迪宜家又無咩WOW.. 又同我沖涼. 又係咁食野

宜家係希望佢無事LA...

作者: Cozzy 時間: 2011-2-26 23:28

諗住迪迪唔會再咬毛啦.. 點知就係星期四晚回家.. 就見到12條毛被拔出黎 + 拋左係地上昨日就拔左1-2條.. 今日..無拔到出黎.. 不過迪迪又偷走左出黎 + 咬爛左一支新铅筆.. 成條铅筆芯唔知去左 ...
迪迪仔發表於 2011-2-26 22:55

希望佢無事LA.....

作者: J-son 時間: 2011-2-27 02:10

灰鸚MUTTON搬去妳度離開自己主人咁耐, 怕唔怕換轉變佢咬毛架~

作者: sodagreensimon 時間: 2011-2-28 00:28

真係好心痛, 希望迪迪仔快D可以無事~~~

作者: 迪迪仔 時間: 2011-2-28 13:54

迪迪一定食左唔少铅入肚. 里2日D 屎屎都係黑邊白底平時係綠/紅/啡邊GAR MA.. (食物色素影響)

作者: 迪迪仔 時間: 2011-2-28 14:07

迪迪昨日的樣

佢一直以黎都係後頸未生番d 毛出黎... 佢一有針毛就拔.. 我諗佢先幾日拔果十幾條毛出黎都係頸後生番出黎果d 毛黎

又試大家唔理大家

一齊去晒太陽踏單車

作者: miffy 時間: 2011-2-28 16:45

大家應該見過 you tube 有D外國雀友野外放飛. 有無雀友有心機睇下外國website 有無parrot 咬毛? 如果佢地相對少的話, 會唔會係因為香港地方少, 人同雀壓力都大D. 多D太陽及出外便會少D或者唔會咬毛呢?

又唔係喎. 如果大家有去過海浪公園, 佢地D parrot D毛色都唔係好靚. 又有咬毛. 唔會因為D糧問題, 因為佢地都係食Harrison.

點解呀!!!

作者: Ming 時間: 2011-2-28 18:57

提示: 作者被禁止或刪除內容自動屏蔽

作者: Cozzy 時間: 2011-2-28 19:02

大家應該見過 you tube 有D外國雀友野外放飛. 有無雀友有心機睇下外國website 有無parrot 咬毛? 如果佢地相對少的話, 會唔會係因為香港地方少, 人同雀壓力都大D. 多D太陽及出外便會少D或者唔會咬毛呢?

又唔係喎. ...
miffy 發表於 2011-2-28 16:45

我都識唔小外國人有咬毛的雀.....

作者: 迪迪仔 時間: 2011-3-1 09:40

放心，鉛筆雖叫鉛筆，但佢嘅芯其實係碳
碳本身有吸毒作用，醫院替服毒自殺病人急救之後
都係開碳丸比佢地清餘毒的
Ming 發表於 2011-2-28 18:57

原來是這樣. 怪不他這幾天沒什麼問題. 我仲諗佢會唔會因為吸收得铅太多而死 or 變百痴仔.. >.<迪迪昨晚開始D 屎屎變番做綠綠地色LA..

作者: mavisweet 時間: 2011-3-1 09:55

無事就好.....希望佢咬毛都可以快d好番啦~~~

作者: carolee 時間: 2011-3-1 10:31

最緊要身體健康, 平安無事, 咬毛慢慢再找出原因醫理吧!

作者: madcat 時間: 2011-3-1 11:41

可惜我孻女都有咬毛又腳傷殘...唔係米俾你....

我有一個問題係...搵一隻去醫一隻咬毛,咁如果迪迪仔好番,但去咬另一隻毛OR另一隻又咬,你又要搵多一隻去醫果隻...

一對...日後你又會驚佢地有蛋,有BB可能到母鳥咬毛...好多問題跟本會一路出現....

你搵到大家唔咬緊係好,但係米一定第一隻就中.....

可能你會覺我多事.....我家唔係得一隻,都有幾隻咬毛,咬完又出...來來回回...你當我亞Q..我唔理佢地...

歡迎光臨 PARROT-TREE (http://forum.parrot-tree.com/)