PARROT-TREE - Powered by Discuz! Board

標題: 我都有事想向各C兄請教 [打印本頁]

作者: vanessachan 時間: 2011-4-26 20:21 標題: 我都有事想向各C兄請教

我養的灰鸚1歲半,但體形有42cm長(由頭至尾度),體重已超標,一上手已好"聚"手;隻爪有雞瓜咁大,條頸成look蔗咁粗,這樣會唔會過肥影響健康?我見佢比雀街(包括賣的同雀友自家的)都大成1/3,係唔係佢食得太多所至??

作者: mmchu 時間: 2011-4-26 22:27

實際D，佢有幾重？？

作者: vanessachan 時間: 2011-4-26 22:44

對上一次在診所磅,成一年前的事,都550g.現在比之前更大隻,更聚手.我家中沒有電子磅,所以不知牠現在多重.只是見牠長得比其他灰鸚大,就捉牠出來度一下長度,有42cm長.

作者: bb4321 時間: 2011-4-27 00:28

咁大隻

咪成隻大白咁

作者: yokojune 時間: 2011-4-27 00:33

我隻灰鸚有485g,看來又唔肥喎~可能你隻大身d喇.

作者: vanessachan 時間: 2011-4-27 11:44

佢每日都食半條蕉.我就係驚會唔會食得多變到咁大隻會影響佢本身健康啊....仲有一樣野我都想知.之前帶佢落街晒太陽,有個阿叔走埋黎,話想借我的灰鸚打種.(佢話在元朗有地方養雀的)佢又話隻雀唔係人工繁殖,估佢係野外的BB被人捉左當人工繁殖買出國.話野雀才有咁大身,人工養的細隻好多.本人是一名絕對新手,究竟佢是食得多野食到咁大隻,還是牠的背景令牠咁大隻呢?還望各立賜教.

作者: 風中飛鸚 時間: 2011-4-27 11:48

1以550算大隻啦~但未超標~視符那裡出品~
2你要以數字為目標~眼睇大隻左唔算~磅數可能冇改變~
3你可以關好門窗~俾多d飛行時間佢~

作者: vanessachan 時間: 2011-4-27 12:15

佢好似唔識飛,因為我放佢出黎玩,佢都是在籠邊自己爬來爬去.試過有一次我老公嚇佢,佢都係跌左左地,無飛的意圖.有時放佢出黎,佢都係好似狗仔咁跟住我行黎行去.仲有550g是去年的紀錄,現在比之前還要大.我就是去雀街睇人地果D見大家體型有別才同佢度一度.之前大圍個外藉女獸醫話肯出雙倍價錢同我賣,我都覺得怪,一個獸醫怎會看得起一隻咁普通的雀...原來因為佢大隻.還有在這裡跟大家分享一下,個獸醫話比熱情果隻雀食,雀雀的毛色會更靚天有光澤的.

作者: 風中飛鸚 時間: 2011-4-27 15:32

1在家飛不起~不代表驚嚇後也飛不起~我俾人追斬時~跑得快過劉翔~
2唔咁評論獸醫出雙倍價錢買你隻雀~
3如果重就代表好~我都幾好架啦~

作者: vanessachan 時間: 2011-4-27 20:07

其實見到佢長大後是隻"高俊威"我都好開心,只是驚佢食得太多會出"脂肪瘤"或心血管疾病.期待你們的活動,可以帶埋佢出黎同大家見個面.

作者: louisa20047 時間: 2011-4-27 21:06

你不如出相俾人睇下先啦

作者: vanessachan 時間: 2011-4-27 21:54

好呀.過兩日放假帶佢去街街,到時影D靚仔相放上黎同大家分享一下.

作者: 風中飛鸚 時間: 2011-4-28 14:56

其實見到佢長大後是隻"高俊威"我都好開心,只是驚佢食得太多會出"脂肪瘤"或心血管疾病.期待你們的活動,可以帶埋佢出黎同大家見個面.
vanessachan 發表於 2011-4-27 20:07

灰鸚鵡最好能夠每日出籠同主人親子活動~十多分鐘都好~

作者: yokojune 時間: 2011-4-28 17:06

佢每日都食半條蕉

作者: mavisweet 時間: 2011-4-28 17:38

佢每日都食半條蕉.我就係驚會唔會食得多變到咁大隻會影響佢本身健康啊....仲有一樣野我都想知.之前帶佢落街晒太陽,有個阿叔走埋黎,話想借我的灰鸚打種.(佢話在元朗有地方養雀的)佢又話隻雀唔係人工繁殖,估佢係野外的 ...
vanessachan 發表於 2011-4-27 11:44

香蕉糖份高,怕佢難消耗當中糖份,食少d為妙~~~

作者: vanessachan 時間: 2011-4-28 20:00

吓...戒蕉..

..佢日日一諗起食蕉就會大叫"細路仔食蕉".不過為左佢健康都係小食.
飛鸚:佢每日都有出籠時間,佢通常在籠周圍爬來爬.但要佢入籠就慘喇,我10隻手指都花晒,有D仲滲緊血水呀...

作者: khl27380 時間: 2011-4-28 23:10

細路仔食蕉.................i like that..........

作者: vanessachan 時間: 2011-4-28 23:14

但我一拍片,佢就即刻收聲,唔係就可以同大家分享,真係好得意的.

作者: khl27380 時間: 2011-4-28 23:20

灰鸚多數係咁.......最好偷偷地拍

作者: BoBoBoBo 時間: 2011-4-30 13:33

你平日有無放隻灰鸚出呢玩? 可以掛絛唔易 kick 腳仔既長膠鏈或繩, 佢地好鐘意爬.
我地用IP cam 觀察對灰鸚年半, 發現好多好多平日難得一見的情境, 及在不同天氣之下有不同的情緒等等,
例如以為佢地有玩具就會玩, 唔會悶~~~錯!
想知你隻灰鸚自己獨留家中有幾悶, 可以set 部機看看牠平日做什麼, 但最好是可以zoom in 的, 可以看清楚些.
灰鸚最高危是在青春期體內苛爾蒙的變化, 到時就好大機會出現咬毛問題
經一事長一智, 希望兩隻一齊可以開開心心, 得享天年!
(以上純屬個人意見, 主席話齋, 一百個人養鸚有一百種方法! 適合自己的就最好了!)

作者: BoBoBoBo 時間: 2011-4-30 14:07

本帖最後由 BoBoBoBo 於 2011-4-30 14:21 編輯

仲有, 灰鸚要多鈣, 有無俾佢晒太陽? Vitamin D 幫助鈣質吸收, 可以俾佢食berries - blueberries, blackberries, red currents, 都有豐富鈣質和各類elements, 墨魚骨/雞蛋殼都有豐富鈣質, 熟番薯, 熟荷蘭豆, 熟豆腐, 木瓜, 蜜瓜亦好有益, 可以俾多d 不同种類的天然食物隻灰鸚試, 小量即可.

每日半隻蕉, 小心吸收過量鉀...

隻灰鸚似狗仔般跟出跟入, 要小心, 最近我都唔小心夾親隻灰鸚隻腳仔, 雖然無事, 但我心痛到依家, 非常後悔自己的一時疏忽...

鸚鵡唔識飛, 遇上危險會走避不及!

作者: vanessachan 時間: 2011-4-30 16:09

現在已把牠鎖腳鏈才放牠在籠頂自由活動.因為之前佢無驅無促在家自由活動時已咬爛左我好多傢俱了,甚至去啄隻烏龜.....我平時都有餵藍莓,士多啤梨,木瓜,芒果佢食.聽聞哈密瓜對鸚鵡有益,遲D有得買時都會買.我好想帶牠去晒太陽,但佢唔肯入新買的去街籠,改用企架出,又死都唔肯出門口.....點算呀???

作者: BoBoBoBo 時間: 2011-4-30 16:27

現在已把牠鎖腳鏈才放牠在籠頂自由活動.因為之前佢無驅無促在家自由活動時已咬爛左我好多傢俱了,甚至去啄隻烏龜.....我平時都有餵藍莓,士多啤梨,木瓜,芒果佢食.聽聞哈密瓜對鸚鵡有益,遲D有得買時都會買.我好想帶牠去 ...
vanessachan 發表於 2011-4-30 16:09

咁點爬上爬落玩倒吊呀?

你家可有太陽直接晒到入屋? 有就裝個亞加力窗花, 或做做繩網掛窗上, 開大個窗晒啦!
不過在太陽下溫度有成30度以上, 見佢地張咀透氣太熱就可能中暑, 最好有個風扇一邊吹下.
依家對灰鸚去慣晒太陽, 企上腳架就行得, 好簡單好方便!

作者: vanessachan 時間: 2011-4-30 16:47

因為住得矮,沒有太多太陽入屋.條鏈2尺長,仲可以爬上爬落,但倒吊就唔得喇.我地都有諗過在其中一間房用來整番個"遊樂場"比佢.現在想搵一條木(高過人個D),但都無得買.....又唔敢上山斬.你的比我隻定得多,佢即使小小異樣都好緊張.仲有,我的灰鸚是男仔,佢會唔會大大下想搵女朋友的???

作者: BoBoBoBo 時間: 2011-4-30 16:56

本帖最後由 BoBoBoBo 於 2011-4-30 17:03 編輯

因為住得矮,沒有太多太陽入屋.條鏈2尺長,仲可以爬上爬落,但倒吊就唔得喇.我地都有諗過在其中一間房用來整番個"遊樂場"比佢.現在想搵一條木(高過人個D),但都無得買.....又唔敢上山斬.你的比我隻定得多,佢即使小小異樣 ...
vanessachan 發表於 2011-4-30 16:47

下次見面慢慢傾, 你可有看過我d 舊post? 可以去搜尋功能, 打入"灰鸚~" "窗花" "小麥草"
如果有地方就放d 格仔架/層板俾佢爬上爬落, 我隻Timneh 勁鐘意玩倒吊, 而剛果灰鸚就唔太敢咁玩法.
得閒去雀街逛逛, 有時會有人整棵鸚鵡樹放售, 仲可能幾平添, 不過又係睇緣份!

我呢個企架都唔多穩陣, 隻剛果灰鸚成日好大動作咁

"兇"隻Timneh, 搞到隨時反艇

, 可能只放一隻會好d.

作者: vanessachan 時間: 2011-4-30 17:00

我問過能X佢話無,去繽紛問又話佢地D木頭唔知係咩野樹斬的.所以我唔敢搏.

作者: BoBoBoBo 時間: 2011-4-30 17:04

我問過能X佢話無,去繽紛問又話佢地D木頭唔知係咩野樹斬的.所以我唔敢搏.
vanessachan 發表於 2011-4-30 17:00

作者: yokojune 時間: 2011-4-30 18:46

本帖最後由 yokojune 於 2011-4-30 18:47 編輯

繽紛園藝呀,唔好啦,怕有農藥,或許購買膠嘅playing gym.
我昨天亦鎊過豬豬都有505g

作者: vanessachan 時間: 2011-4-30 18:48

繽紛即係花虛買花果間,果度有時有木頭買,成個人咁高果D.

歡迎光臨 PARROT-TREE (http://forum.parrot-tree.com/)