PARROT-TREE - Powered by Discuz! Board

標題: 你同你地鸚鵡相會既故事 [打印本頁]

作者: 真正 時間: 2011-5-2 10:25 標題: 你同你地鸚鵡相會既故事

我成日都覺得，
自己同豆豆既相會係有一種「安排」係入面，
不如大家都講下你地點樣同你地既鸚鵡相會呀﹗﹗
我好鐘意聽架﹗

作者: Cozzy 時間: 2011-5-2 10:33

1# 真正
你快D講左你個古事先LA

作者: 真正 時間: 2011-5-2 11:01

其實我好細過有養彩鳯仔，果時自己細，但已經好鐘意雀仔，不過果時養左10對左右，全部都死於非命，我屋企人無注意到家居安全，有d慘死腳下，有d跌落渠、有d病死、有d比貓捉左、有d飛走左~總之我果時以為彩鳯好短命~對上一次養彩鳯仔，係養豆豆一年前既事，都係係一個落雨天氣下係街執到~但佢死果時既情況，我呢世都記得，我發現對雀仔黎講，對佢地好既人，原來佢地真係到死都記得~

之後我屋企人已經將個籠拋左，因為我媽媽超超超超反對養雀，因為佢好怕d毛，我一路都已經打消左念頭無諗住再養，雖然好想養。我都諗住自己結婚自立(嫁得出的話)先會再養~!

但有一日，我係灣仔做完野走果時，出黎唔覺得經過一間鸚x店。我見到果度有好多鸚鵡，門口放既起碼有六隻玫瑰葵花(當時當然唔知係咩黎啦~)只係企係度望左一陣，就中左計。

我可以形容果一下係「刹那之間既對望」，(好似好低能咁，我真係有呢個感覺)，豆豆望住我，然後停左佢做緊既野，我仲好記得佢個籠係係我眼睛水平視線高度，然後佢係條磨瓜棍上跳落黎。行過黎我面前望住我，我想望下佢側面係點既，所以將個頭側左去右邊，佢好似學我咁，側左去佢既右邊，然後我地玩左好多次側左側右~

我愛上左佢~~~~~~~~~

我想睇下佢幾多錢~(一直唔敢入呢d舖頭)~無價錢，但豆豆就係籠既另一邊跟過黎，又望住我，我行返出去，佢又跟，行返入黎佢又跟，終於忍唔住，問左個價，我呆左~佢話拎出黎比我睇下~我都話唔洗先~我真係呢世女未試過買咁既價錢既野~(對上一次最貴係手提電腦，佢係部電腦兩倍價錢~)出到黎滴哂汗~望多佢一陣~(下呢呢句好低b)~我眼濕濕~因為好想同佢係埋一齊~

返去諗住會死左條心，點知返到屋企開電腦就search粉胸鳯頭，咩都無咁濟~唔死心search英文名~又多野睇到唔知點睇，揾左好耐~終於揾到鸚鵡樹~睇完~每日都諗住佢~夜晚都心思思~五日之後，都係乖乖地帶定錢去~諗住睇下點~

今次去到，豆豆掛住食野唔理我，我係舖頭同其他玫瑰葵花玩，一隻咬到我痛到死、一隻被人train到勁乖但又無咩感覺、兩隻好驚我、有隻等左好耐先理我~30分鐘後佢仲食緊~諗住走~點知佢就係個糧兜抬起頭望住我~然後又跳落黎~對住我左腳右腳咁跳舞~又跟住我兩邊籠走~

之後，就跟我返左屋企~

作者: 真正 時間: 2011-5-2 11:01

2# Cozzy

唉，好累，到你。

作者: 小草妹 時間: 2011-5-2 11:12

睇得出真正你打得好累

師兄快 D 打~ (clymcm字)

作者: Cozzy 時間: 2011-5-2 11:13

本帖最後由 Cozzy 於 2011-5-2 11:15 編輯

2# Cozzy

唉，好累，到你。
真正發表於 2011-5-2 11:01

LOK GOD....
未有之前留左電話D雀店,入左一隻佢地CALL左去睇.....
買果時全香港有一隻3歲以下的CAPE.....
一見到買左....
V仔妹妹大眼仔買果時寫過唔寫LA

作者: Cozzy 時間: 2011-5-2 11:16

師妹,你都寫下LA

作者: 小草妹 時間: 2011-5-2 11:34

你師妹隻手好唔得閒掛住食蛋糕 , 等我呢個師妹妹寫住先
我細細個媽咪朋友送我一條藍頭羽毛 , 之後同屋企人一直想養 , 但可惜舊屋細無咩位
直到年幾兩年前搬完屋就上黎望下 , 見到家姐Nike 個頭側得好過癮同Hellowin隻靚靚Hello好鬼靚就好想養 ... 但該時其實妄想緊自己可以養返隻大黃金 ...
之後因為你師妹係咁勁擺佢自己d相上黎睇完之後嚇到我走 ... 半年幾前帶住陰影咁上返黎 , 無幾耐就決定養雞尾
點知去到能叔果度見到隻搞笑太陽同條尾同我玩水 , 稔jo一日就拎佢返屋企 , 成為我個大女Happy

作者: 波波 時間: 2011-5-2 14:22

我的故事是...不能說的秘密

有相c未呀真正.....

作者: ngkare 時間: 2011-5-2 15:08

真正, 你除咗係真正好人, 仲係真正有心人, 段文字gum長, 未睇先感動!
我而家搏殺緊, 唔得閒打我和rolex的故事, 第日見到面再講你聽!

作者: 真正 時間: 2011-5-2 15:29

10# ngkare

字多~只係因為我打字唔算慢~又唔代表D咩~
只係我好鐘意聽故仔~

作者: 真正 時間: 2011-5-2 15:30

勁擺佢自己d相上黎睇完之後嚇到我走 ..
小草妹發表於 2011-5-2 11:34

呢句需要解話﹗

作者: 真正 時間: 2011-5-2 15:30

9# 波波
我影得小皓好得意架~
但我無過相器~

作者: mavisweet 時間: 2011-5-2 16:21

我同ENVY仔既相遇無你咁奇妙,不過都可以分享下~

話說差不多兩年前,我男朋友想養鸚鵡,就成日去雀街同灣仔"蒲"~
第一次見到玫瑰葵花就已經同男朋友講:"哩隻雀好靚呀~我要養哩隻~"

事隔大半年,我正值失業,男朋友見我悶悶地,又諗起我話過中意GALAH,
就帶左我落鋪頭揀,當時鋪頭有3隻GALAH,兩隻仔一隻女,
因為聽講仔乖D同異性相吸,所以店員拎左兩隻仔放上企架比我揀~
一隻好惡一直霸住個糧兜係咁食,
一隻就比人蝦過唔到去食野~我見佢咁可憐,心諗佢應該會乖D~
所以最後男朋友就送左比人蝦個隻比我...佢就係ENVY啦~

作者: 養鳥新丁 時間: 2011-5-2 16:23

飛鸚快d入黎分享同當奴相會既故事

作者: 波波 時間: 2011-5-2 16:42

甘你平時影完5過電腦ge???==
真正甘我今晚sd d 相比你同我post la唯有..

作者: 真正 時間: 2011-5-2 16:57

14# mavisweet

根據咁既定律，
蝦蝦霸霸果d應該比較難賣得出d~
因為係我我都會選隻比人蝦~haha~

作者: jennymok 時間: 2011-5-2 17:40

响2003年爸爸的朋友因"沙士"想放飛4隻雞尾，我地知道放飛佢地一定死，因會被麻鷹捉或唔識揾野食，所以我地要咗。(其中一隻唔小心响2006年比佢飛走咗，一隻上年病死咗)
之後我隻太陽响2004年飛黎！因互動多咗就對鸚鵡發生與趣，所以成日去灣仔睇鸚鵡。睇得多自然又想買，第二隻想買玫瑰葵花，點知幾個月都無貨，有一次見到隻黃頸金剛(約6月大)，覺得佢好得意，每次見佢，個頭不停向前搖同BB叫，所以諗咗3星期就買咗喇。買既時候又無leg佢出嚟玩過，返到屋企後，全家都比佢咬爆手。
隔咗一年又心思思想買隻識講野的鸚鵡，於是揾咗個借口"母親節禮物"又買咗隻藍頭亞馬遜。以前買鸚鵡無諗過佢地咁長命又無做research，覺得得意就買，到而家都養咗8年，加上有2隻開始咬毛，先至發覺養寵物係一件一生承諾的事，唔係只係比佢住同食。就好似照顧小朋友一樣，BB時要喂鸚鵡奶粉，大D要教佢地食糧、上手、上厠所(唔可以周度呵)。每日要安排早、晚餐、小食、生果、下午茶，去旅行一家人要輪流，每日每星期的清潔....而家我地仲後生，將來我地老咗，揾邊個照顧佢地呢！(一直都擔心) 所以我有朋友想養，我都叫佢停一停、諗一諗，因為呢個係一個幾＋年的commitment，佢地一生中只有我們一個依靠，也是唯一的依靠!

作者: zero322 時間: 2011-5-2 18:01

我戈時第一次飬咁貴既寵物
本身識個朋友佢有隻中葵比我...點知比人捷足先登
咁只好去雀街買跟住本黎諗住買迷你金點知林X記有灰鸚BB
戈時有一隻仔一隻女
有一隻就眼仔66 但係亂咬人
另一隻就好文靜跟住重上我手又比我摸我一走就叫
咁好明顯一定買戈隻文靜啦但係戈隻係女仔個老闆話女仔講野好差
我呀媽戈時都叫我講野買就買男仔啦
咁我唔理
就買左小櫻
返到黎重係BB仔一隻要餵奶但係好乖好聽話個個比摸
到而家全日講野係講野冇叫過

由當初識得講HALLO到而家朱古力好食你好 A FOR APPLE B FOR BOY ....等
好開心

當正佢係我個女架啦

作者: jennymok 時間: 2011-5-2 18:17

19# zero322
我隻藍頭亞馬遜都係女，佢都係好叻講野，好似佢叫"媽咪、家姐"，如無人應佢，佢會大叫"聽唔聽到呀!"直至有人應佢為止。平時工人幫佢換籠、換水，佢會叫工人個名，之後話佢(工人)"靚女"，所以個工人好鐘意同佢玩!!

作者: zero322 時間: 2011-5-2 19:18

佢好多野講架
多到成日要叫佢唔好嘈先比我可以安靜下睇電視= =

作者: clymcm 時間: 2011-5-2 22:07

我和大部分的大家一樣, 細個養過彩鳳, 對鳥類一直有好感, 見麻雀在路上我會兜大圈行免得驚動牠們

求學時期有隻自來文雀, 方知世上原來有手玩鳥, 會回力飛回主人身邊的奇怪鳥類

到長大搬離父母後, 決心要一嘗多年心願再養, 首選雞尾, 可惜牠極快病了, 看獸醫後又極快瓜了
金錢上和精神上都令我很震驚, 一段時間後再到同一鳥店, 看著一整籠雞尾, 但心很怕不敢再養
店主知道後不知從哪變出一隻疑似玩具鸚鵡, 快速放上我肩, 向我說: 這隻吧! 強壯多了, 醫藥費可省不少"
我向肩上望一望昂首挺胸的牠, 很刺眼..
心想為何會有顏色假得如此不自然的鳥 (當時對鸚鵡認知近乎零)
牠是一只太陽鸚鵡, 就是現在的 Nike
雖然第一感覺牠很奇怪, 不過我觸電了~
只是問了店主一句 "牠的聲音是如何?"
剛巧旁籠有另一隻太陽以麗音試範 "ar~"
就立即帶了牠回家

回家三十分鐘後, 一直沉默的 Nike 突然一聲 " ARRRRRRRRRRR!!!!!!!!!!"
我醒了, 自始家變得很熱鬧

* 真正, 我是被你的感性故仔感動而為你寫~ 多謝你開 post 和分享

作者: tsw 時間: 2011-5-2 23:13

13歲養虎皮鸚鵡
16歲養紅領綠鸚鵡(飛走咗)-藍紋吸蜜鸚鵡(俾人偷咗)
30歲養2隻灰鸚鵡(死咗)--中葵鸚鵡(上月死咗)
40歲養大白葵花鸚鵡

作者: 養鳥新丁 時間: 2011-5-2 23:38

13歲養虎皮鸚鵡
16歲養紅領綠鸚鵡(飛走咗)-藍紋吸蜜鸚鵡(俾人偷咗)
30歲養2隻灰鸚鵡(死咗)--中葵鸚鵡(上月死咗)
40歲養大白葵花鸚鵡
tsw 發表於 2011-5-2 23:13

難怪大仙咁想養返灰鸚

作者: 煙花 時間: 2011-5-2 23:52

係好耐好耐以前,公司老闆養隻鸚鵡係藍頭,所以一直有機會認識鸚鵡
仲要試過放長假比我寄養,之後不時都係比我帶返屋企養下咁,之後突然唔食野,即日就屙血釘蓋。

咁之後偶然發現鸚鵡樹,睇到飛鸚養大24c 篇野,重燃養鸚鵡o既熱情,機緣巧合領養到e+果隻灰鸚

初初無毛,到出返毛,學講野,又咬曬d 毛...........................直至現在很開心快樂地生活下去。完!

作者: tsw 時間: 2011-5-2 23:54

難怪大仙咁想養返灰鸚
養鳥新丁發表於 2011-5-2 23:38

宜家要養人

作者: 養鳥新丁 時間: 2011-5-2 23:57

宜家要養人
tsw 發表於 2011-5-2 23:54

大家係雀街/鋪頭留意到有靚靚灰鸚記得通知大仙

作者: kwokbudgie 時間: 2011-5-3 00:33

最初是想養一隻說話和互動能力高的鸚鵡,灰鸚是我當初的目標.尤其是看到Einstein灰鸚的片段:
[youtube]7rfGEtALHYs[/youtube]
考慮左好一段時間,還拜托十X兩的老板如果有灰鸚返貨就打電話比我,但幾個星期後都冇收到電話,打去問話仲未有貨.之後再過左唔知幾耐,打電話問話剛有一批灰鸚,但話忘記通知我,己經賣哂!當時抱住個心態是唯有再等.
2009年,因為年尾要清假,又冇打算去旅行,聽講灣仔有間x記,所以得閒走去看看.睇雀期間,有個路過人(路人甲)話灣仔仲有兩間賣鸚鵡的鋪頭,於是就在灣仔遇上家家.當時見到牠很可愛,時常伸個頭黎叫你搔痕,又肯上手.不過價錢就在我預計之外好多.返到屋企上網查Galah, Rose breasted Cockatoo, 一大堆資料看了一鄰. 第二天又去灣仔探家家, 來來回回都去左3至4次, 每次留兩三個鐘,我估個老板都覺得我煩,睇禁耐都冇幫親. 最後終於在聖誕節那天買左份聖誕禮物比自己

作者: MandyYung 時間: 2011-5-3 02:47

本帖最後由 MandyYung 於 2011-5-3 03:02 編輯

家裡既一對愛情鸚鵡　是朋友哺育後　贈送給另一半的　所以跟自己親手揀Barbie既　感覺好唔同　加上對ＬＢ　養左一年　都依然唔願上手　就算隔住個籠　都唔願被摸　只係見到我手上有野食　先願意走埋黎　所以天生黏人性格既彩虹吸蜜鸚鵡 Barbie 係返屋企既第一個禮拜　經已好親人　而家養左兩個月　經已上到手　日頭見我未訓醒又會高頻咁叫你　叫兩聲你無反應就唔會再叫　乖乖呢　但鬧鐘响左就會不停叫你拉　知你去街　又會唔捨得你走　知你返黎　就會好開心咁叫　見你係度　野都食多ｄ　安心ｄ咁食　（所以我真係擔心去左旅行　佢會唔多想食野　另一半話唔怕　但我呢個緊張媽咪　如果無一個令我有信心既人睇實佢　真係玩得唔安樂）　又爛玩　有時覺得佢又似貓　又似狗　而家晚晚同另一半既指定節目　就係陪呢個女一齊玩　

[attach]31504[/attach]

回想兩個月前係慮ｘ記見到佢時　佢猛係個籠既　”ｌａ”度　捐個頭出黎　好攪野　又八掛　最緊要佢唔怕人　（上網search 過　知道佢地親人既性格　其實點解會去搵吸蜜既資料　係因為早前係慮ｘ記度見過一隻黑頂吸蜜　又係好親人　不過被人買左　但真係有都心大心細　因為黑頂既size大隻ｄ　唔係我心目中想要既）　我試著大膽ｄ摸下佢既嘴仔　同佢講 Hello 　佢就咬左我隻指一下　都幾大力下　但同屋企對　ＬＢ比　就未致於流血　跟住我同佢講　：唔得呀　痛呀　細力Ｄ　佢就好似識聽咁　停左落黎望住我　然後我再比隻手佢　佢真係輕過之前　同佢玩到日落　實在好唔捨得佢　決心要帶佢返屋企　而家佢成為我地兩個既愛女

　

　　

作者: wendy2307 時間: 2011-5-3 11:01

聽我爸講,佢細個時,亞爺間鋪有隻海南了哥,每有人行過就叫早晨,到10多歲時有一畫眉飛來我家,後來搬屋到廣播道也帶著它,有天我在家好奇放它出來,它很開心不停唱,又扮聲- 火車聲,狗吠,貓叫,電話響,街市嘈什聲,等等,令我大開眼界,後來我細妹的朋友的狗生左很多狗仔,俾左一隻我地養,佢冇幾耐就死左,當時196幾年,我爸問過雀鋪,話可賣五千幾,當時計也算不少錢.
到2002年我準備退休,有天傍晚我先生在廚房煮飯,我在廳看電視,聽到有雀叫聲,我便吹口哨引佢,點知佢原來就在我家晾衫繩上,跟住我不停吹口哨,佢就一路走入屋來,是隻lb,好醒目,識睇書,我俾d有圖片的書佢睇佢會目不轉睛,一來到就俾摸頭握手,放出來識自己返入籠到重識自己close the door.不過有次出街在車上死去.直到現在我每次想起都忍不住流眼淚.
後來我妹妹送一對lb俾我,死左一隻,我老公有天在街上執到一隻,也是lb-現在我地叫佢大眼妹,正一大家姐,爛玩,識玩,不過如果摸咀就要鬥快縮手,還有一隻lb是棄鸚
我家現在還有一隻細種達麼,超痴我,因佢bb時我親手餵大,不過很細膽,不跟我老公因知佢成日激我

作者: 風中飛鸚 時間: 2011-5-3 11:56

當奴的故事出過幾百次報張雜誌~在鸚鵡樹都打過一千幾百次~不過為左証明我打字幾快~如果換轉係onon~見到咁多字已經想嘔~
自小一直都斷斷續續有養細鸚鵡~金剛鸚鵡係我夢寐以求~不過等於我現在想去澳洲咁~係冇可能既事~一直都係得個睇字~有次聚會~副主席jess帶同佢新寵紅金剛到場~(以往我去參加聚會~都渴望見到金剛鸚鵡)
我問:剛剛買的嗎?他說出一個很簡單理由~就買了一隻紅金剛~
我當時在想:真幸福~咁簡單就買左隻紅金剛~我恨左成世都冇~
有一日在元朗鸚鵡店買野~見到一隻紅金剛~將糧兜作巢~大家想想~糧兜咁細~點作巢丫~當時他非常滑稽~
我問店員:我唔係買~只是非常渴望~如果唔介意~可以拿出來看看嗎?
當店員準備打開籠時~紅金剛對著我大叫~"老豆"~老豆"我拿上手~他圈曲在我心口~反轉在我雙手中~輕聲叫"老豆"老豆"此情此景~有人不動心嗎?就是我~

我問店員幾錢~店員答:折實一萬九千八~你要就一萬九千~我當然將金剛交回店員~金剛唔肯過番佢手~仲狂叫:"老豆"老豆"~但二萬元唔係一個細數目~自己乜野身份丫~二萬元買隻雀~打消念頭~下世先諗啦~

於是駕車回家~整晚不能忘記當時情景~自己同自己講~二萬元冇左可以搵番~人一世物一世~既然自己已經恨左一世人啦~幾辛苦都好~完成自己一個心願啦~再同太太商討~決定明天去買~非常高興~

第二晚去到~店員話:紅金剛在元朗好多人搵~果隻仲咁乖又會叫"老豆"好快就賣出啦~
我當時好像廿幾樓跌落街~心情180度轉差~於是將二萬元收好~必需要買隻紅金剛~
將消息傳偏整個地球~過左冇幾耐~真係有消息~我好開心啦~一路都以上次果隻做目標~

去到店員說:sorry~隻雀有d問題~一打開箱~待續

作者: 養鳥新丁 時間: 2011-5-3 12:03

當奴的故事出過幾百次報張雜誌~在鸚鵡樹都打過一千幾百次~不過為左証明我打字幾快~如果換轉係onon~見到咁多字已經想嘔~
自小一直都斷斷續續有養細鸚鵡~金剛鸚鵡係我夢寐以求~不過等於我現在想去澳洲咁~係冇可能既事~一直都係得個睇字~有次聚會~副主席jess帶同佢新寵紅金剛到場~(以往我去參加聚會~都渴望見到金剛鸚鵡)
我問:剛剛買的嗎?他說出一個很簡單理由~就買了一隻紅金剛~
我當時在想:真幸福~咁簡單就買左隻紅金剛~我恨左成世都冇~
有一日在元朗鸚鵡店買野~見到一隻紅金剛~將糧兜作巢~大家想想~糧兜咁細~點作巢丫~當時他非常滑稽~
我問店員:我唔係買~只是非常渴望~如果唔介意~可以拿出來看看嗎?
當店員準備打開籠時~紅金剛對著我大叫~"老豆"~老豆"我拿上手~他圈曲在我心口~反轉在我雙手中~輕聲叫"老豆"老豆"此情此景~有人不動心嗎?就是我~

我問店員幾錢~店員答:折實一萬九千八~你要就一萬九千~我當然將金剛交回店員~金剛唔肯過番佢手~仲狂叫:"老豆"老豆"~但二萬元唔係一個細數目~自己乜野身份丫~二萬元買隻雀~打消念頭~下世先諗啦~

於是駕車回家~整晚不能忘記當時情景~自己同自己講~二萬元冇左可以搵番~人一世物一世~既然自己已經恨左一世人啦~幾辛苦都好~完成自己一個心願啦~再同太太商討~決定明天去買~非常高興~

第二晚去到~店員話:紅金剛在元朗好多人搵~果隻仲咁乖又會叫"老豆"好快就賣出啦~
我當時好像廿幾樓跌落街~心情180度轉差~於是將二萬元收好~必需要買隻紅金剛~
將消息傳偏整個地球~過左冇幾耐~真係有消息~我好開心啦~一路都以上次果隻做目標~

去到店員說:sorry~隻雀有d問題~一打開箱~待續
風中飛鸚發表於 2011-5-3 11:56

唔好吊我癮喇.......

下集呢

作者: 風中飛鸚 時間: 2011-5-3 12:14

唔好吊我癮喇.......
下集呢
養鳥新丁發表於 2011-5-3 12:03

突然野做~要emal貨回大陸~轉頭~

作者: 風中飛鸚 時間: 2011-5-3 13:02

上一集講到~去到一打開個箱~當堂嚇左一跳~然後得啖笑~!箱內是一隻鸚鵡嗎?是紅金剛嗎?

以下形容可能令人情緒不安~請家長陪同收看~
我只見箱中一塊有紅色毛的肉~尾毛斷晒~咀爆裂~穿左~腳指斷幾隻~周身血同屎~溝到又嗅又肉酸~唔好話二萬~送都未必有人要~我再細心睇~原來bb好細隻~在南非運輸途中~給其他鸚鵡咬斷腳指~咬穿咀~當時個咀爆裂得好肉酸~我非常失望~不過心諗~再放回籠中~應該會俾其他同類咬~待續

作者: 真正 時間: 2011-5-3 13:21

34# 風中飛鸚

大佬呀~你要待續幾多次呀~~~help~

作者: 風中飛鸚 時間: 2011-5-3 14:02

上集講到~買又唔係~唔買又唔係~我見bb真係好細隻~傷勢都幾嚴重~唔買佢實死~買又冇理由二萬元買隻咁野~於是我同老闆商量~提出一個不合理價錢~原因是這鸚鵡~太重傷~而必定終生殘廢~應該可以跟南非繁殖場退款~既然有機會退款~而傷勢咁重你又唔會同佢睇醫生~又冇咁好心機服士佢~俾個機會隻雀同我~

故事到這裡我先停一停~為對方解釋一下~可能當年對方覺得必能退款~但如果將價錢降得太低~會引起更多不便~例如萬一再有斷指~會引起大幅降價~所以不會冒險~但經過我苦苦相逼提出此雀必死的道理~
不是金錢問題~是等於放生做好事~終於買了回家~

故事有出現另一問題啦~一隻咁肉酸既雀~就算唔洗錢都好難解釋~邢全身都係屎同血~又點解決~
沖涼又必死~唔沖又難帶番屋企~於是硬著頭皮~一回家就放入籠~死就死啦~

過左幾日~問題又出現~個籠太細~而隻鸚鵡因為俾其他同伴打~而失晒信心~非常惡~
點樣轉籠呢?我已經一星期沒有接觸隻鸚鵡~但佢仲係好惡~我又未養過咁大隻雀~點算呢?
心諗e次死硬~開始有d後悔買回家~唔通大型鸚鵡真係唔適宜飼養?

點知一次換糧~打開門佢跌左出黎~在地上~窗又冇關~今次死啦~飛出去點算~
伸手過去必斷指~隻雀又嗅又腥~好難頂~但都冇辦法~希望唔好咬斷手指~十針八針就在所難免~
當我伸手過去~當奴冇咬不單只~仲企上我手~乖乖入籠~我順手摸下隻屎雀~佢傾斜個頭俾我摸~
問題就解決左~

所以我日後就經常提醒他人~新雀回家~不要太過親密接觸~過左一星期先好開始發展關係~
等隻雀完全安定~~

作者: MandyYung 時間: 2011-5-3 14:36

上集講到~買又唔係~唔買又唔係~我見bb真係好細隻~傷勢都幾嚴重~唔買佢實死~買又冇理由二萬元買隻咁野~於是我同老闆商量~提出一個不合理價錢~原因是這鸚鵡~太重傷~而必定終生殘廢~應該可以跟南非繁殖場退款~既然有機會 ...
風中飛鸚發表於 2011-5-3 14:02

你真係好偉大　呢個都係你同Donald 既緣份　
有時去買雀　試過有老板見我生手　都唔放心賣比我　結果當然買唔到　
有時有ｄ野　都講心同緣份　任何人都會有第一次　

我屋企對ＬＢ　養左一年　都唔願意企上黎　曾經有老板教我　捉佢地出黎　摸下佢地既頭仔　同佢地傾下計　結果係兩隻野　淨係想咬你　同埋連最鍾意食既瓜子都抗議唔願食

作者: 風中飛鸚 時間: 2011-5-3 14:57

34# 風中飛鸚

大佬呀~你要待續幾多次呀~~~help~
真正發表於 2011-5-3 13:21

我唔係坐定在電腦面前任打架~雖然我一分鐘80幾個字~

作者: 養鳥新丁 時間: 2011-5-3 16:04

我唔係坐定在電腦面前任打架~雖然我一分鐘80幾個字~
風中飛鸚發表於 2011-5-3 14:57

我應該都差唔多喎...幾時黎較量下

好難想像當奴係一塊紅色毛既肉....

作者: zero322 時間: 2011-5-3 17:08

一分鍾80個字我諗個個字都一樣

作者: wisebudgie 時間: 2011-5-3 17:56

當奴唔洗睇醫生呀? 咁佢生命力都好強喎, 好叻仔!

作者: 真正 時間: 2011-5-3 17:59

我真係好鐘意睇故仔呀~
今朝入到黎見到咁多人講故事~
真係好~~~~
我覺得每個人同自己鸚鵡既感情都係獨一無二~

作者: 真正 時間: 2011-5-3 18:01

22# clymcm

呀人地家姐，
唔好咁講~我份人純粹係八卦~

作者: 小草妹 時間: 2011-5-3 18:44

本帖最後由小草妹於 2011-5-3 18:52 編輯

等我再打埋Angel , 我記得聖誕前2 , 3 星期記入jo一對四個月的太陽BB , 1男1女 , 隻女得3,4個月大
我一眼睇中果隻女 ( 該時仲未知Happy 唔系仔 haha) , 就咁就睇足 2 星期 , 當時我好驚配完個伴比Happy , 佢會唔要我 , 正所謂"有異性無人性 " . 不過講真我重未試過咁心思思想帶一隻動物返屋企 , 日稔夜稔 , 返學稔放學有時借買糧為由都落去偷偷望多幾眼 , 該時同屋企人提過下隻太陽bb女 , 佢地唔多反對又知我好鬼鐘意佢 , 又想Happy開心
到平安夜果朝終於忍唔住帶Happy落去 "相睇" , 見隔住籠都唔打好似幾夾 , 打個電話比屋企人話不如帶佢返屋企啦
結果屋企人半瞞住我 , 係聖誕節當日就帶jo呢隻小朋友返屋企
隻小朋友返屋企之後變得非常非常痴人 , 痴到fing唔甩 , 仲同Happy爭寵添
但Happy次次好大方讓呢隻小朋友
該時正值為期2星期嘅聖誕假 , 因為bb仲細又好嗲 , 佢次次係我出街都唔捨得我  之後隔離唔知幾多日就膽粗粗試下比佢同Happy同籠 , 可能初頭唔習慣 , 佢成日撲籠搵我撞到跌落籠底 , 我稔之後會好d , 我已經係門口蓋晒有顏色嘅布 , 比條梯佢由籠底爬返上籠頂 , 之後整整一星期更加無出過街 , 但就係假期最後一日 , 朋友比2張"與龍同行"嘅飛我同屋企人去睇 , 臨走時已經重複檢查晒確保安全先走 , 睇時都心掛掛有預感驚佢會出事
返到屋企發現點解Happy靜晒 , Angel無出聲已經心知好大獲 , 但該時個籠蓋住布無一眼睇出咩事 , 一開布發現佢成個頭kick 住係籠底我真係嚇到呆晒唔識反應 , 只識問一句 : 點解會咁 , 明明幾個鐘前仲嗲緊我同我玩緊
之後我只記得我抱住佢係咁喊係咁喊 , 屋企人無論公公定媽咪只識係咁嚇我叫我快d拎走佢驚有菌 , 我知佢地出於關心但我果刻真係好憎佢地 , 結果我喊得仲勁 , 連野都講唔到唔想嚇親前一日見過佢嘅家姐只係sms佢話佢知有件咁嘅事 , 雖然部電話唔見jo sms 無晒 , 但我記得好清楚個好家姐知我自責竟然將罪名攬晒上佢自己度 , 話佢唔應該叫Angel住Happy個籠 , 如果我有唔啱佢自己更錯 , 如果仲嬲佢叫我以後唔好搵佢
呀新丁之後無端端又開post 叫我去睇見到話Angel 係跌死 , 搞到全世界非常震驚結果我要挨眼訓挨傷心咁上黎解釋
果日之後日子我好似比死更難挨 , 每日返到學都完全專心唔到空堂只係識偷偷地趴係枱度喊 , 但無任何人從來知道我其實咁掛念 , 係咁叫我買過隻算 .... 但我一直睇唔啱 , 無心情睇
直到見到鸚鵡店有幾隻珍達仔 , 睇jo 1 , 2個月之後有少少抱住博一博咁帶Echo返屋企 , 點知同Happy又一拍即合 , 但我心裡仲未接受前一隻唔係度嘅事實 , 依然唔開心
講真其實如果有得揀我會選擇要返Angel , 可惜係無選擇 ... 我至今仍然唔可以好似對Angel咁對Echo ,  雖然Echo無錯係比Angel 更得意更識引人笑 , 我2個都愛對Echo都好好但真係因為真係太愛太愛天使仔 , 真係放唔低佢 , 不過我相信上天有安排 , 有得有失我見到Happy對Echo嘅感覺完全唔同對Angel咁 , 好照顧細路好鐘意一齊玩, 以前Angel 會佢會調頭走開架

呢次相會畢生難忘 , 打好多字純粹舒發下唔好介意

作者: 真正 時間: 2011-5-3 18:53

本帖最後由真正於 2011-5-3 18:55 編輯

唉...睇到後來眼濕濕........

作者: 養鳥新丁 時間: 2011-5-3 18:57

Sorry

作者: 小草妹 時間: 2011-5-3 19:22

本帖最後由小草妹於 2011-5-3 19:28 編輯

唉...睇到後來眼濕濕........
真正發表於 2011-5-3 18:53

我自己打返出黎都好心痛 , 不過佢唔走我都唔知自己有幾愛佢 , 佢同Echo一樣有時曳到激到我彈起
佢唔走我又唔會發覺原來世界上有樣好似Echo咁低能嘅生物 , 雖然佢經常地激到我生蝦咁彈起但其實口鬧佢心好甜

, 佢唔走我又唔會發覺原來世界上有個咁傻嘅家姐明知我真係做得出唔搵佢都想氹返我開心
我可以算係 "獲益良多" 唔經歷都唔會明白咁多野
真正好人老師 , 又咁稔有時生命唔計長短 , 係計活得精唔精彩 ... 我好肯定雖然天使仔活得唔長但佢係我屋企過得真係好高興好開心
搞到老師眼濕濕我好罪過
送幅靚靚相過你 ~ 笑返

作者: 小草妹 時間: 2011-5-3 19:33

Sorry
養鳥新丁發表於 2011-5-3 18:57

都過jo咁耐sorry d 乜 , 我都唔記得成件事係點啦
見真正呢個post 先勾起返我d回憶咋

作者: vanessachan 時間: 2011-5-3 20:30

睇完以上的故事,我又講埋一份. 我細個時老豆在家養左好多雀,有相思,黑白,朱士渣.最高峰時,同時養7籠雀.雖然一個月總跟阿爸去2,3次雀仔街,但總沒有接觸過鸚鵡.因為阿爸話鸚鵡唔識唱歌,D叫聲又難聽,阿媽又話鸚鵡會啄細路仔眼珠......2年前一日,在雀街遇見楚峰C兄,他比他2隻小鸚鵡我玩,這是我人生第1次接觸鸚鵡.之後,有日得閒又諗去去雀街睇下雀仔啦,點知行過盧X記,就望下佢D雀啦.見到有隻灰鸚好似鷹眼咁"堀"住我,牠的眼神好有霸氣與其他放於企架上買的不同.如是者,過左幾日,我同我先生去旺角行街,又行左入雀街,當時我地各自睇雀.點知我老公叫我埋去睇下一隻鸚鵡,這就是當日'堀"住我個隻.我老公話隻雀雖然在咁惡劣的環境下仍咁神氣,完全唔怕人,於是就買左佢.
故事未完嫁.買左之後2星期,雀雀就病左了.帶佢去睇醫生,醫生當時講只能盡力.因為佢太細(當時得3個月)要打針用藥都好難.到晚上9點幾,醫生打黎,話佢救生意志仲好強,眼神流露出佢無放棄,仲想繼續生存,醫生話會同佢一齊努力.(個果醫生倍佢倍到好夜,因為10點幾都仲有同我講番個情況,所以我好感激個獸醫,佢唔係淨係識賺錢果種,佢真係想幫到隻小動物).我仲驚佢死,喊左成晚添.....之後好番,就越養越大隻,越黎越頑皮同惡.現在就當正自己王子咁(有嚴重王子病),過住吃喝玩樂,等緊凱蒂爬上枝頭的生活....

作者: 小草妹 時間: 2011-5-3 20:36

呢句需要解話﹗
真正發表於 2011-5-2 15:30

啱啱先見到 , 人地兩公婆一個靚女一個靚仔再加個靚靚大仔會令我非常自卑 , 為免自己心靈受創傷我先行一步

作者: 真正 時間: 2011-5-3 20:58

49# vanessachan

"霸氣"~唔知出處來自邊度~我d學生又係成日講~

大家欣賞鸚鵡既角度真係好唔同~我會買d比較弱小既~你就會買d有風骨既~

真係得意~

作者: 養鳥新丁 時間: 2011-5-3 21:01

49# vanessachan

"霸氣"~唔知出處來自邊度~我d學生又係成日講~

大家欣賞鸚鵡既角度真係好唔同~我會買d比較弱小既~你就會買d有風骨既~

真係得意~
真正發表於 2011-5-3 20:58

香港網絡大典~
霸氣
http://evchk.wikia.com/wiki/%E9%9C%B8%E6%B0%A3
(ps:可能比較粗俗)

作者: vanessachan 時間: 2011-5-3 22:12

霸氣: 每當遇到唔中意的,眼仔就整到鷹眼咁"堀"住人.有陌生人黎我地屋企,牠又會以鷹眼"堀"足人全程.咁算唔算霸氣....因為好多見過佢的朋友都係咁講.

作者: 風中飛鸚 時間: 2011-5-3 22:33

剛剛測試過~一分鐘唔只打80個字丫~睇我表演啦~

80個字~80個字~80個字~80個字~80個字~80個字~80個字~80個字~80個字~80個字~80個字~80個字~80個字~80個字~80個字~80個字~....................................................

作者: yokojune 時間: 2011-5-4 00:35

我自出世家裏已有鸚鵡，爸爸話自來的，會自己定時定後來食野，食完就飛走，最初好憎佢，破壞農作物又偷野食，但久而久之由罵到買埋食物俾佢，有2天冇見佢返第三天冇了一腳趾一截死死吓番，自嗰日佢再無走過，一留就40年，上年壽終了。
偶爾行雀街見到青bb，牠和牠同一隻腳一樣是冇了嗰截腳趾，就是情義結買了牠。

作者: rainny 時間: 2011-5-4 01:26

見到好多人O既故事~~ 我都想講O下...

O係好多年前... 媽咪養O左一隻 LOVE BIRD~
媽咪買O既過程我唔知... 因為我唔O係 HK~
但係佢好叻好乖~ 叫佢識飛埋O來~
不過... 佢突然唔食O野... 我已經即刻同佢去睇醫生~
但係... 醫生無醫佢... 我眼白白睇住佢走~~
由醫生診所返屋企O既時候... 係咁喊喊喊~~

無幾耐... 媽咪同我一樣都想再養雀仔...
咁O岩見到有小達摩BB~ 佢好搞笑... 當隻隻O係度食O既時候...
佢就望實你... 放手指埋去... 佢就行上O來~
仲鬆起哂O的毛~ O係你手上面中眼訓~
就係咁.. 就買O左佢返屋企... 佢就係細D喇~
我無諗過小達摩識講咁多O野~ HELLO~ 你好~ 全部都識講~~
佢最叻O既係有以下一套動作...
扮電話禁制O既 DO DO 聲 -> 然後扮電話響 -> 然後講 HELLO -> 然後學工人姐姐O既大笑聲~~
然後不停 REPEAT 又 REPEAT~~
佢仲有O的好好笑O既小動作...比麵包佢食~~ 仲要O係度扮R痕~
左望又望~ 唔望你~ 行哂成個籠先走過O來拎舊麵包~ 佢鍾意用水浸到林哂先食~
佢真係好叻~~ ^^

不過我就無諗到佢會叻到識自己打開個籠~ ><
平時我都已經知佢識開籠~ 已經隔外搵到個衫夾夾實個門...
某日返到屋企... 見到個衫夾彈到老遠~
個籠開O左~ 細D唔見O左~
即刻仆落街搵~ 又去貼街招... 但係都無人 SO 我~ ><

再隔O左好幾年... 即係上幾個 WEEK~~
我再去雀仔街見到小達摩~
不過今次呢O的真係好BB~ 我都唔係好識養~
呢隻小達摩又係... 任摸... 又上手... 又係中眼訓~
我真係諗返起以前細D O架~ 所以即刻買返去~
仲即刻叫返佢做細D~

之前佢唔肯食O野O個幾日真係嚇死我O架~ ><
不過好多謝呢度好多高人答O左我好多問題~
而家食好多O野~ 仲學飛~ O係個籠度跳O來跳去... =_=
叫佢又會應~ 咬人仲越O來越大力... ^^"
(其實... 點教佢唔咬人呢??)

作者: 波波 時間: 2011-5-4 01:59

第1隻大咀...買之前比人毒...5理37 21買左先...買哥陣見佢發呆..我同佢對望左半個中,佢好似係甘用小新ge
眼神攻擊係甘攻擊我....甘就....e+都仲係甘呆==
第2隻小皓....見政府派$身狠去行下...本來沒打算買...同佢玩玩下佢成個頭痴埋我掌心要我同佢r...shit..我即刻走
我驚我毒發身亡..過左幾日個心忐忑...最終都係走左去買==去到有人問緊價要買甘ge款...好彩最後鹽貴沒買
根手同老細講下價都係平幾百...個心想當政府送ge算...

最慘買哥2日都下雨==做左落湯雞

作者: cheerios 時間: 2011-5-4 02:03

我自出世家裏已有鸚鵡，爸爸話自來的，會自己定時定後來食野，食完就飛走，最初好憎佢，破壞農作物又偷野食，但久而久之由罵到買埋食物俾佢，有2天冇見佢返第三天冇了一腳趾一截死死吓番，自嗰日佢再無走 ...
yokojune 發表於 2011-5-4 00:35

係咪四十年嚟喺屋企開大窗，帶出街都唔會飛走架? 好似楊過隻鵰咁

"破壞農作物又偷野食" <--- 妳屋企唔係香港?

作者: Snowbaby 時間: 2011-5-4 10:49

我細個果陣都養過幾年彩鳳,不過都係當觀賞鳥在籠裏面養,後來搬咗屋就無再養.直到若干年後有一天去花墟,無意中發現咗雀街,到第二次同個老友一齊去行,都係諗住睇吓就算,點知行到中間一檔,事頭婆放晒d雞尾出黎,其中有一隻黃化,一隻珍珠好似好乖咁企响道,我老友即刻中晒毒,要我買,我原全無心理準備要買雀,最後商量後決定買咗放係佢屋企養(我每星期都去佢屋企).於是滿心歡喜帶住二隻雞尾返屋企.到咗第二朝,懷住新鮮及興奮的心情打開塊籠布,當堂呆咗,隻珍珠成隻硬咗瞓响籠底,當我仍然沉醉於新雀的歡愉中,瞬間巳被打入死雀的惡夢裏.我真係接受唔到,望住餘下果隻黃化,有小小鬆毛,係咪病呢?如果有病就要快d食藥.當時好單純,只係一心諗住醫返隻雀,無諗到其他,如果我帶佢去其他雀舖問,可能可以救返隻雀, 但我就帶佢返去事頭婆道,事頭婆點會認自己賣病雀丫,佢仲大話連篇,又話佢細個所以成日瞓,又話佢無咗個伴傷心,買返隻伴就無野啦,最後佢响個大籠道捉咗一隻黃化塞入我個籠道,就係咁,我就用咗半價帶雪兒返屋企,其實連佢個樣都未睇清楚.好彩原來佢好靚,而先前果隻最後因缺乏醫治而死亡,這件事到而家我都耿耿於懷!可能之前果二隻只是過客,負責帶引雪兒來我家中,雪兒才是真命天子!
由於一星期內死二次雀,令到我有陰影,一路都唔敢再加雀,因為雪兒一直都係自己一個未見過同類,所以佢都唔知自己係鸚鵡,當咗自己係人仔,直到第2隻雞尾(十仔)的出現……待續

作者: carolee 時間: 2011-5-4 10:51

未帶小雲回家前, 對鸚鵡沒什麼了解, 只接觸過朋友的一隻好可愛朱冠囡, 所以原先是想要一隻朱冠的

故事發生在2005年8月的一個星期天, 我和老公在鳥店遇見了剛搭飛機到香港兩天的小雲
一心想找粉紅色朱冠的我, 根本對白色的大白沒興趣, 也毫無認識, 可是當我們經過小雲身邊, 她便突然跳到老公身上, 然後像掛爐鴨一樣掛在他胸前挨著撒嬌, 當時店裡沒有朱冠鸚鵡, 店員跟媽媽說可以先帶小雲回家, 再慢慢找一隻朱冠鸚鵡陪她, 於是我們接受了他的提議而小雲也成為了我們的寶貝女兒

之後怕小雲悶, 一直想找個玩伴給她, 相睇了過百隻雀, 當然也包括幾隻朱冠(後來先知原來朱冠好難搵), 但小雲都不喜歡, 每次帶她相睇, 都會把對象狠狠的擊退.

其實早從鳥店把小雲抱回家前, 她已跟小寶是好朋友了, 一起搭飛機來香港的, 但小寶見人便咬, 雖然有次把小雲帶到鳥店, 見她跟小寶玩得好開心, 知小雲很喜歡他, 但我被小寶狠狠的咬得好傷, 實在好怕所以唯有拆散他們, 而據說小寶也展轉賣了給三戶不同的人家, 每次都因大叫和咬人被退回, 再見他時對人類似乎更沒信心

2006年12月, 知道小寶又被打回頭, 小雲又相睇冇結果, 便再帶小雲回去找他, 見他們依然那麼相親相愛, 便把小寶帶回家跟小雲一起做伴了

作者: 風中飛鸚 時間: 2011-5-4 10:56

e個post~真係破晒最多字紀錄~(除左鬧交)
文字咁樣用唔係有意義得多咩~?唔理真定假~大家是否同等級數愛鸚鵡~分享交流點都好過互相針對~

作者: yokojune 時間: 2011-5-4 11:59

58# cheerios
係呀,直到現在仍然屋企開大窗開大門，無帶佢出街,佢會飛但不遠,會飛番嚟和過夜,無籠無腳鍊㗎, 香港本土圍村人, 舊時屋企養豬養雞有木瓜樹盒掌瓜等等.佢會偷嚟食,又會食雞料.佢以前會在豬欄上睡,但是無養豬後就入屋啦.

作者: clymcm 時間: 2011-5-4 12:05

e個post~真係破晒最多字紀錄~(除左鬧交)
文字咁樣用唔係有意義得多咩~?唔理真定假~大家是否同等級數愛鸚鵡~分享交流點都好過互相針對~
風中飛鸚發表於 2011-5-4 10:56

飛鸚你岩 wor,
真係好少可大家自願長篇大論得黎又願意睇埋其他人既長篇大論
整個 post 又保持到和諧氣氛

頂住呀~

作者: Snowbaby 時間: 2011-5-4 12:28

上文講到雪兒唔知自己係鸚鵡,直到佢7歲果年,十仔的來臨,十仔係收養返來的原色雞尾,佢係一隻走失雀,離家出走後,佢比人捉咗,之後換咗幾個主人後,輾轉來到我家中.佢唔算驚人,但就非常怕人d肉,我唔可以同佢有肌膚之親,佢只會隔住件衫企在身上.佢飛行能力非常之高,我記得佢第一次出籠起飛,我可以用”驚心動魄”來形容我的心情.我未見識過佢地ge高速飛行,加上屋企又細,真係驚比佢撞親!自從二隻小鬼一齊之後,雪兒漸漸意識到自己係鸚鵡,開始無咁痴人類,唔駛幾個月仲學埋十仔的飛行本領,而家二隻小鬼在家中飛黎飛去,我都習以為常了!

作者: 真正 時間: 2011-5-4 12:51

56# rainny
飛走左真係會好傷心，其實即使買隻相似既，
個心始終都會掛住飛走果隻~
我諗你會更珍惜現有既野﹗

作者: 真正 時間: 2011-5-4 12:52

47# 小草妹
多謝小草~佢個樣好得意~

作者: 真正 時間: 2011-5-4 12:58

60# carolee

原來小雲小寶個愛情故事咁曲折，
真係好似睇緊愛情小說咁，
carolee你有無諗過轉行寫小說﹖
文字簡單得黎又好感人呀~~~~~~~
其實小寶故事應該都好好睇~但可惜無人知~

作者: 真正 時間: 2011-5-4 13:00

64# Snowbaby
唉，
見到你地全部都一雙一對，都想幫豆豆揾個伴.......
想下0者..........

作者: louisa20047 時間: 2011-5-4 13:02

60# carolee

原來小雲小寶個愛情故事咁曲折，
真係好似睇緊愛情小說咁，
carolee你有無諗過轉行寫小說﹖
文字簡單得黎又好感人呀~~~~~~~
其實小寶故事應該都好好睇~但可惜無人知~
真正發表於 2011-5-4 12:58

小雲小寶個愛情故事有報導過
之前我係網上睇過
(好似係報紙)

作者: 養鳥新丁 時間: 2011-5-4 14:36

e個post~真係破晒最多字紀錄~(除左鬧交)
文字咁樣用唔係有意義得多咩~?唔理真定假~大家是否同等級數愛鸚鵡~分享交流點都好過互相針對~
風中飛鸚發表於 2011-5-4 10:56

不如做個整合版....
開個帖放埋一齊做精華帖

作者: carolee 時間: 2011-5-4 15:15

小雲小寶個愛情故事有報導過
之前我係網上睇過
(好似係報紙)
louisa20047 發表於 2011-5-4 13:02

你真好記性, 我一路寫, 一路諗, 好似以前講過佢哋嘅故事, 但又唔記得幾時, 摷番自己D舊POST又搵唔到, 好彩有你提醒, 原來去年明報訪問過小雲小寶

作者: carolee 時間: 2011-5-4 15:21

60# carolee

原來小雲小寶個愛情故事咁曲折，
真係好似睇緊愛情小說咁，
carolee你有無諗過轉行寫小說﹖
文字簡單得黎又好感人呀~~~~~~~
其實小寶故事應該都好好睇~但可惜無人知~
真正發表於 2011-5-4 12:58

妳過獎了, 小小幾行字, 只係寫番當時情況同感受!

小寶初回家時係好可憐, 對人冇信心時常咬人外, 除咗瓜子好似唔識食其他嘢咁, 又唔識玩玩具, 小雲食嘢跌咗D落地, 佢去執來食.......之前可能生活好苦

作者: louisa20047 時間: 2011-5-4 15:24

妳過獎了, 小小幾行字, 只係寫番當時情況同感受!

小寶初回家時係好可憐, 對人冇信心時常咬人外, 除咗瓜子好似唔識食其他嘢咁, 又唔識玩玩具, 小雲食嘢跌咗D落地, 佢去執來食.......之 ...
carolee 發表於 2011-5-4 15:21

俾人虐待?

作者: 養鳥新丁 時間: 2011-5-4 15:25

好彩後來遇到個好主人

作者: 風中飛鸚 時間: 2011-5-4 17:12

仲有24C既故事~雖然講過萬九幾次~不過都熱鬧一下啦~
有一日中午~去探鸚鵡王國一位朋友,事發因為誤觸到鸚鵡巢箱,手部觸摸到兩隻剛破殼的金剛
幼鳥,而大家應該都知道,如果親鳥發現到有人觸摸到幼鳥,便會將幼鳥咬死,(當時係咁諗)但如果在這樣細
小就拿出來用人手哺育,成功率也等於零,(當時好白痴~其實易如反掌)所以大家都很難取捨,(不取出會死,取出也會死)最後經過我們討論後,鳥主也心理一番爭扎,決定將幼鳥取出,因為親鳥已經不再進入巢箱
了,如果再不將幼鳥取出巢箱來的話,死亡的機會是100%,但幼鳥破殼只有一兩天,有繁殖過鸚鵡的朋友都知道,太細的鸚鵡是很難存活的,死亡機會也有95%,最主要原因是要喂哺得非常頻密,份量及時間要掌握得十分準確,輕微的錯誤就會出事,幼鳥的生存希望很微,(當時的技術真差)麻煩的是要一個多小時便要喂哺一次,而鳥主覺得自己沒有這樣耐性,(其實不用餵食得這麼密)
於是我自告奮勇暫時照顧小鸚鵡.因為就算只是5%也值得去博.(現在回想應該是99.9%存活)
(其實認識我的朋友都知道~當年我有個願望就是喂哺零天開始的幼鳥,今次算是一家便宜兩家著了),
到現在已經餵養過無數的破殼鸚鵡了~
當晚下午7時,是這對小寶貝一生人第一次進食,因為不習慣的原因,動作不大配合,很困難才吃完
第一餐,到了晚上,至電louis,他即時到我家,怎知開門一看,噯!還沒有開眼的幼鳥呀,嘴
前的卵齒還在呀!當年的他說{從來沒有飼養過這麼細小的鸚鵡呀,好像是沒有可能的,
我說{我曾經哺育過這麼細小的鳥好幾次,只不過是其他鳥類而不是鸚鵡,好可惜全部都不能
存活,但是我說:已經沒有回頭的路可走了,因為親鳥已經放棄,只有盡辦法盡人士,這樣微妙的
關係就開始了.於是便商討明天要買的用具,溫度計呀,針筒呀,有很多東西要買,惡夢開始時,
約是晚上4時左右,在床上要起來真是痛苦,睡魔也在這時間緊急召喚我,
但因為新轉環境,幼鳥要注意溫度,所以每小時也要起床看看,因為萬一到了晚上有什麼變化,
(而當時未發明暖箱~器材也很簡陋)
可能在幾分鐘內便會出事,真的好不容易地過了第一天,

第二朝一早起床已經聽到幼鳥的呼喚,即時開奶哺育幼鳥,整個過程都有攝錄及照相,可惜攝影
師在第三次哺育已經不支(睡了),只得我獨個兒在戰鬥,我當然先將幼鳥安頓好才開始攝影,
因為幼鳥經過昨天離開親鳥之後,很快已經習慣了我這位代母,進食的動作相當配合,早前要
用十五分鐘的哺育時間已經變為兩秒,
第二個難題是我要上班,怎樣帶回公司呢?幼鳥要保持很高的溫度,在途中及回到公司的保溫
是一個大問題,急需要解決,怎樣辦好呢?
因為幼鳥的溫落差不能太大,幼鳥太弱小了.
最後我用了一個暖水袋,將幼鳥放在上面,急急腳步回到公司,要在暖水袋失去功效前,製作好
臨時衡溫箱,因為是工場的關係,材料十分多,所以用了幾分鐘便完成了一個非常好用的臨時
衡溫箱了,

當時幼鳥打算能夠成功餵大~就送回朋友~所以沒有取名~怕一改名~叫下叫下~叫出感情~
想起一般繁殖場會用籠的編號去作鳥的腳環其中一部份~但我家中的籠是沒有編號~
那有號碼呢~?於是用了家中門牌24樓C座去作為幼鳥名稱~
最後成功養大兩隻鸚鵡~與朋友一人一隻~
於是出現了今天的24C了~

作者: 真正 時間: 2011-5-4 17:36

你又顯示你既打字功力

作者: 養鳥新丁 時間: 2011-5-4 18:43

24c?
為什麼沒有見過

作者: 波波 時間: 2011-5-4 19:18

24c好似係隻迷金....

作者: tsw 時間: 2011-5-4 19:37

http://forum.parrot-tree.com/vie ... 0&highlight=24c

http://forum.parrot-tree.com/vie ... 1&highlight=24c

http://forum.parrot-tree.com/vie ... 7&highlight=24c

作者: 養鳥新丁 時間: 2011-5-4 19:54

飛鸚~還差那隻藍黃的分享

作者: zero322 時間: 2011-5-4 20:32

次次去佢屋企好易記
1座24C 1座24C 1座24C

作者: ching924 時間: 2011-5-4 23:20

次次去佢屋企好易記
1座24C 1座24C 1座24C
zero322 發表於 4-5-2011 08:32 PM

遲早成個地址走左出黎係人都記得

作者: 風中飛鸚 時間: 2011-5-5 10:42

如果走雀~俾人執左~隻雀都會將地址講出黎~
就算將來相認~就係鐵一般證據啦~
乜野腳圈號碼都唔夠直接說出地址丫嗎~

作者: 風中飛鸚 時間: 2011-5-5 10:52

彩虹吸蜜 : (無名)

話說有位吸蜜主人~送我一隻蛋~用途只是測試一部孵蛋機~我當時都怕萬一成功點算好~於是四維搵人要~
幾經辛苦先搵到個朋友~願意收養~
到我成功孵出鸚鵡bb~餵大左啦~準備送給那位不負責任的朋友~他說沒有籠~
我說:我送你一個籠~
他說:還要買什麼?
我說:磨爪棍~
他說:不用可以嗎?
我說:不能~因為爪會長~要成日剪~
我再說:這鸚鵡bb因為是我親手餵大~只要每天換水換糧~好易養~
他問:要每天做?要飲水的?
我說:要飲水你都問?鸚鵡當然要飲水啦~難度你打算不給他水?
他說:我不會買食物給他~只會給飯~不會另外服士佢架~

大家說~我點可能送俾佢呢~唯有一直養住先~所以先冇改名~

作者: yokojune 時間: 2011-5-5 13:20

名付其實不負責任的朋友

作者: 煙花 時間: 2011-5-5 13:28

彩虹吸蜜 : (無名)

話說有位吸蜜主人~送我一隻蛋~用途只是測試一部孵蛋機~我當時都怕萬一成功點算好~於是四維搵人要~
幾經辛苦先搵到個朋友~願意收養~
到我成功孵出鸚鵡bb~餵大左啦~準備送給那位不負責任的朋友 ...
風中飛鸚發表於 2011-5-5 10:52

你仲未講吸蜜識噴屎.........

作者: 養鳥新丁 時間: 2011-5-5 13:36

你仲未講吸蜜識噴屎.........
煙花發表於 2011-5-5 13:28

吸蜜識噴屎?..咩意思?

作者: yokojune 時間: 2011-5-5 14:35

吸蜜all 屎係噴出來的, 要食專用的食物才會一條條

作者: 養鳥新丁 時間: 2011-5-6 10:36

吸蜜all 屎係噴出來的, 要食專用的食物才會一條條
yokojune 發表於 2011-5-5 14:35

用普通既籠好易整到周圍都係喎

作者: yokojune 時間: 2011-5-6 14:20

通常養吸蜜都使用吸蜜粉,唔怕啦~

作者: 風中飛鸚 時間: 2011-5-7 16:39

混種金剛:珍珍~

當時同大多數人一個想法~買隻異性去陪"當奴"~但雌性紅金剛又好少見到~有日見到一隻雌性混金~又知道可以配雄性紅金剛~於是問價~拉鋸戰去到兩萬幾~都覺得貴~非常唔忍心用咁多錢去買~
點知突然有個消息~金價升到5000元一兩~是歷史性高峰~從未去過此高價~我有條金頸鏈~從來唔戴~(去飲宴都唔會帶)於是想~唔用既野~放在保險箱~不如換隻鸚鵡~慘!慘!慘!~

作者: vanessachan 時間: 2011-5-7 18:24

講到噴屎,這不是吸蜜的專利.我的無公德灰鸚,可能覺得在籠裡屙屎會整污糟個籠,現在一屙屎就把pat pat放於鐵枝與鐵枝之間,把屎屙出籠外.這種缺德的行為維持左成半年喇!!有時忘記了舖報紙,返到屋企就成地屎啦.

作者: 風中飛鸚 時間: 2011-5-9 14:49

將佢放在沖涼房~咁咪好方便~一沖就得~~

作者: 養鳥新丁 時間: 2011-5-9 14:52

講到噴屎,這不是吸蜜的專利.我的無公德灰鸚,可能覺得在籠裡屙屎會整污糟個籠,現在一屙屎就把pat pat放於鐵枝與鐵枝之間,把屎屙出籠外.這種缺德的行為維持左成半年喇!!有時忘記了舖報紙,返到屋企就成地屎啦.
vanessachan 發表於 2011-5-7 18:24

真叻.....自己住既地方嘛...屙到臭曬..緊係屙出去啦

作者: 養鳥新丁 時間: 2011-5-9 14:53

混種金剛:珍珍~

當時同大多數人一個想法~買隻異性去陪"當奴"~但雌性紅金剛又好少見到~有日見到一隻雌性混金~又知道可以配雄性紅金剛~於是問價~拉鋸戰去到兩萬幾~都覺得貴~非常唔忍心用咁多錢去買~
點知突然有個消 ...
風中飛鸚發表於 2011-5-7 16:39

原來珍珍係用真金換返黎既

作者: vanessachan 時間: 2011-5-9 21:52

唉,我家的廁所好細嫁咋...

歡迎光臨 PARROT-TREE (http://forum.parrot-tree.com/)