PARROT-TREE - Powered by Discuz! Board

標題: 棄鸚問題 [打印本頁]

作者: vanessachan 時間: 2011-4-27 22:48 標題: 棄鸚問題

其實牠們很有性,不要輕易離棄牠們.因為我之前在雀街見過一隻被主人遺棄的亞馬遜,牠被主人賣了.佢咬毛咬到肚仔都無晒毛,仲發出哭聲,情景令人心都up埋.我之前返左大陸,由我老公照顧我的鸚鵡,牠唔見我2日,返到黎驚我再走,日日好似狗仔咁一步都跟住我.所以買之前真的要諗清楚,唔好再次傷害牠們,牠們離鄉別井,老遠來到我們手上,請珍惜這有靈性的動物啊.

作者: emily0317 時間: 2011-4-27 22:50

同意及支持

作者: MandyYung 時間: 2011-4-27 23:29

係呀　最緊我都為左呢個問題頭痛緊　去即日來回既都話　但要過夜既　要將我隻Barbie暫住係人地屋企　都唔知佢會點　．．．．．　

作者: 14D 時間: 2011-4-28 00:19

我隻亞歷山大係我搬屋嗰半日以為我唔要佢(成間屋乜都冇晒,而我又想攪掂間屋先),半日就咬咗心口一忽毛,成個月先生番靚。

作者: 真正 時間: 2011-4-28 00:46

十萬個認同

作者: MandyYung 時間: 2011-4-28 02:49

本帖最後由 MandyYung 於 2011-4-28 02:55 編輯

我隻亞歷山大係我搬屋嗰半日以為我唔要佢(成間屋乜都冇晒,而我又想攪掂間屋先),半日就咬咗心口一忽毛,成個月先生番靚。
14D 發表於 2011-4-28 00:19

咁大件事．．．．．．　我真係唔知點只可以令隻雀明白　我只係去兩日　唔係唔要佢　

擔心

計過如果要去兩日一夜　都要早一日交比朋友睇實佢　咁佢就要係人地度過第一晚　第二晚就一定要　咁第三日　我幾夜返都要第一時間去湊番佢返屋企　咁即係話一共要過兩晚夜　

好唔捨得放低佢係人地度　但又要陪下另一半遊玩下　

．．．．　其實我想陪個女多ｄ真係做左雀媽咪　個心放係個女身上多ｄ

而家我唯有推得一時得一時　

作者: wendy2307 時間: 2011-4-28 08:26

雀雀好有靈性,我通常先張它帶到預備託付的朋友家.最好有其它雀,去多幾次熟左便可,最緊要同雀雀講清楚,佢地識聽架

作者: hoiching 時間: 2011-4-28 08:42

十卜十卜,................

作者: vanessachan 時間: 2011-4-28 09:30

我唔敢寄養在別人度,怕佢誤會我唔要佢比左人,驚佢咬毛.如果外出,都盡量留在家中,搵親戚每日上黎照顧佢.之前我又擔心佢會悶,曾打算買個伴比佢.但之前睇過奇鸚嘉年華,老公話買就等於鼓吹人去捉.要為牠找個伴就去領養D被遺棄果D.但其實我又好想知,我地去左返工,雀雀一個困在籠中悶唔悶呢?還是純粹自己諗多左呢??

作者: vanessachan 時間: 2011-4-28 10:18

仲有之前我睇過一份唔知是漁護署,嘉道理農場還國際自然保護基金之類的報告.提及每隻到達主人手上的鸚鵡,背後是有20位同伴的屍體.即牠們由產地運輸出口到雀販再到達主人手上的這個過程就有20死1生,仲慘過9死1生.

作者: 煙花 時間: 2011-4-28 10:22

雖然大家都講得好有道理,但我唔會為左佢唔去旅行..........
同埋佢有無人都會咬毛!!

作者: 風中飛鸚 時間: 2011-4-28 10:39

1咬毛問題我們不爭論~因為起因實在太多~

2我非常偉大~唔去旅行~因為我冇錢~

3如果以現在雀街中的亞歷山大/達魔之類~點只20比1丫~死80都未有1丫~

作者: vanessachan 時間: 2011-4-28 11:31

吓....咁大鑊...真係慘

.點解D雀販唔養D大先買??起碼都出晒毛毛啦.

作者: 風中飛鸚 時間: 2011-4-28 11:51

吓....咁大鑊...真係慘.點解D雀販唔養D大先買??起碼都出晒毛毛啦.
vanessachan 發表於 2011-4-28 11:31

在雀販手都死架~你估唔洗死丫~
當大家見過運輸用的籠~就明白點解死亡率咁高~
有人問:死亡率咁高~改過個籠唔得咩?
我一立方放200隻~你一立方放一隻~你隻唔死就係做到一隻生意~~
我200隻死150隻都做到50隻生意~
以上數字只是"老作"出黎比例~是比喻細小空間放多雀~運輸會好d~至於死幾多~運輸果位唔會關心~
曾經見過因為運輸途中~全數死亡而放棄景象~就是將整籠棄在火車站左近~
在密麻麻的雀屍當中~還有未斷氣~慘不忍睹~
而偷運其他動物更嚇人~一個永安旅行袋~可能有18隻懶猴加20隻了哥同23隻刺蝟加62條蛇~
以上都係好多年前所見~現在可以好像頭等機倉都唔定~

作者: vanessachan 時間: 2011-4-28 13:38

咁我地買的鸚鵡是否用這些方法運來的???同埋佢地是用飛機運還是船運??如果是比較貴的品種,會唔會用D比較豪華的方式把牠們運來?

作者: khl27380 時間: 2011-4-28 13:38

吓....咁大鑊...真係慘.點解D雀販唔養D大先買??起碼都出晒毛毛啦.
vanessachan 發表於 2011-4-28 11:31

問得好..好簡單﹐早D賣﹐自己唔洗餵﹐唔洗煩﹐不過最主要﹐係“滿足”果D中意自己餵大鸚鵡BB既飼主﹐完全係飼主同鳥商既責任感問題﹐簡單講兩者都冇。
有責任既鳥場﹐鳥商同私人繁殖者﹐係極少出售未wean既鸚鵡的。

另外很多係雀街經車路來港賣既內地雀﹐特別係亞力﹐不是來自大型鳥場﹐而來港途中既死亡率﹐係無咁誇的。來既數量本身亦唔多﹐唔會20死1生的。

現在運輸巳比當年好很多﹐死得多既主要係走私同野生雀。就以最近本港兩間店鋪為例﹐從南非入左好多中至大型鸚鵡﹐“至少”直至到達那兩店鋪那天﹐全部鳥都係100%生存的。

作者: khl27380 時間: 2011-4-28 13:43

雖然大家都講得好有道理,但我唔會為左佢唔去旅行..........
同埋佢有無人都會咬毛!!
煙花發表於 2011-4-28 10:22

我都唔會....為仔女就可以﹐為寵物.......人還是要做的啊﹐犧牲去旅行太難接受了...

作者: 風中飛鸚 時間: 2011-4-28 13:44

死亡率高當然以偷運計算啦~正式入口是有管制的~
不能太過密集~有規定呎吋~

作者: yokojune 時間: 2011-4-28 14:19

我都唔會....為仔女就可以﹐為寵物.......人還是要做的啊﹐犧牲去旅行太難接受了...
khl27380 發表於 2011-4-28 13:43

我一樣都唔會,但我仲煩緊7月前必定要成功介奶.

作者: vanessachan 時間: 2011-4-28 20:04

7月??仲有2個月.你的鸚鵡買時幾大呀??

作者: Cozzy 時間: 2011-4-28 22:40

咁我地買的鸚鵡是否用這些方法運來的???同埋佢地是用飛機運還是船運??如果是比較貴的品種,會唔會用D比較豪華的方式把牠們運來?
vanessachan 發表於 2011-4-28 13:38

用飛機運,仲要9成都係坐CX....

作者: yokojune 時間: 2011-4-28 22:48

7月??仲有2個月.你的鸚鵡買時幾大呀??
vanessachan 發表於 2011-4-28 20:04

3月購買時2個月大

作者: vanessachan 時間: 2011-4-28 23:18

嘩!好B喎.咩野品種呀?我以前唔知幼鸚要食奶,又唔識餵,所以就煮爛D番薯,南瓜之類餵雀雀.

作者: sodagreensimon 時間: 2011-4-28 23:27

問得好..好簡單﹐早D賣﹐自己唔洗餵﹐唔洗煩﹐不過最主要﹐係“滿足”果D中意自己餵大鸚鵡BB既飼主﹐完全係飼主同鳥商既責任感問題﹐簡單講兩者都冇。
有責任既鳥場﹐鳥商同私人繁殖者﹐係極少出售未wean既鸚鵡的 ...
khl27380 發表於 2011-4-28 13:38

師兄/姐, 你講到咁實牙實齒, 唔係我哋一般小雀民可以知道既消息喎, 可唔可以透露一下消息來源呢??

作者: khl27380 時間: 2011-4-28 23:44

師兄/姐, 你講到咁實牙實齒, 唔係我哋一般小雀民可以知道既消息喎, 可唔可以透露一下消息來源呢??
sodagreensimon 發表於 2011-4-28 23:27

你指邊樣﹖

作者: sodagreensimon 時間: 2011-4-28 23:50

雀來港途徑, 死亡率, 來源等等~~~~

作者: khl27380 時間: 2011-4-30 14:02

雀來港途徑, 死亡率, 來源等等~~~~
sodagreensimon 發表於 2011-4-28 23:50

沒什麼的﹐本來幾年前準備開鸚鵡店﹐最後開左第二D﹐所以有同行內人溝通果D﹐只係略知一二﹐以前係美國同大陸帶過鸚鵡返港﹐南非台灣跟日本有時無聊我真係會聯繫八掛下﹐所以漁農處CITES獸醫驗鳥果D算有D經驗﹐合法非法進出口知少少﹐不過都係以前既事﹐而加做左第二行無諗了﹐我算係知得少﹐我身體既朋友就更清楚呢D野。

作者: BoBoBoBo 時間: 2011-4-30 14:09

沒什麼的﹐本來幾年前準備開鸚鵡店﹐最後開左第二D﹐所以有同行內人溝通果D﹐只係略知一二﹐以前係美國同大陸帶過鸚鵡返港﹐南非台灣跟日本有時無聊我真係會聯繫八掛下﹐所以漁農處CITES獸醫驗鳥果D算有D經驗﹐合法 ...
khl27380 發表於 2011-4-30 14:02

有一定豐富養鸚知識, 請多多指教!

作者: khl27380 時間: 2011-4-30 15:38

有一定豐富養鸚知識, 請多多指教!
BoBoBoBo 發表於 2011-4-30 14:09

呵呵才給人話了無愛心..不過一個準備賣鸚鵡的人﹐對鸚鵡既愛應刻fade out一定程度﹐或者“看”鸚鵡既心態有別於好多飼主。

作者: vanessachan 時間: 2011-4-30 16:56

khl27380: 其實大家只是在網絡上相遇,背後的問題好難大家都能理解,不要介懷.這裡只是分享知識及經驗的平台,只要把心得拿出來跟大家分享,一樣都可以幫到好多雀雀同主人的.

作者: yokojune 時間: 2011-4-30 19:07

嘩!好B喎.咩野品種呀?我以前唔知幼鸚要食奶,又唔識餵,所以就煮爛D番薯,南瓜之類餵雀雀.
vanessachan 發表於 2011-4-28 23:18

都一樣得啦,只是而家有奶粉,所有野都均衡晒,唔哎洗煩.現在有2隻3個半月的亞歷山大.

作者: win_hk 時間: 2011-5-1 00:26

雀真是有性的，唔好隨便養，又隨便唔要，他們好可憐，我好愛我兩對LB咖，佢地有病或唔開心，我會好心痛

作者: vanessachan 時間: 2011-5-1 14:50

我都係呀.上次雀雀病左驚佢死,我哭左成晚.....

歡迎光臨 PARROT-TREE (http://forum.parrot-tree.com/)