PARROT-TREE - Powered by Discuz! Board

標題: 金伯爵 [打印本頁]

作者: 金佰爵 時間: 2011-2-27 13:06 標題: 金伯爵

有無人想要折衷種一對

作者: yokojune 時間: 2011-2-27 13:11

唔好啦~為甚麼唔要啊?

作者: 357 時間: 2011-2-27 13:20

請問幾多歲

作者: parrot 時間: 2011-2-27 13:55

有無人想要折衷種一對
金佰爵發表於 2011-2-27 13:06

Hi,金伯爵
你仲咩唔要??

作者: 14D 時間: 2011-2-27 17:49

有興趣，想睇睇，可以嗎？

作者: 金佰爵 時間: 2011-2-27 22:24

隻公有10幾呱隻乸有10歲

作者: 金佰爵 時間: 2011-2-27 22:25

14D你去唔去燒野食呀

作者: 14D 時間: 2011-2-28 15:53

7# 金佰爵

sorry! 3/13黎唔到…

作者: Mr_fran 時間: 2011-2-28 16:17

牠們會好唔開心的、請三思呀！

作者: MandyYung 時間: 2011-2-28 16:52

雖然我暫時只係得對ＬＢ　但都諗緊旅行唔可以太耐既問題　怕佢地以為我唔要佢地
送比人．．．．．　真係要三思　因為帶左佢地返黎　我地就係一家人　

作者: moon427 時間: 2011-2-28 17:05

有無相?

作者: 風中飛鸚 時間: 2011-2-28 22:38

我只係一個提議~唔好見怪~

如果生活上真的有困難~我們以保育此物種的角度睇~將他們送到繁殖場~繼續繁衍落去~
萬一將來家庭環境許可~保留取回權利~
當然在取回之前~所出的新一代~我們只當作增加此物種的一個貢獻~
用另一方面看~寄養一段長時間~唔洗俾錢~而物種又會增加落去~

如果我的想法有問題~唔好理我就得啦~我只係唔想對雀交來交去~

作者: louisa20047 時間: 2011-2-28 22:56

香港有繁殖場

係邊度?

作者: Ivan 時間: 2011-3-1 09:38

I am interested, and would like to adopt the pair if possible. I promise I could provide the best conditions for your birds.

Even though you have sent your birds to my place, you are most welcome to take back whenever you change your mind.

作者: 風中飛鸚 時間: 2011-3-1 10:44

香港當然有繁殖場~但不會有零售買賣~主要是出口~但未達到成熟程度~

在香港做繁殖動物~貓貓狗狗都難做~何況鸚鵡丫~
一對一萬元的種狗~以bb計算~一兩年間已經可以開始生產~出世的bb如果要賣出~九百幾個途徑~冇人會理~
相反一對一萬元鸚鵡~要攪幾耐先成功開始生產?幸運既可能講緊4年至8年~出到都仲要諗點走~
又唔係話可以賣得貴過狗~但時間同本錢就大好多~所以繁殖場都係搬番大陸或專營~

作者: madcat 時間: 2011-3-1 11:28

繁殖種好大機會比較惡同唔跟人... 大家請三思...

唉...... 唔想佢地生就要分開養,不然佢地去到某D人手上,又不停生,BB就去搵$$,難為種鳥就不停生...

作者: 14D 時間: 2011-3-2 22:03

咁請問見吓佢哋同我夾唔夾得嗎？

作者: veniaxinfu 時間: 2011-3-2 22:36

免費? 預我一份.

作者: Ming 時間: 2011-3-3 11:55

提示: 作者被禁止或刪除內容自動屏蔽

作者: Ming 時間: 2011-3-3 12:12

提示: 作者被禁止或刪除內容自動屏蔽

作者: 風中飛鸚 時間: 2011-3-3 12:12

1我意思是送俾雀友~囉番比較難~
2所以我一開始打左"只是一個提議"~唔係代表正確做法~
3出現棄養就是比較敏感問題~本來想唔答~只是多手~
4主人棄養可能另有原因~內情我們未必感受到~
5對我黎講~只要唔分開兩隻~去邊度都唔大問題~(可以養在一屋~分籠都可以~)

作者: Ming 時間: 2011-3-3 12:21

提示: 作者被禁止或刪除內容自動屏蔽

作者: 風中飛鸚 時間: 2011-3-3 12:41

因為我唔知金伯爵的原因~未聯絡過~不過知道佢好愛錫對雀~所以估計一定有內情~
家家有本難念的經~唔咁作批評~
當然盡可能唔好放棄啦~

作者: Ming 時間: 2011-3-4 02:35

提示: 作者被禁止或刪除內容自動屏蔽

作者: 風中飛鸚 時間: 2011-3-4 10:40

繁殖鸚鵡技術唔同貓狗~唔知道事實是否有距離~我以有限所知同大家分享~

首先講講狗場~一隻貴價狗~反而唔會不斷生~生到殘~有客人訂貨先會開始統籌繁殖~(講緊以十萬元以上狗種)
一般市面幾萬元或以下狗隻~都未必會不斷生~都會以市場需求去計劃~(因為生產需要成本)
唔係大家所想咁做~不過~有些狗場環境~係外人冇辦法想像~當市面非常渴求此品種時~母狗就慘啦~
狗仔一出世就會交由大種唐狗餵奶~(母性特強的大狗~夠奶又爛餵)~母狗就剃光晒毛~不斷交配繁殖~

而鸚鵡就冇得迫~唯有偷蛋行為令鸚鵡加速生產~但偷蛋就要成本~因為要人手餵養~往往都不能符合經濟原則~
只有大型繁殖場~例如大家熟悉的菲律賓BII~每日產量達到一定數字~足以大量人手餵養~

以另一角度去睇~我們將天上飛鳥買回家終生飼養~已經非常唔人道~每當觀鳥人士看到我們晒雀~
都投以仇恨眼光~回想自己有冇問過隻雀想唔想同你一生一世~定係想逃走?
人生在世界上好短時間~太執著去找答案~我唔會做~

作者: madcat 時間: 2011-3-4 16:56

首先講講狗場~一隻貴價狗~反而唔會不斷生~生到殘~有客人訂貨先會開始統籌繁殖~(講緊以十萬元以上狗種)
一般市面幾萬元或以下狗隻~都未必會不斷生~都會以市場需求去計劃~(因為生產需要成本) <== SORRY ..大俠你知識真係有限...

作者: Ming 時間: 2011-3-4 17:52

提示: 作者被禁止或刪除內容自動屏蔽

作者: madcat 時間: 2011-3-4 18:03

愛協差不多係全港動物繁殖場垃圾站，
佢地掌握的實情，同你聽聞返來，簡直差天同地哦
所謂限量生產，不過是扮矜貴的謊言，向買家抬家吧
千億新抱仲有幾十年至更年期，尚且要日追夜追bb年中無休，
更何況係區 ...
Ming 發表於 2011-3-4 17:52

ME TOO.... 做義工的我....狗場貓場幾多名種冇人要...生出來又唔要...又唔絕育,生都冇得生又唔要....

不愛買,愛領養....宗旨都要..先絕育後領養...鸚鵡冇得絕育....但都有好多方法唔俾佢地生...

作者: Ming 時間: 2011-3-4 18:33

提示: 作者被禁止或刪除內容自動屏蔽

作者: chuiyee0307 時間: 2011-3-4 19:29

而被推上台上的雀雀，往往要下台後才能消除緊張，鬆一口氣
這些所謂娛樂表演，其實是虐待… <-------其實,又唔好一竹竿打沉一船人, 小卡比都是有主人悉心訓練, 才可以幫助其他籠中鳥, 主人得到正確的信息, 籠中鳥才可釋放出來, 跟主人互動起來

作者: Cozzy 時間: 2011-3-4 20:03

而被推上台上的雀雀，往往要下台後才能消除緊張，鬆一口氣
這些所謂娛樂表演，其實是虐待…
chuiyee0307 發表於 2011-3-4 19:29

我地每個人對自己的雀都有唔同的關係.....
訓練同唔訓練都係主人的撰擇...
我係會訓練雀的....
因為訓練係同佢地互動的一種....
但係,好多時長時間的訓練會令動物有好大的壓力....
所以,我都係當係一個遊戲....

如果有地方有足夠空間比佢地飛,籠中鳥未必係唔好....
你睇九龍公園的鸚鵡,好食好住,活得自在...

我相信哩個話題就好似剪唔剪翼一樣,無對或錯....

作者: vanessachan 時間: 2011-3-4 21:41

唔怪得我的灰鸚養左年半,除左玩作對,咬人同講來講去都得果兩句啦.原因就是飢餓,反覆練習,懲罰當中,我沒有飢餓佢.....

作者: Edward 時間: 2011-3-4 23:14

那些滿以為"訓練動物表演，總不離飢餓、反覆練習，甚至懲罰"
係永遠感受唔到同鳥互動嘅樂趣

有感而發, 隨便講兩句

作者: Mr_fran 時間: 2011-3-5 10:27

有時感覺到啲鸚鵡自發做些動作引主人注意力、身為主人當然要加以鼓勵、久而久之牠們的技能又會加多，彼此互動、彼此樂此不彼。只是多手留言。

作者: 風中飛鸚 時間: 2011-3-5 12:05

1首先我表明只是虛構~只想反影出觀點與角度問題~絕對不是影射任何人~請以多角度理解~
(已經打左成百個字~最後回頭刪除~)因為身邊認識太多愛心人士~都有一個共通點~所以都是刪除比較好~

2講到訓練~我囉支機關鎗指住當奴~佢彩我都傻~

3我有朋友真是會停止生產去配合市場過熱現象~可能我朋友是小數個別例子~

4即使大家角度理念不同~起碼都是喜愛動物的一群~只是對愛的睇法有不同見解~

作者: CARMEN-LUI 時間: 2011-3-5 12:11

唉~其實亞金伯爵都只係問"有無人想養"就咁多義工出黎幫手~比咁多有用既知料~幾時都話~鸚鵡樹真係有好多能人異仕架~

作者: 風中飛鸚 時間: 2011-3-5 12:25

一直覺得訓練鸚鵡既人好有心得~唔相信會打鸚鵡~因為打都冇用~其他新人唔好學我囉支ak47指住隻鸚鵡~係冇用架~

作者: CARMEN-LUI 時間: 2011-3-5 12:30

那些滿以為"訓練動物表演，總不離飢餓、反覆練習，甚至懲罰"
係永遠感受唔到同鳥互動嘅樂趣

有感而發, 隨便講兩句
Edward 發表於 2011-3-4 23:14

非常同意~本人認為養動物又好~養人又好~都係要互動既~要互相尊重既~唔通我要教個仔同個女都要餓佢同打佢咩~

作者: 風中飛鸚 時間: 2011-3-5 12:36

1經過半小時電話俾人追訪~先知道原來鸚鵡樹好多人睇~

2訓練鸚鵡係實力派既人做~我都係做番偶像派好啦~

3一諗起訓練鸚鵡~就諗起邊個丫~全世界得一個人訓練鸚鵡咪~等於做膠籠咁~我就好似同膠籠劃上等號~
我都唔驚~洗乜咁驚~接得手做~面皮要夠厚~

作者: sodagreensimon 時間: 2011-3-5 23:42

我記得早排仲有人睇鸚鵡表演時拍爛手掌，但突然「又」有感而發，對人對事既態度轉得真係快，同我哋鬍鬚曾原來係同行黎噃~~~ 咁之後劇情發展會唔會好似鬍鬚曾一樣，死雞撐飯蓋，又硬兜返黎又話唔關佢事, 呢句說話唔係佢講，純粹只係覆述呢~~~

我「又」有感而發，如果香港有父母教仔時用體罰，又或者唔俾飯個細路食，咁係咪全香港市民都係虐兒罪犯????

如果「又」有父母係個仔做得啱時，會用玩具、食物獎勵下個細路，咁算唔算係虐待兒童??

我「又」上咗一課，原來教育心理學上講咗好幾十年既Positive Re-inforcement 係唔存在既~~~

作者: Ming 時間: 2011-3-8 12:30

提示: 作者被禁止或刪除內容自動屏蔽

作者: 風中飛鸚 時間: 2011-3-8 13:19

說得對丫~我有位愛心朋友~覺得人類浪費地球上的空氣~而空氣應該留給弱小的昆蟲~

作者: 楚峰 時間: 2011-3-8 14:32

其實呢啲話題同”動物應該回到大自然給牠們自由還是由人飼養會好一點”一樣，
沒一定的答案...也做不到什麼...
不如這關於訓練和互動的話題就到這裡終止好嗎？

作者: 亞賢 時間: 2011-3-8 15:27

其實呢啲話題同”動物應該回到大自然給牠們自由還是由人飼養會好一點”一樣，
沒一定的答案...也做不到什麼...
不如這關於訓練和互動的話題就到這裡終止好嗎？
楚峰發表於 2011-3-8 14:32

峰師兄早D出手嘛！

作者: 啤梨 時間: 2011-3-8 15:36

其實每個會都有各自的觀點與角度，就算同一個會裡的人都有自己各自的觀點，
根本不需要用自己的尺去評論。
另外眾所周知，所有野生動物都是對異常的事非常敏感，
因為牠們除了找尋食物之外還要小心應付其他天敵。
所以觀鳥的朋友要格外小心，在自然環境下觀賞牠們的自然生態，當然都會好小心啦。
而我們的鸚鵡都是同我們一起生活、一起成長，與野生鳥類的性格當然唔同啦。
我們都是愛惜鸚鵡的一群，都唔會把自己深愛的鸚鵡去受難，牠們是不是驚恐，我相信主人們一定看得出，
總之繁事都輕鬆d啦，不是事事都是咁極端既。

作者: Ming 時間: 2011-3-8 15:40

提示: 作者被禁止或刪除內容自動屏蔽

作者: Ming 時間: 2011-3-8 15:45

提示: 作者被禁止或刪除內容自動屏蔽

作者: pinko 時間: 2011-3-8 17:03

唉........各式其式吧......喜歡不喜歡自己選擇吧

作者: 楚峰 時間: 2011-3-9 12:23

峰師兄早D出手嘛！
亞賢發表於 2011-3-8 15:27

因為而家無用電腦，我好多post無追，所以唔知...

作者: vanessachan 時間: 2011-3-9 13:03

講起觀鳥,我有一趣事分享.我家住於馬鞍山近山邊的地方,這裡有很多野鳥出沒.每日早上及晚上我都能夠聽到日間及夜間出沒的鳥兒大合唱.由於本人中意種花花草草,露台已整到好似一個迷你熱帶雨林咁.而我的灰鸚擅長模仿"鳥兒大合唱"結果我家露台,露台外的一棵大樹都飛來了很多野鳥,有大有細.我坐在客廳就能觀鳥,幾爽呀!D野鳥久而久之都唔怕我,我就算行去去佢地都唔走.但牠們的大合唱的確嘈到爆.早上的雀鳥的歌聲就是歡樂大合唱.晚間的歌聲很好聽,但比較輕聲及淒怨.夜晚唱歌的雀雀仲大隻過"諸士渣"

作者: Ming 時間: 2011-3-9 14:37

提示: 作者被禁止或刪除內容自動屏蔽

作者: Ming 時間: 2011-3-11 13:42

提示: 作者被禁止或刪除內容自動屏蔽

作者: vanessachan 時間: 2011-3-11 18:53

ming,你有玩觀鳥的,我想問下晚上叫聲是"輕聲"(即叫聲不嚮不尖的),歌聲感覺上有D淒怨(不要誤會是鬼叫)體形比諸士渣大的,這是什麼雀?

作者: Cozzy 時間: 2011-3-11 20:06

ming,你有玩觀鳥的,我想問下晚上叫聲是"輕聲"(即叫聲不嚮不尖的),歌聲感覺上有D淒怨(不要誤會是鬼叫)體形比諸士渣大的,這是什麼雀?
vanessachan 發表於 2011-3-11 18:53

你是只噪鵑嗎????

作者: vanessachan 時間: 2011-3-11 21:21

其實顏色的確看不清,但歌聲的確淒怨得黎又動聽.不過在日間我見到一隻啡身藍尾的,有灰鸚咁大隻.都好好唱口.

作者: Cozzy 時間: 2011-3-11 23:24

其實顏色的確看不清,但歌聲的確淒怨得黎又動聽.不過在日間我見到一隻啡身藍尾的,有灰鸚咁大隻.都好好唱口.
vanessachan 發表於 2011-3-11 21:21

灰喜雀

歡迎光臨 PARROT-TREE (http://forum.parrot-tree.com/)